الفيس بوك يطلق إعلانات نتائج البحث من جديد

فى الفترة الاخيرة واجه الفيس بوك مشكلة ادت لتناقص نسبة ارباحة من الاعلانات المدفوعة و ده نتيجة نفاذ المساحة الاعلانية فال News feed و ده اللى ادى ان الفيس بوك دخل فى معركة احتكار ثنائىduopoly مع Google AdWords فى المجال اللى كانت Google هى المحتكر و المسيطر على السوق فيه و هو مجال اعلانات البحث Search Ads.

الحقيقة ان الفيس بوك بدأ فى اختبار النوع ده من الاعلانات بالفعل فى نتائج البحث و ال Marketplace الخاص بيه، و ديه مش اول لان الفيس بوك كان جرب ده قبل كده فى 2012 و كانت النهاية ان رجه لغاه سريعًا فى 2013.

و من جديد سمح فى نطاق ضيق لتجربة اعلانات نتائج البحث على الهواتف فى الولايات المتحدة و كندا لمجموعة صغيرة من المعلنين فى صناعات زى السيارات و تجار التجزئة و e-commerce و هيقيم نتائج التجربة ديه قبل ما يقرر هل هيوسع انتشار النوع ده من الاعلانات فى بلاد تانية و على نطاق اوسع من الصناعات و المجالات و لا هتكون النهاية زى اللى حصل فى 2012.

و اعلن كمان ان هيتم تغيير شكل اعلانات ال News feed بغرض توجيه المستخدم بشكل اقوى للمنتج، و رفض الفيس بوك مشاركة اى screenshots لشكل الاعلان الجديد بسبب ان ما زال التصميم النهائى تحت التطوير.

و زى ما ذكرنا ان اللى دفع الفيس بوك لاعادة اطلاق ال Search Ads هو نفاذ المساحة الاعلانية فى ال news feed و ده ادى لتناقص فى الارباح؛ ففى الربع التالت من 2018 كان معدل نمو الارباح الناتج من الاعلانات 33% على اساس سنوى و ده قليل بالمقارنة بمعدل النمو فى 2017 و اللى كان 49% و قليل جدا بالمقارنة ب 2016 و اللى وصل فيها معدل نمو الارباح ل 59%، و ده كان ليه تأثير سلبى ملحوظ على سعر الاسهم الخاصة بالفيس بوك.
و من المتوقع ان من احد العوامل اللى كانت سبب فى اعادة اطلاق ل search ads هو تعويض الخسائر اللى نتجت عن فضايح الامن و الخصوصية اللى كان الفيس بوك متهم بيها الفترة اللى فاتت و اللى مثلت ضغط كبير على مسئولى خدمة الفيس بوك Mark Zuckerberg و Sheryl Sandberg.

و لشرح ال Search Ads بالتفصيل؛ نتائج البحث المدفوعة هتساعد المعلنين فى المجالات المختلفة فى توجيه المستخدمين الى الصفحات، المنشورات و التطبيقات الخاصة بيهم بشكل اسرع اكتر كفاءة لان الاعلان المدفوع هو اللى هيظهر الاول فى صفحة نتائج البحث على فيس بوك و ده مش هيكون معتمد على استخدام كلمات معينة فى الاستهداف زى المعتاد فى استخدام Google AdWords لكن النتائج هتظهر على حسب ال industry.

و هنشرح مثال توضيحى، لو انت عندك شركة فى مجال العاب الاطفال اسمها X و فى شركة منافسى ليك اسمها Y و المستخدم عمل بحث على اسم الشركة المنافسة Y، عن طريق الاعلانات المودفوعة تقدر شركتك تظهر قبل الشركة المنافسة فى صفحة نتائج البحث على الرغم من ان المستخدم كان بيدور على Y.
و طبعا ده هيأثر بسكل مباشر و ضخم جدًا على قرار المستخدم و هيساعدك توصل لاكبر عدد من العملاء الحقيقيين اللى فعلًا عندهم اهتمام و احتياج للمنتج بتاعك، و ده هيكون ليه تأثير ايجابى ملحوظ على Conversion rate.

و بما ان النوع ده من الاعلانات ليه مميزاته الكتير لكن كمان مش كل حاجة متاحه فيه فمثلا مش مسموح باستخدام الفيديو و كمان الفيس بوك search ads مش هتظهر على الdesktop لكن الاعتماد هيكون على الmobiles و الmarketplace اعلاناتها هتظهر على ال android و ال IOS فى حين ان الfacebook search ads بيتم الان اختبارها على ال Android فقط.
و هيحتفظ شكل الاعلان بنفس الخصائص زى ظهور ال “Sponsored tag” اعلى الاعلان و خاصية الشفافية للعميل المتمثلة فى خاصية “Why I’m seeing this?” و الفيس بوك بيخطط لتقييم اداء النوع ده من الاعلانات قبل ما يقرر هل هيوسع نطاق انتشاره و لا لا.

و فى الواقع فى تحديات مهمة مطلوب من الفيس بوك انه يعديها عشان يحقق نجاح حقيقى، و من التحديات ديه هى ان مجال البحث عن المنتجات او الخدمات و مجال الاعمال عموما بعيد عن المجال الفيس بوك و اللى هدفه الاساسى هو العلاقات و التواصل الاجتماعى، و كمان اغلب البحث على فيس بوك بيكون عن الاصحاب و المعارف و ده فى الغالب مش هيبقى مجال لظهور اعلانات.
بالإضافة ان معظم المستخدمين المتواجدين على الفيس بوك عادة بيكونوا بيتجولوا فال News feed بشكل عشوائى مش مستهدفين محتوى او industry معينة.

و فى النهاية متقدرش نتجاهل اهمية الخطوة اللى اخدها الفيس بوك باستغلال نفسه كمنصة بتجمع الملايين من المستخدمين و اصحاب الاعمال و ان ده متوقع ان هيزود ارباحه بشكل كبير و ملحوظ فى مجال ال Digital ads اللى اساسًا واصله ل 279.56 مليار الى 19.5% لهذا العام.

Comments

Social Media Trainer/Social Business Strategist Helping you build your online identity through Social Media

التعليقات مغلقة.