ليه الناس مش معترفة “بالـ Email Marketing”

ليه الناس مش معترفة “بالـ Email Marketing” في الوطن العربي بشكل عام وفي مصر بشكل خاص؟
في الاغلب الموضوع ده لاكثر من سبب ..منهم:
– الاشخاص “كمستخدمين” مش بيفتحوا الرسائل اللي بتيجي علي ايميلاتهم الشخصية او علي الاقل مش بياخدوا اي Actions بعد ما يشوفوا الايميل ..لان فعلا اغلب الايميلات بتبقي دعاية صريحة من ناس مفيش اي تعامل حصل بينك وبينهم قبل كده فبالتالي مفيش ثقة فيهم لان مفيش حد اهتم يعمل Sales Funnel
– قلة وعي المستخدمين بالموضوع ده بشكل عام لان مفيش اشخاص – هما يعرفوهم – بيتكلموا عنه فيعرفوا اهمية الموضوع
– اهم سبب هو الـ Customer Educationn .. سوء عرض الخدمة من اهم اسباب فشل الشركات في الموضوع ده ..مثلا لما حد بيعرض عليك الموضوع بيقولك انا هابعتلك X من الايميلات ..وانا عندي X من المستخدمين مشتركين عندي… والارقام دي عامة جد جدا وتعتبر ملهاش لازمة من غير توضيح لاهميتها.
لو اتعرض عليك/ علي شركتك شخص بيقولك هاعملك حملة EMail Marketingg .. المفروض تسأله عن بعض – او كل – الاحصائيات اللي المفروض هو يعرضها من نفسه من غير ما تسأله زي:
Open Rates & Click-through Rates
من الرقم اللي عندك ..كام واحد بيفتح الايميلات وكام واحد بيضغط وبيفتح اللينكات
Bounces Rate
ودا فيه حاجتين
Soft Bounces
ممكن مثلا الـ Inbox يبقي Full فرسالتك موصلتش للشخص اللي بعتله
Hard Bounces
ممكن يبقي الايميل نفسه حروفه غلط
فانت بتحتاج تعرف الـ Delivery Rate
ودا غير الـ Forward Rate علشان تعرف مدي الانتشار اللي بيحصل علي الرسائل اللي بتتبعت
وفي نفس الوقت تعرف الـ Unsubscribe Rate & Abuse Ratee علشان تشوف مدي عدم اعجاب الناس من الرسائل دي
واخيرا الـ Churn Rate علشان تعرف الـ Net Users اللي بتفضل تتابع ومشتركة
متتخدعش بالارقام اللي يقولك هابعت email shott لايا كان الرقم ..لان من غير المعلومات اللي فوق ..الرقم دا ملوش لازمة.

Comments

Social Media Trainer/Social Business Strategist Helping you build your online identity through Social Media

التعليقات مغلقة.