ازاي تحمي حساباتك اونلاين

بعد ما اتكلمنا عن موضوع الخصوصية علي الانترنت.. وبناء علي طلب اكتر من شخص .. دا موضوع بيتكلم بخطوات عن ازاي تحمي حساباتك اونلاين بعد ما تعمل باسورد قوي :

بالنسبة للـ Gmail
1- ادخل علي اللينك دا https://accounts.google.com/SmsAuthConfig

2- سجل رقم موبايلك .. هايجيلك رسالة تأكيد علي الموبايل فيها كود .. اكتب الكود ده واكد تسجيلك

3- انت كده فعلت خاصية التحقق مع الـ Gmail  ..بكده كل مرة هاتفتح حسابك من اي جهاز جديد .. هايبعتلك رسالة علي الموبايل فيها كود لازم تسجله بعد ما تكتب الباسورد … اغلب الناس بتخاف تعمل الموضوع ده لانه ممكن يقول ان ممكن يبقي في وقت هو عايز يفتح الايميل والمكان اللي هو فيه مفهوش ارسال .. او مثلا الموبايل فصل شحن .. هايعمل ايه ساعتها؟

فكرة استخدام رسائل التأكيد علي الموبايل ” اسمها “2Step Verification” ..ليها بدايل كتير

1- او ما تفعل الخاصية التأكيد برسالة الموبايل هتلاقي في حاجة تحتها اسمها Switch to app “هنا” .. ودا عبارة عن برنامج بتنزله علي موبايلك اسمه Google Authenticator موجود للاندرويد و الايفون والايباد .. هاتفتح البرنامج وتضيف ايميلك والباسورد بتاعك عليه وهاتعمل Scan من جهاز الكمبيوتر للـ QR Code
اللي ظهر لما دوست علي Switch to app واخترت نوع موبايلك .. هايظهرلك كود .. هاتكتبه .. كده انت فعلت البرنامج .. اهم ميزة في البرنامج انه ممكن يشتغل معاك حتي ولو انت في مكان مفهوش شبكة.. تقدر تفتح البرنامج ويديك كود تستخدمه عادي في اي وقت.

2- طيب لو تليفونك فصل شحن خالص .. في حاجة اسمها back-up codes  ودي عبارة عن مجموعة اكواد تقدر تحصل عليها من نفس الصفحة من هنا الاكواد دي ممكن تكتبها معاك في ورقة .. بحيث لو تليفونك فصل او حاجة ومحتاج تفتح ايميلك ..هتقدر تستخدم الاكواد عادي من غير تليفونك… جوجل بتديلك 10 اكواد .. كل كود بيستخدم مرة واحدة … بس ينفع لو استخدمتهم ..او لو الورقة ضاعت تاخد 10 اكواد غيرهم.

بالنسبة للـ Facebook :

1- لازم تكون مسجل رقم موباليك مع الفيس بوك .. سجله من هنا.. هايبعتلك رسالة تأكيد .. اكد رقمك

2- ادخل علي Setting – Security – Login Approvals وفعل الخاصية.. وهتلاقي برضه تحتها Get codes واللي هاتديك اكواد بنفس طريقة جوجل

3- هتلاقي في نفس المكان حاجة اسمها Code Generator تحت الـ Login Approvals
وهتلاقي جواها كلمة Set up لما تفعل الخاصية دي .. هايظهرلك QR Code تعمله Scan
بنفس التطبيق Google Authenticator وتقدر تستخدم نفس الطريقة مع الفيس بوك

تطبيق Google Authenticator بيشتغل مع اغلب المواقع بما فيها موقع مايكروسوفت نفسه.

 

4- ميزة كمان من الفيس بوك هتلاقي في الـ Security برضه حاجة اسمها Trusted Contacts  هنا هاتضيف اصدقائك اللي ممكن تتواصل معاهم من غير الفيس بوك “معاك رقمهم مثلا” بحيث لو لاقدر الله حسابك اتسرق وطلبت استعادة حسابك من خلالهم يروح لكل واحد كود مختلف .. وانت تاخد الاكواد منهم وترجع حسابك

Social Media Trainer/Social Business Strategist Helping you build your online identity through Social Media

التعليقات مغلقة.