6 أخطاء بتقع فيها الشركات على الـSocial Media

تعتبر الـSocial Media أحد الـTools الرائعة اللى عن طريقها تقدر تتواصل مع عملائك وتتفاعل معاهم، وكمان من خلالها بتقدر توصل لعملاء جدد وبتساعدك في الـBrand Awareness أو إن عدد أكبر من الناس يعرفوك.

وعلشان تقدر تستفيد من كل المميزات اللى بتقدمها  الـSocial Media في بعض الأخطاء اللى بتقع فيها كتير من الشركات واللى لازم تتجنبها علشان تقدر تستفيد منها أقصى استفادة ممكنة.

1 – الاعتماد على الإحصائية الخطأ :
البعض بيدخل على الـInsight الخاصة بالـFacebook على سبيل المثال، بيلاقي الأرقام لونها أخضر، ده بيطمنه!
مش مهم عنده أي حاجة تانية غير إن الرقم يكون لونه أخضر، ولكن اللى كتير من الناس مش عارفينه إن الأرقام اللى بتكون موجودة أول مابتدخل على الـInsights دي بتكون عبارة عن مقارنة للأسبوع الحالي بالأسبوع السابق، يعني الاعتماد عليها فقط مش هيوصلنا لنتائج دقيقة.

كمان علشان تقيس نجاحك على الـSocial Media لازم تعتمد على الإحصائية المناسبة، واللى بتحددها عن طريق تحديد هدف وجودك على الـSocial Media قبل ما تشوف الأرقام لازم تحدد انت ليه موجود على الـSocial Media.

لو هدفك إنك تعمل Traffic على الـWebsite يبقى لازم تقيس الـTraffic اللى جاي على الـwebsite عن طريق الـSocial Media.

أما لو هدفك انتشار وعاوز توصل لناس أكتر، يبقى أهتم بالـReach علشان ناس كتير تعرفني، وهكذا كل ما بحدد أهدافي بدقة كل ما بقدر أول للإحصائية المناسبة.
 photo insights_zpsjiwalbom.jpg

2 – التركيز على جذب عملاء جدد وإهمال العملاء الحاليين.

على الرغم من جذب عملاء جدد شئ مهم لكن أحد الأخطاء اللى بتقع فيها الشركات هي التركيز فقط على جذب عملاء جدد وعدم التركيز على العملاء الحاليين، والتركيز على العملاء الحاليين بيزود مبيعات الشركة لأن العميل الحالي في حالة إنه اتحول لـFan ده بيأدي إلى تكراره عملية الشراء من الشركة وبيكون بالنسبة للشركة مربح أكتر من العميل الجديد.

كمان في بعض الإحصائيات اللى بتأكد على إن الـFan بيصرف أكتر من الـNon-Fan بحوالى 116$ خلال السنة والقيمة دي بتزيد في صناعة الملابس وبتوصل ل 257 $ .

حاول تركز أكتر على عملائك الحاليين وعلى كسب ولائهم لأن ده هيكون مربح للشركة أكتر من التركيز فقط على جذب عملاء جدد.
 photo customer_retention_zpsfumshpsm.jpg

 

3 – توقع نتائج سريعة وأرقام كبيرة.

بعض الشركات بتتوقع بمجرد عمل Account على الـSocial Media إن المبيعات هتزيد بنسبة 150%، أو إن الصفحة هتزيد مليون شخص في يوم، ولكن العبرة مش بالعدد لكن الموضوع بيعتمد اكتر على تفاعل الناس الموجودة، إنت على الـSocial Media بتبني Community واللى من خلاله هتحقق الـBusiness Goals. لازم الشركات قبل ما تركز على الأرقام، تتأكد من الجودة، هل الناس الموجودين متفاعلين ولا أعداد فقط؟، هل مهتمين بالمحتوى اللى بتقدمه؟، هل هي دي الشريحة اللى انت عاوز توصلها ولا لا؟. كل ما كانت جودة الناس الموجودة عالية كل ما هتقدر تحقق الـGoals بتاعتك أسرع، حاول تركز على الجودة أكتر من الأرقام.
 photo Customer expectaion _zpsxjcs3xli.jpg

4 – التواجد على كل الـSocial Networks ونشر نفس المحتوى.

كتير من الشركات هدفهم الأساسي هو التواجد في كل مكان، بغض النظر عن هل العملاء موجودين في المكان ده ولالا؟ ، هل هتقدر تقدم المحتوى المناسب لكل Social network ولا لا؟، قبل ما تفكر تتواجد على كل الـSocial Network لازم تسئل نفسك الأسئلة دي الأول.

أحيانا تواجدك على كل الـPlatforms بيكون مضر أكتر منه مفيد، لأن ده معناه إن مجهودك هيتوزع على 4 أو 5 Platform بدل ما تركز على Platform واحدة وتقدم فيها حاجة بجوده عالية، إنت بتشتت نفسك.

كمان بعض الشركات بتنزل محتوى على الـFacebook وتاخود اللينك الخاص بالمحتوى من الـFacebook تنزله على Account Twitter، يعني أنا كـFan اخترت اني أبعد عن الـFacebook واستخدم Twitter تفتكر ممكن أضغط على اللينك بتاعك علشان أرجع للـFacebook أشوف الـPost؟

كل Platform وليها المحتوى المناسب ليها، قبل الدخول على أي Platform جديدة لازم تتأكد من 3 حاجات :

  1. إن الـAudience اللى عاوز توصلهم موجودين على الـPlatform.
  2. وجودك على Platform جديدة مش هيأثر على الـPlatform اللى انت شغال عليها بالفعل.
  3. إنك هتقدر تقدم المحتوى المناسب للـPlatform.

 photo images_zpsvd8snpde.jpg

5 – الـSocial Media غير التليفزيون.

الهدف من الـSocial Media هو التواصل مع الناس وعمل Conversation لأنها Two way Channel يعني بتعتمد على التفاعل مع الـFans وده اللى هما منتظرينه منك هما مش منتظرين إنك تتعامل معاهم زي التليفزيون وتعرض عليهم اللى عندك فقط بدون أي تفاعل.

كتير من الشركات بتعتمد فقط على إنها تعرض المنتجات الخاصة بيها على الـSocial Media وبتتعامل معاها على إنها تليفزيون والشركات اللى بتتعامل مع الـSocial Media بالشكل ده غالبا بتفشل لأن مش ده الهدف من وجود الـSocial networks ومن أفضل الطرق للتعامل مع الـSocial Media طريقة الـ80/20 يعني 80% من المحتوى الخاص بيك يكون مالهوش علاقة بالمنتج أو الخدمة اللى بتقدمها ويكون عبارة عن محتوى مفيد للـFans أما الـ20% ممكن تتكلم عن المنتجات والخدمات اللى بتقدمها وطبعا لازم تتفاعل مع الـFans وترد على الاستفسارات الخاصة بيهم.
 photo TV-2-520x220_zpsgcqms6ar.jpg

 

6 – زيادة الـLikes عن طريق الـAdvertising.

في طرق لزيادة عدد الـFans أفضل من الـAdvertising وكمان أكثر فاعلية ، وهو عن طريق التفاعل مع الـFans الحاليين والتفاعل مع المؤثرين في المجال وتشجيعهم على دعوه متابعيهم لمتابعة الـBrand الخاص بيك.

كمان وضح الـButtons الخاص بالـLike والـFollow في كل الـActivities اللى بتعملها مع الوقت هيساعدك على زيادة عدد المتابعين للـBrand.

تفتكروا في حد ممكن يعمل Campaign علشان يقلل عدد الـLike ؟

أه ممكن! صفحة Burger King كان عليها 36000 Fan ولكنهم لقوا إن كتير من الـFans بيتفاعلوا بشكل سلبي على الصفحة، فقرروا يعملوا Campaign علشان يتخلصوا من الـFans اللى مش Loyal للـBrand.

الفكرة كانت عبارة عن Landing Page فيها اختيارين، الإختيار الأول إنك Loyal Fan ل Burger King ولو ضغط على الاختيار ده هتكون Fan في الصفحة الجديدة للـBrand والاختيار التاني إنك تاخود Big Mac Free ! ولكن مش هتقدر تدخل الصفحة الجديدة.

وبعد كده بعتوا خطاب للناس اللى اختارت الـBig Mac فيه الـvoucher اللى هياخود بيها الـBig Mac مع توضيح إن الناس دي هيتعملهم Ban من الصفحة الجديدة.

عدد الـFans كان 36000، في الصفحة الجديدة بقى 8481 !

ولكن التفاعل زاد 5 أضعاف، وده لأن الـ8481 Loyal Fan.

Burger King: Whopper sellout from Patty George on Vimeo.

 

المصادر :

  1. مصدر1
  2. مصدر2
  3. مصدر3

 

 

 

Comments

Social Media Trainer/Social Business Strategist Helping you build your online identity through Social Media

التعليقات مغلقة.