عن بوست ابوتريكة “الفاضي”

بمناسبة ان في اكثر من بوست بيتكلم عن بوست ابوتريكة “الفاضي” الاخير والتفاعل اللي حصل عليه، حابب اوضح حاجة :
الفرق بين الـ Social Media و الـ Social Media Marketing
ان الـ Social Media Marketing هي استغلال للـ Social Media لانه مكان متواجد عليه عدد كبير من الناس – بيتفاعلوا مع بعض – بهدف انك “المفروض” تعرضلهم فايدة او تقدملهم قيمة/حل لمشكلة عندهم…وفي المقابل انت كشخص/شركة/مؤسسة بتستفاد من ده “بشكل او باخر”،
بس وجودك كـ “كيان” من عدمه لا يعني انهم مش هايتفاعلوا.
فبالتالي مينفعش تتكلم عن “اي تفاعل” علي بوست لحد محبوب من زمان، ارتبط مع الناس بحاجات و مواقف كتيييير كان هو في الاغلب اللي بيديهم فيها “سعادة” و تقارنه باي حاجة بتعملها اي شركة او كيان ايا كان المكان ده مين.
فمثلا، علي الرغم من ان “رونالدينهو” سنه كبر ويعتبر بطل كورة بقاله كتييير، لكن مجرد ظهوره لثواني في حفل نهائي كاس العالم 2018 كان سبب في سعادة ناس كتييير جدا وناس كتييير اتكلمت عنه علي حسابتها و ناس اكثر تفاعلت مع حساباته علي كل مواقع التواصل الاجتماعي.
حب الناس خارج الحسابات ومفيش اي Metrics ينفع تتقاس بيها.

Comments

Social Media Trainer/Social Business Strategist Helping you build your online identity through Social Media

التعليقات مغلقة.