اهداف الاعلانات..بين النجاح و الفشل رغم النجاح

نشرت على الصفحة الخبر ده 

اى اعلان بيقدر يحقق اكتر من هدف ..بس المفروض انك يبقى عندك هدف رئيسيى بتشتغل عليه ..لو محققتش الهدف ده وحققت هدف تانى يبقى انت فشلت برضه “على الاقل بينك وبين نفسك” لان ممكن اللى قدامك ميبقاش فاهم كده …بمعنى: انا مثلا ممكن يكون هدف الرئيسى انى ازود التفاعل على الصفحة “دا الهدف الرئيسى” والهدف التانى انى ازود عدد المتابعين للصفحة ..لوعدد المتابعين زاد بس محصلش تفاعل يبقى “من وجهة نظر الناس الفاهمة” انك فشلت فى الحملة دى ..لان الاساس بتاعك كان التفاعل ..وبرضه العكس ..لو هدف الاساسى تزود عدد المتابعين للصفحة والاعلان بتاعك جاب تفاعل كبير على الصفحة  و جالك عدد متابعين قليل يبقى انت برضه فشلت فى تحقيق هدفك على الرغم من انك حققت نجاح اخر..بس مش اللى كنت بتسعى ليه

ملحوظة: اى حملة حتى لو اتعملت من مدير الاعلانات العادى هاتحققلك اكتر من هدف بس الشطارة انك تحقق الهدف وفى نفس الوقت تقلل فى المبلغ المتاح…وخد فى بالك انك لو حققت الهدف الرئيسى بس ومحققتش معاه نجاحات تانية فانت برضه نجحت بحملتك 

بالنسبة للناس اللى بتسأل دى حاجة اسمها Power Editor “PE”
ودى عبارة عن اضافة بتنزل على جوجل كروم او سفارى “للاسف” مش هاتشتغل على الفايرفوكس
https://www.facebook.com/ads/manage/powereditor/
بتستخدم فى ان تعمل الاعلانات من خلالها “بديل لمدير الاعلانات العادى” وبتقدم امكانيات كتيييير قوى “ممكن نشرحها بعدين” هتساعدك فى انك تحقق اهدافك من الحملات الاعلانية اللى بتعملها

Social Media Trainer/Social Business Strategist Helping you build your online identity through Social Media

التعليقات مغلقة.