طرائف السفير البريطاني في مصر

من كام يوم ظهر خبر في الجرائد المصرية:علي لسان وزير العدل، بيقول إن «ابن عامل النظافة لا يمكن أن يصبح قاضيًا أو يعمل بمجال القضاء”
في ناس كتييير جدا اتفاعلت مع الموضوع، لكن بعيدا عن اي توجه سياسي.. النهاردة موقع السفارة البريطانية في مصر نزل اعلان عن احتياجه لوظائف، الغريب في الموضوع ان الحساب الرسمي للسفارة البريطانية علي تويتر، اعلن عن الوظيفة.. وبعدها قام السفير البريطاني في مصر John Casson بنشر التويتة الخاصة بطلب الشغل للسفارة وكتب “بالعربي” مع التويتة :
عايز تشتغل في السفارة البريطانية؟ نرحب بالجميع
و نرحب بابن عامل النظافة

الجميل في الموضوع ان سيادة السفير واضح انه فعلا “شرب من نيلها” ومتابع جيد للاحداث .. لانه قبلها بشوية واثناء التفاعل مع الموقع اللي مايكروسوفت عملته علشان ترفع صورتك عليه وتعرف عمرك .. قام السفير برفع صورة ليه مع تمثال احد الفراعنة.. وموقع “او اللعبة” اللي عملتها مايكروسوفت قالت ان السفير عنده ٤١ سنة وتمثال الفراعنة عنده ٥١ ، فنشر الصورة دي علي حسابه وكتب معاها: الموقع ده بيشتغلنا يا جماعة  🙂 Out by 3,350 years

 

وفي مرة تانية حساب شخص عادي علي تويتر بعتله قاله: لو سمحت عاوز اشتغل السفير المصري بانجلترا – راح السفير عمل Mention للصفحة الرسمية لوزارة الخارجية المصرية وكتب قالهم: في واحد عايز يشتغل معاكوا


وكان بيتفاعل مع الاحداث اللي بتحصل.. يعني مثلا كتب في هاشتاج‫#‏قول_هتعمل_ايه_ف_شم_النسيم‬
وصور نفسه في مكان فيه خضرة

دا غير انه عمل هاشتاج اسمه ‪#‎ReasonsToLikeCairo‬ وكتب عليه تويتات كتيرة ..منها مثلا عن متعة شرب العصير

وعن ان محلات حلويات العبد “تستحق” يتوقفلها في الطابور

وفي هاشتاج ReasonsToLikeAlexandria# اخدة صورة للترام في اسكندرية وكتب: نص جنيه و ما فيش زحمة!


ايه رأيكم، تحبوا تقولوا ايه للسفير البريطاني؟

Comments

Social Media Trainer/Social Business Strategist Helping you build your online identity through Social Media

التعليقات مغلقة.