طريقة التفكير فى المقارنة

احد الاصدقاء كان نشر مقارنة اننا شعب مش هايتغير وان الناس بتتفرج على الاغانى الهابطة اكثر من اى حاجة ونسبة الناس اللى بتحاول تعمل حاجة وتغير صغيرة جدا والموضوع مفهوش امل …صديقى
@Ehab Hassan
لما بص للموضوع شافه بطريقة تانية وعمل المقارنة بين فيديو حمزة وفيديو دنيا سمير غانم …

http://www.youtube.com/watch?v=fS7Hv43EkZw

http://www.youtube.com/watch?v=csFgMq2tmTU

فيديو حمزة تم رفعه فى 21 يناير يعنى من اسبوعين و جاب 2.5 مليون مشاهدة
بمعدل 1.25 مليوم مشاهدة اسبوعيا
فيديو دنيا تم رفعه فى 10 اكتوبر الماضى يعنى من حوالى اربع شهور و جاب 15 مليون مشاهدة
بمعدل حوالى مليون مشاهدة اسبوعيا
يعنى حمزة حتى الان معدله اعلى من دنيا 

ثانيا : معدل
ال like و ال dislike
فيديو دنيا جاله 62 ألف Like
و ألفين dislike
من 15 مليون مشاهدة 

اما فيديو حمزة فجاله 42 ألف like
و 900 dislike
فقط من 2.5 مليون مشاهدة ..يعنى نسبة التفاعل و الحب بتاعة جمهور حمزة اعلى بكتير 

ثالثا : جودة فيديو حمزة نمرة هى باعلى جودة موجودة و هى ال
4K
و دى جودة متقدمة جدا و اغلب التلفيزيونات و الكمبيوترات الموجودة حاليا متقدرش تعرضها اما جودة الفيديو بتاع دنيا هى ال
Full HD
و هى عادية دلوقتى ..مما يعنى ان انتاج حمزة عالى جدااااا 

بعيدا عن الموضوع ووجهة نظرى فى “محتوى الاغانى نفسها”..بس انا مبسوط جدا لسبب بسيط:
طريقة التفكير فى المقارنة…هو دا اهم حاجة ..طريقة التفكير ..
فكرة المنافسة كويسة جدا ..وكون انك عايزز تتميز عن المنافس شىء مفيد جدا للجميع 🙂
بس السؤال انت بتقارن ايه ..بأيه
مينفعش “كمسوق” تقارن شركتين او منتجين “او اى اتنين” من غير ما تعرف الامكانيات المتوفرة ..كمستخدم الموضوع ميفرقش معاه ..هو ليه المنتج النهائى وخلاص ..لكن انت لازم تبقى عارف …لو هتقارن “كمثال” صفحتين على الفيسبوك”
– كل واحدة عندها كام لايك “لكن الاهم” فى مدة اد ايه؟
– التفاعل عند كل واحدة اد ايه “لكن الاهم” الميزانية اللى بتصرفها كل واحدة اد ايه؟
-انت ممكن تقيس بصفحة الفيسبوك بس ..لكن عوامل النجاح على الـ
Social Media
كتيير ..مثلا:
-نسبة الـ
Word of Mouth
اد ايه بعيد عن الصفحة “يعنى بين المستخدمين وبعضهم”.
-النسبة دى “بغض النظر” هى كبيرة او صغيرة ..الاهم سلبية ولا ايجابية.
3-باقى العوامل زى
Opt-ins
او
Visits
للموقع بتاعهم او
الـ
Repeated Visits
للموقع ..الخ 
الخ الخ
كل ده لازم تعمل حسابه ..على راى المثل الانجليزى ..مينفعش تقارن تفاحة ببرتقالة 

Social Media Trainer/Social Business Strategist Helping you build your online identity through Social Media

التعليقات مغلقة.