Gamified Social Media Marketing Training

يعني إيه Gamified Social Media Marketing Training ؟

دا تدريب على  الـ Social Media Marketing وبيستهدف الأشخاص اللي عايزين يشتغلوا في مجال السوشيال ميديا او الأشخاص اللي بتشتغل وعايزة تاخد خبرة أكثر.

الفكرة اننا نقلنا بعض العناصر المستخدمة في  الـ Gamification لكورس الـSocial Media علشان يكون الكورس أكثر تفاعلا، حددنا الوقت بحيث تقدروا تطبقوا كل اللى اتعلمتوه علي Projects شغالة حاليا خلال ساعات الكورس،
هانطبق فكرة إدارة صفحات، كتابة محتوى، عمل الاعلانات وتحليل النتائج، وهايكون في Rewarding System بيحسب كل الـ Tasks اللي هاتتعمل علي مدار الاسبوع خارج الكورس ..وهايبقي فيه Prizes بناء علي كل حاجة بتتعمل 🙂

التدريب هايشمل أشهر الـ Social Media Platforms  “زي الفيس بوك – تويتر – لينكدان – يوتوب – انستجرام من حيث  طبيعة القنوات دي، وإيه أفضل الممارسات اللي الشركات العالمية بتنفذها في كل Platform وفي النهاية هنتعلم إزاى نعمل خطة إستراتيجية للـ Social Media وازاي تقدر تقيس شغلك وتقيمه. كل دا هتتعلمه عن طريق تدريب Gamified – ودا مفهوم جديد في التعليم بينقل التجربة التعليمية لمستوى أكبر من التفاعل والمتعة عن طريق دمج مفهوم و عناصر الألعاب داخل  التدريب.

عدد الطلبة في التدريب : من 6 لـ 9 افراد

إيه الحاجات المفيدة اللي هتخرج بيها من التدريب؟

في الـ Gamified Training  هتتعلم المعرفة وهاتدرب علي الأدوات اللازمة اللى تقدر تميز بيها أى Brand  على الـ Social Media. بعد نهاية التدريب، هتقدر إنك تدير اي Brand على الـ Social Media وفي نفس الوقت هتقدر تكمل رحلتك في إنك يكون عندك معرفة وأدوات أكتر على الـ Social Media.

ومش بس هتتعلم المفاهيم النظرية اللي قائم عليها مجال الـ Social Media Marketing، ولكن كمان هتاخد تطبيقات عملية تنفذها اثناء التدريب بالاضافة الي تحليل حملات من الشركات العالمية عن طريق Case Studies.

كل دا عن طريق إستخدام مبادئ الـ Gamification اللي هيحفزك إنك تشارك في كل حاجة بنعملها في التدريب.

الأهداف التعليمية للتدريب:

نتوقع إنك بنهاية التدريب هتستفاد من  :-

1- فهم المبادئ التأسيسية اللى مبني عليها التسويق عن طريق  الـ Social Media .

2- تطبيق طرق مختلفة لتحقيق Engagement للـ Brands على الـ Social Media.

3- إستخدام كل قناة من قنوات الـ Social Media بشكل مناسب، والأداء فيها بشكل قوي وفعال.

4- إتقان فن صناعة وتسويق المحتوى (Content Marketing).

5- طرق قياس ادائك علي مواقع التواصل الاجتماعي KPI – Key Performance Indicator.

6- تعلم كيفية وضع وقياس الـ  ROI – Return on Investment  من إستخدام  الـ Social Media.

المعاد 16-10-2015 

التدريب هايبقي لمدة 8 ايام  – 7 ساعات في اليوم –
جمعة و سبت من كل اسبوع “لمدة 4 اسابيع”

Instructor: Kareem Samara

مكان التدريب:

التدريب هايكون في مكتبنا في الـ Greek Campus
مكتب رقم 021 المبني اليوناني – مبني الجامعة الامريكية -رقم 171 من شارع التحرير، باب اللوق- وسط البلد

رسوم التدريب: 2500 للفرد الواحد