إيه الفرق بين الـCustom Audienc و الـConversion Tracking

الـFacebook بيقدم للمعلنين عدد كبير جدا من الـTools المجانية، اللى بتساعدهم في شغلهم وكمان بتساعدهم على تحقيق نتائج أفضل.

ومن أهم الـTools اللى الـFacebook بيقدمها هي الـCustom Audience والـConversion Tracking واللى هنوضح الفرق بينهم وإزاي تستخدم كل واحدة فيهم وإيه الفايدة من استخدامهم.

أولا : إيه الميزة اللى بتقدمها كل Tools :

1 – Custom Audience : دي عبارة عن Data Base بتكون موجوده في الـFacebook للناس اللى زاروا الـWebsite الخاص بيك، بحيث إنك تقدر تستهدف الناس اللى زارت الـWebsite أو اللى زارت صفحات معينة داخل الـWebsite  من خلال إعلانات الـFacebook.

أقدر أعملها إزاي الـData Base ؟

عن طريق كود بيقدمهولك الـFacebook، الكود ده بيكون مربوط بالـWebsite الخاص بيك بحيث إن أي حد دخل على الـWebsite أو صفحة معينة في الـWebsite بيتسجل في الـData Base وتقدر تستهدفه بعد كده بإعلان.

إزاي أعمل Create للـCustom Audience Pixel واربطة بالموقع؟

1 – هتدخل على الـAds Manager وهتختار الحساب الإعلاني اللى أنت شغال عليه

2 – هتظهرلك الـTabs الموجوده في الصورة، هتختار Tools وبعدين Pixels.

2

 

3 – بعد كده هيظهرلك اختيارين هيكون الـDefault على Custom Audience Pixel

3

 

4 – هتختار بعد كده Create Audience

 

 

 

4

 

5 – هتظهر الشاشة دي واللى من خلالها هتحدد مجموعة اختيارات واللى بناءا عليها هيتعمل Create للـData Base

أول حاجة Website Traffic :

هنلاقي فيها أربع اختيارات:

الأول : معناها الـData Base هتكون للناس كلها اللى دخلت على الـWebsite

الثاني : الناس اللى زارت صفحات معينة.

الثالث : الناس اللى زارت صفحات في الـWebsite ومادخلتش صفحات تانية.

الرابع : الناس اللى مادخلتش على الموقع من مده معينه وبتكون مدة أقصاها 180 يوم

5

6 – بعد كده هيكون في اختيار In the last وده معناه إنك مثلا لو اخترت إنك عاوز تعمل Data Base للناس اللى هتزور موقعك فالPixel بيشتغل من أول ما أربطة بالموقع يعني الناس اللى دخلت قبل كده مش هتعرف توصلها، لكن مع الاختيار ده أنت هتقدر تحدد الناس اللى زارت موقعك في الفترة اللى فاتت في مدة أقصاها 180 يوم وبالتالى هيتضافوا للـData Base.

6

 

 

7 – بعد كده هتحدد الإسم وتعمل Create.

8 – هيظهرلك الكود اللى المفروض تربطة بالموقع، لو إنت بتعرف برمجة هتقدر تربطة بسهولة، أو في حالة إنك مش مبرمج، هتبعت الكود للمبرمج اللى عملك الموقع وهو هيقدر يربطة.

هل الموضوع انتهى عند نقطة ربط الكود بالموقع؟

لا، فاضل خطوة وهي عمل الإعلان بحيث إن أي حد يدخل على الـWebsite عندك ويدخل بعدها على الـFacebook تقدر تستهدفه.

أنا هستفيد إيه من حاجة زي دي ؟ 

الناس اللى زارت موقعك هما أكتر ناس مهتمين بالحاجة اللى بقدمها وأكتر ناس هياخدوا الـAction اللى انت عاوزة منهم، وكمان بتقدر تعمل Customize بمعنى إنك بتبعت الحاجة للأشخاص المهتمين بيها فقط.

مثال : عملنا مقالة عن الـSecrete Posts ودي حاجة مرتبطة بالإعلانات، يعني معنى إن شخص دخل على المقالة، معناها إن الشخص ده مهتم بالإعلانات، يعني لو أنا هنزل مقالة بتتكلم عن حاجة مرتبطة بالإعلانات، أكيد أكتر ناس هتهتم إنها تقرأ المقالة هما الناس اللى قرأت المقالة الخاصة بالـSecrete Posts وهي دي الفكرة، إنك تقدر توصل المحتوى المناسب للشخص المهتم بيه.

واقدر أربط الإعلان إزاي بالـPixel اللى انا عملته؟ 

من خلال الـAds Manager أو الـPower Editor هتلاقي موجود في الجزأ الخاص بالـAd-Set كلمة Custom Audience هتضغط على Browse وتختار منها إسم الـPixel الخاص بالصفحة أو الـWebsite اللى عاوز تستهدفه.

بعد كده بتكمل خطوات الإعلان الخاص بيك وبمجرد ما الإعلان يشتغل هيبدأ يستهدف الناس اللى دخلت على الصفحة أو الموقع اللى انت محدده.

7

 

دلوقتي هنتكلم عن الـTool  التانية وهي الـConversion Tracking.

2 – Conversion Tracking : دي عبارة عن أداه بتقدر تتبع بيها الناس اللى زارت صفحة معينة في الموقع، بناءا على إعلان الـFacebook، يعني لو عملت إعلان Facebook لصفحة على الموقع عندك وعاوز الناس تاخود Action معين بناءا عليه هيتنقلوا لصفحة تانية، يعني لو عامل كورس وعلشان الشخص يسجل محتاج الأول يدخل على الصفحة الخاصة بمحتوى الكورس، وبعد كده هيروح لصفحة تانية علشان يسجل وبعد ما بيسجل بيتنقل للـThank you Page واللى بتظهرله فيها رسالة إنه سجل في الكورس، وهنوضح مثال علشان نعرف نعملها إزاي وإيه فايدتها.

مثال :

في الـAdvanced Facebook Advertising workshop علشان الشخص يسجل بيحتاج يمر ب 3 مراحل أول مرحلة إنه بيدخل على الصفحة الخاصة بمحتوى الكورس والتفاصيل  وهنا أنا عامل Pixel علشان أعرف الناس اللى وصلت للصفحة دي ، بعد كدة بيدخل على الصفحة الخاصة بالبيانات علشان التسجيل في الكورس وهنا في Pixel تاني وآخر صفحة وهي الخاصة بالـThank you Page وهنا في Pixel من خلاله بعرف الناس اللى سجلت بالفعل في الكورس .

هستفيد إيه لما أعمل كل ده؟ 

 

لو الـPixel الموجود في صفحة المحتوى مثلا عرفني إني في عدد معين من الناس وصلوا للصفحة الخاصة بتفاصيل الكورس، لكن الـPixel الخاص بالتسجيل ظهرلي إن عدد صغير جدا من اللى وصلوا وشافوا محتوى الكورس هما اللى سجلوا، كده يبقى أنا عرفت إن عندي مشكلة في صفحة المحتوى، زي مثلا إني كاتب سعر الكورس، والناس شايفة إن السعر مش مناسب ليهم بالتالى مش هيسجلوا، فا أبدأ أجرب مثلا إني أخفي السعر من الصفحة وأشوف هل عدد الناس اللى بتسجل هيزيد ولا لا، لو زاد يبقى المشكلة كانت في السعر لكن لو نفس المشكلة، ممكن أبدأ أشوف المحتوى نفسه، أغير في الصياغة مثلا وهكذا، فالموضوع ده بيفيدني في أني أكون عارف إيه اللى بيحصل بالظبط وأقدر أقيس كل خطوة بتم.

إزاي أقدر أربط الـConversion Pixel بالـWebsite ؟ 

1 – هتبدأ من الخطوة رقم 3 زي ما عملنا مع الـCustom Audience ولكن هتختار Conversion Tracking Pixel

2 – في يمين الشاشة هتلاقي كلمة Create Pixel اضغط عليها.

8

 

3 – وبعد كده هتختار نوع الـAction يعني هل عاوز أعمل Track للناس اللي عملت View لمحتوى الكورس ولا الناس اللى عملت Register، وبعد كده هختار إسم الـPixel وCreate وبنفس الطريقة اللى ربط بيها الـCustom Audience هربط بيها الـConversion Pixel.

5 – بعد ما الكود بيبقى موجود في الموقع تقدر تدخل على نفس الصفحة اللى عملت منها Create هتلاقي كل الـPixels اللى أنت عملتها بحيث تكون عارف كل صفحة وصل ليها كام شخص من الإعلان.

9

 

الخلاصة :

اتكلمنا في المقال عن Tools مجانية بتقدر تستخدمها في استهداف عملائك بإعلانات الـFacebook أو تتبع أداء الإعلان الخاص بيك .

Custom Audience Pixel : كود من الـFacebook بتربطة بالموقع الخاصة بيك علشان تقدر تستهدف الناس اللى دخلت على الموقع أو على صفحة معينة.

Conversion Tracking Pixel : كود من الـFacebook بربطة بصفحة معينة في الـWebsite علشان أقدر أعرف كام شخص وصل للصفحة، وبقدر أقيس بيه أداء الإعلان.

 

 

Social Media Trainer/Social Business Strategist Helping you build your online identity through Social Media

التعليقات مغلقة.