أنا عاوز 2 كيلو Youtube Views

كتير من مننا قابل عملاء من نوعية ، أنا عاوز مليون مشاهدة على الـYoutube و 50 ألف لايك عالـFacebook وغيرها من الأرقام اللي العملاء بيطلبوها، بغض النظر هل الناس اللى هتشوف الفيديو، دي مهتمة أصلآ ولا لأ، أو الناس اللي عملت Like لصفحتي مهتمين بالحاجة اللي أنا بعملها ولا لأ، هل ده هيفيد أساسا هيفيد الـBusiness بتاعي ولا لا.

هل عدد الـViews مهم؟

أحد الشركات عملت تجربة علشان تجاوب على السؤال ده. الشركة نزلت فيديو على الـYoutube ، محتوى الفيديو عبارة عن “لاشئ”!  لمدة 4 دقائق، الفيديو بدون صوت أو صور أو أي شئ، فقط خلفية بيضاء

الشركة حاولت تعرف هل فعلا الـViews على الـYoutube تعتبر مؤشر يمكن الإعتماد عليه فقط ولا لا.

عملوا إعلان كلفهم 1400$.

ودي النتائج اللي حصل عليها الفيديو :

تكلفة المشاهدة : 1.4 سنت

وصول الإعلان للمشاهدين : 227819 مرة وده

عدد المشاهدات حتى وقتنا الحالي : تخطى الـ100000 مشاهدة وده معناه إن حوالي 46% من المشاهدين شافوا على الأقل 30 ثانية من الفيديو.

وأعلنت الشركة إن حوالي 22% من المشاهدين شافوا الفيديو لحد الآخر!

حوالي 1% من المشاهدين راحوا على الموقع الخاص بالشركة، من خلال الإعلان.

بالنسبة للLike، وComment و Share : صفر

التجربة دي مش أول مرة تتعمل،إحنا في Social Business Kits عملنا التجربة دي مرتين، كل مرة كانت في تدريب مختلف مع أحد العملاء، وكل مرة صرفنا فيها 5 دولار وكانت النتائج كالتالي :

 

 

التجربة الأولى : 

إسم الصفحة : I am Idiot – أنا غبي

كتبنا في الـAbout الآتي : “This page is created only for idiots.. if you think you are idiot please like the page.. and just say it (I’m Idiot) هذه الصفحة فقط للاغبياء .. إذا كنت”

I'm idiot

عدد الـLikes كان 247 ده غير الناس اللي داخلة تكتب Comments عادي جدا!

I'm idiot

التجربة التانية : 

دي تاني تجربة عملنا صفحة إسمها Idiot & Fake التصنيف بتاع الصفحة Drugs  وكتبنا في الـAbout النص ده :

“صفحة وهمية لن تنشر اى تحديثات.سواء كنت انسان حقيقى او غبى او وهمى لا تعجب بها, فلن ننشر اى بوست على الصفحة.”

Fake&idiot

 

في 125 شخص عاملين Like وغير الناس اللي عاملين Comments!

fake&idiot2

نستفيد إيه من التجارب دي  ؟ 

نستفيد إن العبرة مش في الLike أو الـViews ومش هما دول العوامل الحقيقية اللي أقدر أقيس عليها، ومؤشر النجاح على الـYoutube مش Views وعلى الFacebook مش Likes الأهم إن الـViews والـLikes ويكونوا من ناس مهتمين فعلا بالحاجة اللى أنا بقدمها.

وإمتى ده يحصل ؟ 

يحصل لما أكون محدد الـBuyer Persona صح لما أكون عارف أنا هستهدف مين، إيه إهتماماتهم، إيه المشاكل اللي بتقابلهم، وإزاي أنا هحلهلم المشاكل دي، في الوقت ده فعلا الـViews والـLikes هيكون ليها قيمة، لأنها هتساعد في تحقيق

الـBusiness Goals إنما غير كده الـViews والـLikes مالهاش أي معنى.

Comments

Social Media Trainer/Social Business Strategist Helping you build your online identity through Social Media

التعليقات مغلقة.