زود مبيعاتك مع التحديث الجديد في إعلانات الـDynamic Product

علشان الناس تفهم التحديث بشكل كامل تعالوا نبدأ الموضوع من الأول. 

أول حاجة الـFacebook كان أعلن في شهر يونية 2014 عن تحديث جديد إسمه Multi Product Ads، وده تحديث بيتيح للمعلنين إنهم يستخدموا أكتر من صورة في الإعلان الخاص بيهم، يعني لو إنت محل ملابس رياضية مثلا، هتقدر تعمل إعلان في صورة

T-Shirt رياضي مع صورة تانية لبنطلون وصورة تالتة لShoes وهكذا، بحيث إنك تعرض أكتر من منتج في الإعلان بتاعك وده هيساعدك في إنك تنتشر بشكل أكبر، وطبعا الصور دي اللى بيضغط عليها بيروح على الموقع بتاعك على الصفحة الخاصة بالمنتج اللي في الصورة.

كان الموضوع ده متاح لبعض المعلنين فقط، ولكن في فبراير 2015 أعلن الـFacebook إن خاصية الـMulti product ad هتكون متاحة لكل المعلنين وكمان زود عليها ميزة وهي الـDynamic Product ads  اللى تقدر تستخدمها مع الـCustom audience.

تعالوا نبسط الموضوع أكتر.

الـDynamic Product Ads دي معناها إن الصور اللى إنت هتستخدمها في Multi Product Ads هتتغير بشكل أوتوماتيك، يعني إعلانك مثلا أول صورة ظهرت هي الـT-shirt، لو إعلانك ظهر ليا تاني هيظهرلي بصورة تاني وليكن مثلا البنطلون أو الـShoes وهكذا.

طيب إيه الـCustom Audience؟

دي Audience إنت معاك الـData بتاعتهم لأنهم زاروا مثلا الموقع الخاص بيك، أو سجلوا في القائمة البريدية عندك،

الجزأ المهم هو الناس اللى زاروا الموقع، أنا هعرفهم إزاي الناس دي؟

الـFacebook من خلال حاجة إسمها الـConversion Tracking وده عبارة عن كود بتاخدوا من الـFacebook وبتحطوا في الموقع بتاعك، والمبرمج هو اللى بيعرف يعمل حاجة زي دي.

الكود ده بيعملك الـDatabase الخاصة بكل شخص دخل على الموقع بتاعك أو على صفحة معينة بحيث إنك تقدر تستهدف الناس دي من خلال إعلانات الـFacebook.

فالناس دي إنت تقدر تستهدفهم بالـDynamic Product ads وبما إنك عامل الـConversion Pixel فا إنت عارف كل شخص دخل فين في الـWebsite فالشخص اللي دخل على صفحة الـT-shirt تقدر تحدد في الإعلان إنه يظهر ليه على الـFacebook إعلان الـShoes مثلا.

طيب إزاي بقى الـFacebook هيزودلي المبيعات مع التحديث الجديد؟

في حاجتين في المبيعات إسمهم الـCross-Sell و الـUp-Sell ودي الإضافة اللى هتكوت متاحة ليك في الإعلان.

يعني إيه Cross-Sell : ده في حالة إنك بتبيع أكتر من منتج وليهم علاقة ببعض فابتحاول تبيعهم كلهم مع بعض، زي مابتروح مثلا مطعم ويسئلك عاوز بيبسي مع الأكل أو حلويات بعد الأكل، أو تروح تشتري موبايل وبتاع المبيعات يعرض عليك جراب للموبايل علشان تحميه .

طيب والـUp-Sell : ده بيظهر أكتر في الخدمات، يعني لو هتشتري برنامج معين، هيقول البرنامج مثلا ب 1000 جنيها والدعم شهر ، أما لو عاوز دعم سنة هيكون السعر 1500، أو إنت بالفعل اشتريت برنامج ونزل ليه تحديث، فالشركة بتعرض عليك التحديث لأنه في مميزات جديدة هتنفعك.

الجديد إن الـFacebook هيسمحلك من خلال الـDynamic Product ads إن إعلانك يظهر للناس اللى اشترت منتج معين وإنت عندك منتج تاني مرتبط بالمنتج ده.

هو الـFacebook هيعرف منين الناس اللى اشترت؟ 

قولنا إن في حاجة إسمها الـConversion Tracking وده كود هقدر أضيفه في حاجة إسمها الـThank you Page ودي الصفحة اللى بتظهر للعميل بعد الشراء، يعني أي حد يوصل للصفحة دي معناها إنه اشترى، وبناءا عليه هيتعمل Database عند الـFacebook بحيث إنك لو بتبيع إكسسوارات مثلا، اللى هيوصل للـThank you Page الخاصة بالساعة هيتسجل في الFacebook ونفس الكلام اللى إشترى شنطة أو غيرها من المنتجات.

بعد ما سجلت الناس دي عندك كل منتج ليه علاقة بالمنتج اللى هو إشتراه هتقدر تظهرله إعلان بناءا على ده، يعني اللى إشترى الموبايل هتعرضله مثلا الجراب، أو الـHead phone

و لو بتبيع Service زي Software مثلا، اللى هيوصل لصفحة الـThank you Page الخاصة بالـSoftware هتقدر تعرض ليه إعلان بالـUpdate الخاص بالـSoftware.

الـOptimize هيكون على الـSales مش الـClicks.

الـFacebook بيحاول يساعد المعلنين للوصول لأكثر ناس مهتمة بالإعلان، بحيث إنه يشتري، وعلشان كده في المستقبل هيكون في إمكانية إنك كمعلن تتحاسب على الـConversion مش على الـClicks يعني اللي هيوصل للـThank you Page هو ده اللى هتتحاسب عليه، وأتوقع طبعا إن الإعلانات هتكون بسعر أغلى، لأن الـFacebook هيوصل إعلانك للناس اللى هتشتري بالفعل.

هيتم تطبيق الـDynamic Product ads داخل الApps 

أعلن الFacebook إن قريب هيكون متاح للمعلنين إنه يستخدموا النوع ده من الإعلانات داخل الApps.

هو أنا ينفع أعمل إعلانات داخل الApps؟ 

أه تقدر من خلال الـAudience Network عن طريق إنك بتعمل Install لحاجة إسمها Audience Network SDK وبتقدر من خلالها إنك تستهدف الناس اللى بتستخدم الـApps داخل الFacebook، الـApps المقصود بيها التطبيقات زي المزرعة السعيدة وغيرها من التطبيقات السخيفة :(.

المعلنين المسؤلين عن Websites بتشتغل في التجارة الإلكترونية، هتكون التحديثات دي فرصة كويسة جدا ليهم علشان يقدروا يزودوا مبيعاتهم من خلال إعلانات الFacebook وكمان هيظهر إعلانهم فعلا للناس المهتمه إنه تشتري مش بس الناس اللي بتضغط لمجرد الفضول.

مين استخدم الـDynamic Product Ads قبل كده؟

 

المصادر :

  1. Dynamic Product Ads
  2. Audience Network 

Social Media Trainer/Social Business Strategist Helping you build your online identity through Social Media

التعليقات مغلقة.