يعنى ايه Evergreen Content

10530774_306035586223359_2328203112899270018_n

سؤال: يعنى ايه Evergreen Content؟
هشارك معاكم بعض الافكار عن الموضوع يمكن حد يواجه نفس السؤال او لو حد حابب يضيف للموضوع

Evergreen Content: هو انك تعمل محتوى مفيد وجيد يكون له علاقة بموضوعك وفى نفس الوقت تقدر تستخدمه لفترة طويلة… الاستخدام معتمد هنا معتمد على اهمية الموضوع وليس تواجده..يعنى المقالة اللى كتبتها عن شكل الفيسبوك فى 2012 هاتفضل موجودة على موقعك ..بس مينفعش تنشرها فى 2014 لان الشكل اتغير

أمثلة للـ Evergreen Content :

التعريفات زى مثلا كلمة SEO وهى اختصار Search Engine Optimization يعنى تهيئة الموقع لمحركات البحث ..التعريف هنا هايفضل ثابت حتى مع تغير العوامل اللى محركات البحث بترتب المواقع بناء عليها.

اهمية موضوع معين:
مثلا Why you should use Social Media
ممكن عن اهمية الموضوع والفائدة اللى ممكن تعود على الناس
حتى مع تغير قنوات التواصل الاجتماعى .. والتنوع فى خدماتها هايبقى معرفة اهمية استخدمها مفيد.

ٍHow to:
من اكثر الامثلة اللى اغلب الناس بتبحث عليها .. لو قدمت خطوات لعمل اى شىء هتلاقى الموضوع يستمر لفترة

فى حاجات مينفعش تبقى Evergreen Content كمثال:
الاحصائيات عن موضوع مشهور فى الوقت الحالى ” ينفع تبقى مصدر يرجع ليه ..بس الاحصائية مينفعش تتنشر تانى لوحدها”.

لو حابب تكتب موضوعات تبقى Evergreen Content:
– اكتب موضوعات للمبتدئين :
بحيث كل ما حد يحاول يدخل المجال او يعرف عن معلومة مش فى تخصصه يلاقى موجود مفيد… او بمعنى تانى, الشخص المتخصص بيعرف يجيب المعلومة.

– تجنب المصطلحات المعقدة:
لو تذكرت انك بتكتب للمبتدئين هاتكتب من غير ما تذكر مطلحات كتير انت عارف ان الشخص مش هايبقى عارفها لانه لسه بيبدأ لو مش متخصص.

– ركز ان موضوعاتك تكون محددة:
لو حاولت تكتب موضوعات بشكل عام هاتحتاج تكتب كلام كتير علشان تشرح الفكرة .. اتكلم عن فكرة او فكرتين بالكثير علشان توصل فكرتك.

– اربط موضوعاتك بموضوعات تانية:
حاول تعمل لينك بين اكتر من موضوع “بروابط تشير اليها” بحيث لو الشخص حابب يفهم اكتر عن الموضوع فى انت بتوفرله كل المعلومات ..كل معلومة لوحدها .. دا غير ان دا هاينفعك فى ظهورك فى محركات البحث.

– جاوب على الـ FAQ – Frequently Asked Questions – فى اى مجال:
الاسئلة المتكررة هى اكثر الامثلة اللى ممكن تتكلم عنها وموضوعك يبقى Evergreen Content.

Comments

Social Media Trainer/Social Business Strategist Helping you build your online identity through Social Media

التعليقات مغلقة.