منطقة الـEvoked Set

تفتكروا ليه الحرب بين Vodafone وEtisalat، وبين Fairy و Pril ؟

هل مشاكل شخصية مثلا، أو مشاكل عائلية؟

في الواقع الحرب عليك إنت.

كلهم عاوزين يبقوا في منطقة الـEvoked Set.

وهي إيه بقى الـEvoked Set ؟

دول يا سيدي التلات أو أربع Brands اللى بتفتكرهم على طول ومن غير مساعده لما بيتقال قدامك الـCategory الخاص بالـBrand دي.

هبسطهالك،

لو قولتلك مياه غازية، إيه اللى هيجي في دماغك ؟
بيبسي – كوكاولا – سيناكولا 😀
لو قولتلك عصائر مثلا .
هتقولي جهينة – لمار – Rani وهكذا

هي دي بقى الـEvoked Set ودي اللى الخناقة عليها لأن لما الشركة تكون في ذهنك لما هتروح تشتري من الـSuper Market منتج الشركة أكيد هيكون أحد اختياراتك، وشطارة الشركة إنها تخلي منتجها رقم 1 في دماغك.

الإعلانات بتعتبر أحد الـMarketing Activities اللى الشركات بتعملها واللى هدفها النهائي بيع، لأن أي شركة محتاجة في النهاية إنها تبيع.

* في إعلانات بتكون عاوزة تعمل Awareness بمعنى إن الشركة عاوزاك تكون عارف أكتر عن مميزات وخصائص المنتجات أو الخدمات اللى بتقدمها.

* وفي إعلانات تانية بيكون هدفها البيع المباشر ودي هتلاقي في الإعلان هيقولك السعر وأرقام التليفونات علشان تتصل وتشتري زي مثلا إعلانات الشركة السعودية 😀
https://www.youtube.com/watch?v=XlWPDqfed7Q

* في إعلانات بيكون هدفها إنها تعرفك منافذ التوزيع الخاصة بالمنتج وده بيكون دعاية للموزعين أو منافذ البيع وكمان بيكون نقطة قوة للشركة إنها تقدر توزع منتجها بسهولة على الموزعين أو بائعين التجزأة.

* لو إنت بتعتمد في تسويق منتجاتك على فريق البيع فبيكون في نوع من الإعلانات هدفه إنه بيوجه الناس لفريق البيع عن طريق الإعلان عن أرقام التليفونات أو الـE-mails وبيتم تشجيع الناس في الحالة دي بإعطائهم بعض العروض أو الخصومات في حالة إنك هتتواصل مع فريق البيع.

* في نوع من الإعلانات الشركة بتسيط نفسها 😀 يعني بيحاولوا يظهروا إنهم شركة جامده وليهم إنجازات وإن موقفهم المالي قوي وإنهم محققين نجاحات كبيرة، وده بيتم لأن أحد العوامل اللى بياخود العميل قراره الشرائي بناءا عليها هو موقف الشركة.

* في نوعية من الإعلانات بيكون هدفها إنها تظهر أفضلية الشركة عن المنافسين وبيتم التوضيح فيها للعميل ليه يتم إختيار شركتك وليه منتجك أفضل .

واختيار المشاهير في الإعلانات ده مش لإن الشركة معاها فلوس زي الرز وعاوزة تصرفها، لكن بيكون سببه إن الناس بيقلدوا المشاهير اللى بيحبوهم تقليد أعمى، فا لما الناس تشوف نجومهم المفضلين بيستخدموا منتج معين، هيكونوا حريصين إنهم يستخدموا نفس المنتج.
زي مثلا إعلان ناسي عجرم لمجوهرات دماس
https://www.youtube.com/watch?v=IT8TFTRzEzA

Comments

Social Media Trainer/Social Business Strategist Helping you build your online identity through Social Media

التعليقات مغلقة.