اعادة تصميم منصة الاعلانات على الفيسبوك

الفيسبوك اعلن انه هايعيد تصميم منصة الاعلانات بحيث تسهل على الجميع ادارة الاعلانات…التصميم الجديد هايحتوى على 3 حاجات
Campaigns

Ad sets

Ads

Campaign
دا المفروض يبقى الهدف من الاعلانات :يعنى كل حملة ممكن يبقى عندك ليها هدف محدد ..مثلا حملة هدفها انك تذود الزيارات على الموقع بتاعك او حملة تانية هدفها انك تذود المبيعات او يبقى هدف الحملة هو مجرد الانتشار ..الخ

Ad sets
هنا تقدر تعمل تقسيم للناس او المبلغ المدفوع ..يعنى تقدر تعمل Ad set تقول انك هاتستهدف بيه الناس اللى فى نفس منطقتك ..و Ad set تانى هدفك انك تستهدف منه ولاد بس او بنات بس ..وتحدد لكل Ad set مبلغ معين وتوقيت معين.

Ads
وهنا تقدر تعمل مجموعة من الاعلانات لكل Ad set يعنى تعمل 4 اعلانات للـ  Ad set اللى كنت مستهدف بيه البنات..وتغير مرة عنوان الاعلان ومرة تانية الصورة بتاعت الاعلان ومرة تانية تغير وصف الاعلان..وهكذا

بالنسبة للناس اللى اشتغلت كتير على الاعلانات الموضوع عادى لانه هو متعود “يشتغل” على الطريقة دى ..لكن بالنسبة للناس اللى معملتش اعلانات الموضوع ده هايبقى مفيد جدا لانه هاينظملهم الموضوع بشكل كبير جدا ويخليهم يقدروا يقيسوا نجاحهم صح.

Social Media Trainer/Social Business Strategist Helping you build your online identity through Social Media

التعليقات مغلقة.