تحديثات Facebook Ads بكل من الـAds Manager و الـPower Editor

Facebook أعلن عن تحديثات مهمة للمعلنين والتحديثات خاصة بكل من الـAds Manager و الـPower Editor

أولاـAds Manager : هو أداه بيستخدمها المعلنين لإدارة حملاتهم الإعلانية وأعلن مؤخرا Facebook عن بعض التغييرات في الواجهة الخاصة بالأداه وكمان إضافة بعض المييزات، والتحديثات هدفها التسهيل على المعلنين إدارة حملاتهم الإعلانية.

دلوقتي هتقدر تتابع أداء الحملات الإعلانية الخاصة بيك عن طريق شكل بياني تم إضافته بيوضح أداء الحملة الإعلانية من نفس المكان اللى بتعمل منه الإعلان.

من خلال الضغط على الـCampaign أو الـAd-set أو الـAd هتقدر تشوف الأداء الخاص بيهم من خلال الشكل البياني الموجود وكمان هتقدر تشوف مين الـAudience والـPlacement أو مكان ظهور الإعلان بحيث تكون عارف هل أداء الإعلان بيكون أفضل في الNewsfeed ولا في الـMobile أو في الـRight column وده بيساعدك في الـAB/Testing

هتقدر تعمل Filter علشان لو عاوز توصل لتقرير معين، بمعنى إنك لو عامل أكتر من حملة إعلانية وكل حملة ليها هدف مختلف زي Page like و Post Engagement وانت عاوز مثلا تشوف نتائج الحملة اللى هدفها Page Like عن طريق الـFilter هتقدر تشوف اداء الحملة دي فقط وتقدر كمان تشوف أداء الحملات على حسب الحالة، سواء الحملة شغالة دلوقتي ولا عاوز تشوف حملة قديمة، وهتقدر تعمل حفظ للـReports اللى بتظهرلك وتبعتها وفايدة إنك تعملها Save علشان لو احتجتها تاني تكون موجوده وماترجعش تدور عليها تاني.

كمان دلوقتي تقدر تعمل Bulk Creating و Bulk editing ودي أحد المميزات اللى موجوده في الـPower Editor واللى من خلالها بتقدر تعمل Create لأكتر من إعلان في وقت واحد وكمان لو عند أكتر من إعلان وعاوز تعدل فيهم حاجة كلهم مرة واحدة بتقدر تختارهم كلهم وتعدل مرة واحدة بدل ما تدخل على كل إعلان وتعدله لوحده، والميزة دي بتوفرلك في الوقت لأنك بتقدر تعمل Duplicate لأكتر من Campaign أو Ad-set أو Ad.

ثانيا الـPower Editor : هو أداة مخصصة لإدارة الحملات الإعلانية الضخمة والـFacebook أضاف ليه بعض المميزات علشان تسهل علينا إدارة حملاتنا الإعلانية ومتابعتها بسهولة وكمان تحقيق عائد أفضل.

تم إضافة بعض التعديلات على الواجهة الخاصة بالبرنامج واللى هدفها إنها تسهل على المعلنين اختيار أكثر من إعلان والتعديل عليهم وده زي ما قولنا إنه بيوفرلنا أداء أسرع لأننا بنقدر نعدل في أكتر من Campaign أو Ad-set أو Ad مرة واحدة.

لو عاوز توصل لـAd أو Ad-set أو Campaign هتقدر توصلها بسهولة عن طريق الـSearch واللى هتقدر تبحث بالـName أو الـID أوdelivery status “يعني الـCampaign شغالة ولا واقفة ولا لسه ما أخدتش Approve ” أو إنك تبحث بالـobjective أو الهدف.

كمان تم إضافة “recently edited” and “recently uploaded” filter واللى هتقدر تعمل Filter بحيث توصل بسرعة للحاجة اللى إنت لسه عاملها دلوقتي سواء Ad أو Ad-set أو Campaign.

آخر حاجة هتكلم فيها وهي بعض الـOption الموجودة في الـPower Editor ومش موجوده في الـ Ads Manager زي الـDark post وهو إنك تقدر تعمل Post مايظهرش عندك على الصفحة ولكن هتعمل بيه إعلان، بمعنى إنه هيظهر في الـNewsfeed الخاص بالناس اللى انت مستهدفهم لكن لو حد دخل على الصفحة مش هيشوف الـPost ده.
وده ليه فايدتين : أولا : AB/Testing وده لو إنت مثلا عندك أكتر من صيغة للإعلان وأكتر من صورة وأكتر من Target audience وعاوز تجرب الحاجات دي كلها فا إنت بتقدر تجرب من غير ما تنزل على الصفحة أكتر من صيغة وأكتر من صورة لنفس الحاجة واللى ممكن يضايق الـFans عندك على الصفحة وعلشان كده بنستخدم الـDark Post

ثانيا : لو إنت بتشتغل على أكتر من منتج أو حاجات للـMales مثلا وحاجات للـFemales ومش حابب إنك تزعج الـFans اللى عندك بحاجات هما مش مهتمين بيها فا ممكن تستخدم الـDark Post علشان توجه كل إعلان للفئة المهتمة بالإعلان ده.

كمان من خلال الـPower Editor تقدر تستهدف بإعلانك الناس اللى داخله من الموبايل ولكن اللى داخلين من خلال WiFi بحيث إنك لو عامل إعلان لفيديو مثلا ومحتاج نت سريع ، وتقدر تحدد كمان مستخدمي موبايل معين ودي هتفيدك لو إنت عامل مثلا App مش بيشتغل غير على ال Android فقط أو IOS فقط هنا إنت هتقدر تستهدف الناس اللى بتستخدم نظام التشغيل اللى متوافق مع البرنامج بتاعك.
اعرفوا أكتر عن الـFacebook Ads من سلسلة الفيديوهات دي :

Social Media Trainer/Social Business Strategist Helping you build your online identity through Social Media

التعليقات مغلقة.