إضافة عامل جديد للـEdgerank

 


من المعروف أن ظهور المنشورات في الـNewsfeed يعتمد على عدة عوامل مثل درجة التقارب بينك وبين الشخص الذي نشر الـPost معين والتفاعل على هذا الـPost وعامل الوقت وكتير من العوامل ، بتوصل لأكتر من
10000 عامل واللى كان الإسم القديم ليها Edgerank
وحتى الآن بيتم استخدام نفس الإسم لكن الإسم الصحيح هو
Newsfeed algorithm.
أعلن Facebook عن دخول عامل جديد لهذه العوامل وهو عامل الوقت اللى بيقضيه الشخص في قراءة منشور ما.
واللى هيعتبر مؤشر إنك مهتم بالـPost في حالة إنك أخدت وقت في قرائته، لأن أوقات كتير بيكون في بعض المواضيع اللى بنكون مهتمين بقرائتها ولكن مش بنتفاعل معاها ولأن عدم التفاعل لا يعني عدم اهتمامك بالـPost لذلك Facebook زود عامل الوقت اللى بتقضيه في قراءة Post معين واللى هيأدي إلى ظهور النوع ده من المنشورات في ال Newsfeed
الخاص بيك في حالة إنك قضيت وقت أطول في قرائته.الموضوع مش هيكون مقتصر على قياس الوقت فقط بمعنى إنك ممكن تقضي وقت معين في Post ما لأنك مهتم بيه وممكن تقضي نفس الوقت لأن الإنترنت عندك ضعيف !

علشان Facebook يتغلب على الموضوع ده لذلك عامل الوقت هيدخل معاه حاجة كمان وهي نوع الـPost بمعنى إنك لو بتقضي وقت معين على نوعية ما من الـPosts ده هيكون معناه إنك مهتم بالنوع ده وبالتالى هيظهرلك كتير في Newsfeed.

ومثال على إزاي Facebook هيحدد عامل الوقت، مثلا وإنت بتتصفح ال
Facebook هتلاقي صورة لأحد أصدقائك عجبتك هتعملها Like وبعدين هتكمل scroll هتلاقي Comic عجبك مثلا وانت مكملـscroll وبعدين ظهر قدامك مثلا نقاش عن ال Social Media بين اتنين من الـInfluncers في المجال وإنت مهتم بالموضوع ده وحابب تعرف هما بيقولوا إيه وتتابع النقاش، فبعد ما كنت بتعملـscroll هتقف علشان تقرأ النقاش وتشوف تعليقات الناس وهكذا ، هنا Facebook هيعرف إنك مهتم بالحاجة دي لأنك قضيت وقت أطول في متابعتها ومش شرط تكون اتفاعلت معاها، وبالتالى
Facebook هيظهرلك في المستقبل Posts من النوع ده لأنك مهتم بيها .

من وجهة نظري الموضوع أشبه بال Bounce Rate الخاص ب Google موقع Google بردو ليه عده عوامل بيعتمد عليها في ترتيب المواقع في صفحة نتائج البحث ومن العوامل دي حاجة إسمها ال Bounce rate وبتكون نسبة مؤية بيتم حسابها بناءا على الفترة اللى الشخص قضاها على الـWebsite.

العامل الجديد هو مؤشر لحاجتين :
1 – إن فيس بوك بيحاول يشجع الـMarketers على تقديم محتوى كويس وبالتالى الناس هتقضي وقت أطول وبالتالى محتواك هيظهر ليهم في ال
Newsfeed
2- الناس اللى بتعتمد على ال Fake like وتبادل ال Comment
هيأثر عليهم التحديث ده بشكل كبير لأن التفاعل مابقاش هو العامل الوحيد ولكن دخل عامل جديد مش هيقدروا يتغلبوا عليه بالأساليب الغلط .

تفتكروا الفترة الجاية Facebook هيهتم أكتر بالمقالات وهيكون ليها أولوية في الظهور؟

المصدر : http://bit.ly/1L81iSA

Comments

Social Media Trainer/Social Business Strategist Helping you build your online identity through Social Media

التعليقات مغلقة.