facebook-insights

إزاي استخدم الـFacebook Audience Insight؟

 

إنك تفهم طبيعة الـAudience اللى هتستهدفهم بإعلانات يعتبر واحد من العوامل الأساسية لنجاح الإعلان، لأن معرفة المعلومات الكافية وتحديد سلوكهم هيمكنك من تقديم الرسالة المناسبة ليهم.

تقدر تبدأ البحث عن الـAudience ومعرفة معلومات عنهم عن طريق واحدة من الادوات المجانية اللى بيقدمها الـFacebook وهي الـAudience Insight واللى هتكون تاني اداة نتكلم عنها بعد ماتكلمنا في المقالة اللى فاتت عن الـWebsite Custom Audience واللى من خلالها بتقدر تستهدف زوار موقعك بإعلانات الـFacebook.

إزاي أستخدم الـAudience Insights؟

أول خطوة هتعملها هو الدخول على  الـAds Manager

بعد ما هتدخل هيظهرلك الحسابات الخاصة بيك هتختار واحد منهم

1

بعد اختيار الحساب هتظهرلك صفحة جديدة فوق على الشمال هتلاقي كلمة Facebook Ads هتضغط على العلامى اللى جنبها وبعد كده هتختار All Tools موجودة تحت على الشمال، وأخير هتضغط على Audience Insights.

 

1

بعد كده هتظهرلك الصورة دي وفيها 3 اختيارات :

1 – الأول إنك هتشتغل على الـAudience اللى على الـFacebook بشكل عام.

2 – وده لو عايز تعرف معلومات عن الـAudience لأصفحة إنت أدمن فيها.

3 – في حالة إنك عندك Audience بالفعل وعامل ليهم Save.

 

إحنا هنا هنختار أول واحدة “Everyone On Facebook”

2

الصورة الموجودة قدامنا فيها جزأين، واحد منهم على الشمال وده الجزأ اللى فيه الـFilters اللى هنحدد منها الـAudience اللى احنا عايزين نعرف عنهم معلومات، والجزأت التاني هتظهر فيه الإحصائيات ومعلومات عنهم.

3

خلينا الأول نختار من تحت في خانة ” Connections”  هنختار الصفحة بتاعتنا.. هنا بتقدر تختار أي صفحة إنت Admin فيها.

ملحوظة : بعض الصفحات مابتظهرش كل الإحصائيات الخاصة بيها، لأن عدد الـFans بيكون قليل.

4

بعد ما إختارنا الصفحة هتلاقي الإحصائيات بدأت تظهر في الجزأ اللى على إيدك اليمين.

ودي أول حاجة السن والنوع، بيبدأ يقسملك الناس على صفحتك من حيث النوع والسن.

5

تاني حاجة وهي الحالة الاجتماعية والمستوى التعليمي.

6

وهنا بيقولك المسمى الوظيفي للـAudience اللى بيتابعوك.

7

تاني Category وده مهم جدا وهو الصفحات اللى هما عاملين ليها Like وده بيعرفك الـAudience مهتمين بإيه واللى منها هتعرف تحديدا إيه المحتوى اللى تقدمه ليهم.. وتقسيم الصفحات بيكون بالـCategories الأول؛ بمعنى انه هيقولك الـFans عندك إيه أكتر الصفحات اللى عاملين ليها Like في Category التعليم، في الـBusiness في الـMedia وهكذا.

8

وهنا بيعرفك 3 إحصائيات مهمة عن الـFans.

الأولى هى المدن، والدولة، وأخيرا اللغة.

9

الـActivity :

هنا بيقولك الـAudience بيعملوا إيه على الـFacebook، واللى منها بتفهم طبيعة الـAudience، هل هما مهتمين أكتر إنهم يعملوا Share ولا بيشاركوا بـComments وLikes.

10

إيه الأجهزة اللى بيستخدموها، ودي بتستفيد منها في الإعلانات إنك تعرف هل الـAudience بيستخدموا الموبايل أكتر، فا إعلانك يكون مناسب للموبايل أو مهتمين بالـDesktop أو من مستدمي الـIphone مثلا فتعرف إن دي شريحة عالية ومحتاجة رسالة مختلفة.

11

كده انت انتهيت من معرفة كل الإحصائيات والبيانات الخاصة بصفحتك، وعرفت الـBehaviors الخاصة بالـAudience إيه الصفحات اللى عاملين ليها Like، إهتماماتهم، وكمان الأجهزة اللى بيستخدموها.

دلوقتي انت تقدر تعمل Create لـAudience جديدة وتعرف إيه الإهتمامات بتاعتهم وكل البيانات الخاصة بيهم وبعدها هتقدر توجه ليهم الرسالة المناسلة عن طريق إعلانك..الـTool بتمكنك من عمل Save للـAudience وتعملها اعلان.

هنرجع تانى للخطوة اللى حددنا فيها اسم الصفحة وهنحذفها من ال Filter ونبدأ نحدد البيانات الخاصة بالـAudience اللى عايز أعرف إحصائيات عنهم، هبدأ بتحديد البلد، والعمر والنوع، وبعدين السن وأخيرا الإهتمامات. بعدها هتلاقي ظهرت كل المعلومات عن الAudience اللى انت حددتهم.

12

بعد كده هتلاقي فوق كلمة Save .

13

بعد ماتضغط على save هيظهرلك صفة جديدة، فوق هتكتب إسم الـAudience وتعمل Save علشان تحفظها وتستخدمها في عمل إعلاناتك.

 

15

هنا هنيجي للخطوة اللى بقدر منها أختار الـAudience في الإعلان، سواء هشتغل على الـPower Editor أو الـAds Manager في الحالتين أقدر أختار الـAudience اللى عملتلها Save.

16

هتكون موجودة في الـAudience هتخار Use a Save Audience ومنها هختار إسم الـAudience اللى انا لسه عاملها وبعدها هكمل خطوات الإعلان. ممكن تدخل على مقالة :إزاي أعمل إعلان على الـFacebook علشان تعرف ازاي تعمل إعلان.

17

 

Comments

التعليقات مغلقة.