10 خطوات لتحقيق استهداف أفضل على الـFacebook

واحدة من الأدوات القوية والدقيقة في الاستهداف هي الـCustom Audience و ببساطة دي أداة مجانية فيها مجموعة Options من خلالها بيساعدك الـFacebook في الوصول لأكتر Audience هيتفاعلوا معاك، أو أكتر شريحة مهتمة بالمنتج أو الخدمة اللى إنت بتقدمها.

وإزاي بتتم العملية دي؟

1 – هتدخل على الـAds Manager من هنا 

2 – من الشاشة اللى هتظهرلك اضغط على الخطوط اللى جنب كلمة Facebook ads وبعدين اضغط على All Tools ومنها اختار Audiences.

1

3 – في نص الشاشة ناحية الشمال هتلاقية كلمة Create Audience ودي اللى منها هتختار الـCustom Audience وكمان في نفس المكان هتظهرلك الـAudiences المختلفة اللى انت هتشتغل عليها.

2

4 – بعد ماتضغط على Create Audience هيظهرلك 3 اختيارات.

1 – Custom Audience ودي اللى هنتكلم عليها.

2 – Lookalike Audience : لو إنت عندك مجموعة Audience وعايز الـFacebook يرشحلك Audience جداد ليهم نفس الـBehavior أو في تشابه بينهم وبين الـAudience اللى عندك بتقدر من خلال الLookalike تحصل على الـData base دي. لو مثلا إنت عايز Audience زي الـAudience اللى عاملين Like لصفحتك، في الحالة دي بتدخل على الLookalike Audience وتختار الناس اللى عاملة Like للصفحة وبعدها هتقدر تحصل على Data base جديدة لAudience ليهم نفس خصائص الناس اللى عامله Like لصفحتك وتقدر بعد كده تستهدف الـAudience الجداد بإعلاناتك.

3 – Saved Audience : من خلالها بتقدر تعمل Save لمجموعة من الAudience علشان تستهدفهم من خلال إعلاناتك بعد كده.

3

5 – لو اختارت Create Audience بيظهرلك 4 اختيارات.

1 – Customer File : وده لو عندك File فيه Data زي الإسم والإيميل اللى مسجل بيه على الـFacebook ورقم التليفون، بتقدر ترفع الـFile ده على الـFacebook وبيتحفظ في Data base تقدر تعملها إعلان.

2 – Website Traffic : هنا بتعمل Data base لزوار موقعك.

3 – App Activity : لو عندك Application وفي ناس أخدت Action معين على الـApp بتقدر تستهدف الناس دي من خلال عمل Data base ليهم.

4 – Engagement on Facebook : وده خاص بالناس اللى تفاعلت مع محتواك على الـFacebook.

4

6 – هتختار أول اختيار وهو Customer File علشان تعمل Upload للـFile اللى فيه البيانات اللى قولنا عليها.

في عندك اختيارين، الأول إنك تعمل Upload للـFile اللى موجود على جهازك، أو الاختيار التاني وهو عمل Import للـData من الـMailchimp.

هنختار الأول Choose a file.

5

7 – هتظهر الشاشة الموجودة في الصورة هتضغط على Upload File وتختار الملف من على جهازك، وبعد كده في الـAudience Name هتكتب إسم الـAudience-أي إسم تختاره-، بعد كده هتضغط على Next.

6

8 – آخر حاجة هضغط على Upload and Create علشان ابدأ أستخدم الـData في الإعلانات.

7

9 – الشاشة اللى هتظهر قصادي فيها اختيارين،

الأول Create a lookalike audience ودي لو انت عايز تعمل Data base جديدة لناس ليهم نفس خصائص الـAudience اللى انت لسه رافعها.

التاني Create an ad وده من خلاله هنعمل إعلان للـAudience اللى احنا لسه عاملين Upload للملف الخاص بيهم.

8

10 – بعد ما هتختار Create an ad تلاقي هيتم توجيهك على الـAds Manager علشان تعمل Create للإعلان.

زي ما هو ظاهر في الصورة الـCustom Audience اللى انت شغال عليها بتظهرلك في جزء الـAudience هو بيختارها تلقائي لما إنت قولتله Create an ad وباقي خطوات الإعلان مافيهاش أي تغيير عن أي إعلان إنت عملته قبل كده، وممكن تعرف الخطوات دي من مقالة إزاي أعمل إعلان على الـFacebook

9

ملحوظة : الأداة نفسها مجانية لكن لما هتعمل إعلان طبعا الإعلان مش هيكون مجاني علشان في ناس بتكون فاكرة إن الProcess كلها مجانا.. الحاجة المجانية هي الاستهداف وتجميع الداتا بس إنما بعد كده هتدفع فلوس في الإعلان عادي زي أي إعلان، ولكن الميزة هنا إنك عارف إعلانك هيظهر لمين تحديدا وده أكيد بيساعدك إن الـCost الخاصة بالإعلان هتكون أقل لأن مفيش حد هيظهرله الإعلان مش مهتم على عكس الإعلان العادي مش شرط إنه يظهر لكل الناس المهتمة بالخدمة أو المنتج اللى بتقدمه.

Comments

التعليقات مغلقة.