facebook fights ClickBait

فيس بوك دايما بتحدث الـ Algorithm بإستمرار لتحسين وصول أفضل محتوي للمستخدمين وخلال أسبوع أعلنت عن تحديثن مهمين


1/ فيس بوك أعلنت الحرب علي “العناوين المضللة” Clickbait

 

فيس بوك دايما بتحدث في الـ Algorithm الخاصة بيها لتقديم أفضل محتوي للمستخدم ومن أهم التحديثات اللي أعلنت عنها فيس بوك الحد من إستخدام العناوين المضللة الـ  Clickbait واللي بتضلل المستخدم أو بتقدمله معلومة ناقصة أو عنوان جذاب أنه يضغط علي اللينك أو أنه ياخد أي أكشن.

إزاي فيس بوك هتقدر تتحكم في العناوين دي؟

بنفس الطريقة اللي بتتحكم فيها جوجل في رسائل Gmail إنها تمنع رسائل الـ Spam من خلال عمل فلترات بتمنع وصول صيغة أو جملة معينة بالنسبة لـ facebook هتمنع بعض العناوين المضللة واللي مش بتقدك معلومة كافية للمستخدم إنه هيلاقي أيه بعد ما يضغط علي اللينك زي

         إضغط علي الصورة وأنظر ماذا يحدث

         مش هتصدق ايه اللي حصل لـ ….

         التفاح مضر بصحتك

         لو موافق دوس لايك ولو مش عاجبك أكتب كومنت

فيس بوك قامت بمراجعة يدوية لآلاف العناوين وقدرت إنها تصنف العناوين المضللة Clickbait لنوعين رئيسين وهما:

         العناوين اللي بتقدم معلومة ناقصة واللي بتخلي المستخدم يضغط علي اللينك لمعرفة باقي العنوان

         العناوين اللي بتكون مبالغة وبتكون توقع كبير عند المستخدم

طبعا ده هيأثر جامد علي ريتش الصفحات اللي بتعتمد علي الـ Clickbait في طريقة شغلها علشان فيس بوك قدمت بعض النصائح اللي تقدر من خلالها تتجنب تأثر التحديث ده ومن أهمها:

         عنوان الموضوع يكون بيحتوي علي معلومة كاملة أو مفيدة للمستخدم

         العنوان يكون كامل ومفيش جزء منه ناقص علشان يجذب المستخدم للضغط عليه

         الموضوع يكون في نفس توقعات المستخدم أنه هيلاقي المعلومة أو الفايدة اللي متوقعها

في إنتظار الفترة الجاية إختفاء أنوع البوستس المضللة وتقديم محتوي جديد وقيمة حقيقة للمستخدم.

 

2- عرض المزيد من الأخبار الشخصية

تحديث تاني من فيس بوك أن الـ news feed عندك هيظهر عليها posts خاصة بالمعلومات الشخصية Personally Informative وده بالنسبة لمدي تفاعلك مع الأشخاص اللي بتتفاعل معاهم. وصرحت فيس بوك إنها ختكون مرتبطة بـ3 حاجات:

  • متعلقة بإهتمامات المستخدمين
  • إشراك المستخدمين في مناقشات ومحادثات أوسع
  • الأخبار والأحداث القريبة من المستخدمين

الأخبار ممكن تكون  وصفات، قضايا محلية،أحداث عالمية راهنة. والهدف منها هو المساعدة بالتنبؤ بكل الأخبار المتعلقة بإهتماماتك.
ومدي ظهور الأخبار دي متعلق بعدة أشياء وهي:
– مدي علاقتك بالشخص أوالصفحة اللي نشرت الموضوع

الأشياء اللي بتضغط عليها

الأشياء اللي بتعلق عليها

والمشاركات share

المصدر http://bit.ly/2aWeJre
http://bit.ly/2aSoC7I
http://bit.ly/2aWeJre

Comments

التعليقات مغلقة.