الهاشتاج على الفيسبوك بينَور بس

نظرا ان فى ناس كتيير بتتكلم عل الموضوع ده ..
ولان بعض الناس “وخاصة الشركات” بتستخدم الهاشتاج على الفيسبوك
حابب اوضح بعض النقاط

انا اتكلمت قبل كده على الموضوع ده لما كتب
توضيح لمفهوم خاطىء عن الهاشتاج؟

بس الموضوع كام بيتكلم اكتر على الافراد ..خلينا نتكلم على الموضوع كشركات ..او على المسوقين
والاستفادة من الهاشتاج على الفيسبوك
الفيسبوك اعلن عن اضافة فكرة الهاشتاج فى 12/6/2013
الفكرة فى ناس كتييير فرحوا بالموضوع وفى ناس هاجمت الموضوع
الهجوم كان اسبابه كتير ..من ضمنها:
1- الهاشتاج على تويتر بيعتمد على الترتيب الزمنى ..والفيسبوك مش بيستخدم الفكرة دى
2- اغلب الحسابات على تويتر عامة او مفتوحة للجميع انه يقرا التحديثات اللى الشخص دا بيكتبها “باستثناء بعض الناس هى اللى البروفيل بتاعهم خاص” فمعظم الناس اللى بتتفاعل على تويتر بيقدروا يشوفوا كل التحديثات اللى اى شخص بيكتبها على الهاشتاج ..بعكس الفيسبوك اللى بيعتمد على خصوصية كل شخص …بعض الاشخاص كل تحديثاتهم اللى بيكتبوها بتبقى لاصدقائهم بس ..وبكده حتى الشركة اللى عملت الهاشتاج  مش هاتشوف تحديثات الناس دى على الهاشتاج اللى هما عاملينه
3- الفيسبوك بيعتمد على معادلة معينة بحيث يظهرلك التحديثات اللى بنسبة كبيرة هاتتفاعل معاها ..يعنى حتى لو الموضوع اتعمل بالتحديث الزمنى ..هايفضل الفيسبوك مبيظهرش بعض التحديثات “حتى” اللى اصحابك عملوها 

ضيف على كده احصائية عملها موقع
EdgeRank Checker
أكد على عدم جدوى استخدام الهاشتاج ..لانه مش بيضيف اى انتشار لتحديثاتك ..
ودا المفروض الهدف من الهاشتاج 

دا غير ان لما موقع
The Next Web
اتكلم عن الاحصائية اللى فاتت ..نزل بعدها تحديث على الموضوع جالهم من الفيسبوك ان الهاشتاج فعلا مش عامل فى موضوع زيادة الانتشار والوصول لعدد اكبر ..وان الفيسبوك بيأكد على ان الصفحات لازم تركز اكتر على المحتوى وتبعد عن استخدام الهاشتاجات اللى ملهاش اى علاقة بموضعها ..وسواء استخدمت هاشتاج او لا ..جودة محتواك هى اللى هاتفرق فى انتشارك

طيب انت كمسوق بتستخدم الفيسبوك ..تستفاد ازاى من الهاشتاج؟

على حسب ما ذكر موقع
Facebook Studio
1- استخدام الهاشتاج هايعتمد على فكرة انك لو عامل حملة على حساباتك على كل مواقع التواصل الاجتماعى تقدر تستخدم الهاشتاج على الفيسبوك ..على الرغم من ان اللى هايدوس عليه مش هايشوف كل حاجة بس على الاقل ممكن يتابعك على المواقع التانية زى تويتر مثلا 

2- استخدام الهاشتاج مع المواقع المرتبطة بالفيسبوك “زى انستجرام مثلا” هايخلى الفيسبوك يعرض كل اللى بيتقال على الهاشتاج ده
3- ممكن تستخدم الهاشتاج فى انك تتعرف على الناس اللى بتكتب على الهاشتاج على الفيسبوك “او اللى هايظهر منهم” وتشوف اهتمامات الناس دى واراءهم ايه
4-رجعوا يأكدوا على ان الهاشتاج ملهوش اى علاقة بفكرة انك توصل لعدد اكبر

الخلاصة: الهاشتاج وسيلة غير فعالة على الفيسبوك حتى الان ..بالعكس دى ممكن تبقى بتضرك كمان
الفيسبوك فى المؤتمر اللى عمله فى 6/8/2013
اعلن انه جرب فكرة الترتيب الزمنى لكن حصل فيها بعض المشاكل
والمفروض انهم حاليا بيعالجوا المشكلة دى
الترتيب الزمتى ممكن يحسن من الوضع شوية ..لكن الى هذا التوقيت
هايفضل استخدام الهاشتاج على الفيسبوك “بينًور” كلامك بس وبيديله منظر وبيقلل انتشارك

Social Media Trainer/Social Business Strategist Helping you build your online identity through Social Media

التعليقات مغلقة.