تحديث داخل الـFacebook Insight لاستهداف أفضل.

 

أي Marketer محتاج إنه يحسن النتائج اللى بيحصل عليها ويوصل لنتائج جيدة ويحقق أداء أفضل وكمان يحقيق الـBusiness Goals. وعلشان تقدر تعمل ده إنت محتاج الأول تقيس نتائج شغلك واللى من خلالها هتقدر تحدد إنت رايح فين وهل شغلك سواء Content أو Ads بيحقق نتائج ولا محتاج تدخل بعض التعديلات عليه، في مقولة بتقول “If You Can’t Measure It, You Can’t Improve It” ومعناها إن الحاجة اللى مش هتقدر تقيسها، مش هتقدر تحسن فيها وتطورها.

وعلشان تقدر تحقق نتائج أفضل و تقيس نتائج شغلك الـFacebook بيوفر باستمرار إحصائيات وأدوات مجانية تساعدك وتزودك بالإحصائيات والأرقام اللى انت محتاجها.

مؤخرا أضاف الـFacebook داخل الـInsights إحصائية جديدة وهي الـLocal.

Facebook Insight-Local

 

الإضافة مهمة جدا لأنها بتقدملك مجموعة من الأرقام والإحصائيات عن الناس الموجودين في مكان قريب لمكان الـBusiness الخاص بيك.

من خلال الـLocal هتقدر تعرف :

1 – ساعات الذروة اللى بيكون أكتر عدد من الناس موجودين فيها.

2 – هيقسملك الأشخاص بناءا على النوع والسن.

3 – الـFacebook Ads اللى بتعملها هل بتوصل للـTarget الصح ولا لا.

 

1

  • هنا في Option إنك تقدر تحدد المدة اللى عايز الإحصائيات تظهر فيها، بمعنى أنا عايز أعرف عن الناس اللى كانوا موجودين من أسبوع، أو شهر أو 4 شهور، كمان في جزأ خاص بالمسافة بتقدر منه تحدد المسافة.

2

  • هنا بيحددلك ساعات الذروة اللى أغلب الناس بتكون موجوده فيها، وكمان إيه أكتر يوم في الأسبوع بيتواجدوا فيه، وبيعرفك كمان النوع هل هما رجال أم سيدات، والأعمار من كام لكام.

 

3

وهنا بناءا على المكان والمدة الزمنية اللى انت حددتها بيقولك الإعلانات اللى انت عملتها في الفترة دي ظهرت لكام واحد من الموجودين في المنطقة دي.

4

بناءا على الفترة اللى انت حددتها بيظهرلك الإحصائية دي والخاصة بالساعات يعني بيعرفك عدد الناس اللى كانت موجودة في كل ساعة، وتقدر تختار Weekly وده هيعرفك عدد الناس الموجودة في كل يوم من أيام الأسبوع أو تختار Overall ودي بتكون إحصائية شاملة عن الشهر وأخيرا عدد الناس اللى عملت Check-ins.

5

آخر حاجة وهي الـDemographics واللى منها بتعرف أعمار الناس اللى موجودين في الفترة والمكان اللى انت محددهم وكمان بتعرف النوع وفي حاجة اسمها Home Location ودي مقسومة لجزأين Local وده بيقولك على الناس اللى عايشين في مسافة 200 كيلو متر من مكان الـBusiness الخاص بيك، والتاني هو Travelling ودول الناس اللى بتسافر في نفس المسافة.

6

 

ملحوظة : التحديث لسه ماظهرش عند كل ناس هو ظهر في بعض الصفحات فقط، وبيتم ظهورة في باقى الصفحات بالتدريج.

لو ظهر عندك التحديث قولنا رأيك فيه؟

Comments

التعليقات مغلقة.