ازاى توثق صفحتك على الفيسبوك

ردى على السؤال “الوجودى”
ازاى اعمل توثيق للصفحة
“Verified” Page؟
– ممكن يبقى فى حلول تانية وانا معرفهاش..الموضوع بناء على بحثى ورد الفيسبوك عليا – باختصار تجربتى.

ايه هو توثيق الصفحة؟
انك تضيف “Badge”
علامة صح جنب اسم الصفحة ودى معناه ان الصفحة دى هى الصفحة الرسمية للشخص او المكان ده.

ايه اهمية الموضوع؟
اكتر حاجة الناس بتتكلم عنها هى انك هاتقدر تضم المعجبين باى صفحة باسمك على الفيسبوك الى صفحتك ..كمثال: صفحة الممثل احمد حلمى اول ما اصبحت رسمية الفيسبوك فى اقل من يومين وصلت لـ 5 مليون معجب ..عن طريق انه ضم صفحات كتير كانت معمولة باسمه تحت صفحته الجديدة…

الفكرة انك بتحسن المصداقية بتاعت الـكيان شركة/شخص مشهور  ..
ان دى الصفحة اللى فعلا بتمثل المكان.
ملحوظة: متسالنيش ليه لسه فى صفحات باسم احمد حلمى موجودة وعليها معجبين كتير …ممكن تسأله هو 🙂

السؤال الوجودى: ازاى اوثق صفحتى؟
بناء على مركز المساعدة من الفيسبوك ..المفروض ان الموضوع ده بيتم بشكل عشوائى وبناء على اختيار الصفحات او الاشخاص من الفيسبوك
https://www.facebook.com/help/196050490547892
يعنى انت مينفعش تقدم طلب انك توثق صفحتك وانا حتى الان موثقتش اى صفحة ومعرفش طريقة التوثيق بتبقى ازاى.

فى ناس بتقول انها ممكن توثق صفحتى فى مقابل مادى “ايا كان المبلغ” ..وفى صفحات فعلا بتبقى عدد المعجبين بيها صغير جدا جدا وبيبقى موجود عليها علامة التوثيق؟
بعد البحث والتواصل مع الفيسبوك توصلت الى ان الفيسبوك بيتعامل مع بعض الـ
Agencies
الوكلات الخاصة بالتسويق
دى فى الاغلب شركة بتدير اكتر من حساب – لاكتر من صفحة او مكان- وبتتعامل مع الفيسبوك كتييير ودى اللى بتقدر انها توثق الصفحات لانهم بيصرفوا كتيير جدا على الاعلانات على الفيسبوك لانهم بيديروا حسابات كتير …مثلا
الوكالة بتدير حساب 3 او 4 شركات/شخصيات كبار وبتصرف اعلانات كثيرة على الدعاية للحسابات دى …وبصفتها “عميل  مشارك” تقدر توثق الصفحات دى
ولو جالها حد اشتغل معاهم “شركة جديدة” او “شخصية مش مشهورة قوى” يقدر يبعت للفيسبوك يقوله ان الشركة/الشخص دا بقى عميل عندى “عميل للوكالة” والفيسبوك ممكن يعمله توثيق عادى لانهممكن يصرف هو كمان اعلانات زى ما الشركات المتعاقدة مع الوكالة دى بتصرف.
ملحوظة 2: انا معرفش مين الوكلاء للفيسبوك فى مصر او مين اللى ممكن يعمل حاجة زى كده.

طيب فى ناس كتير بعتت للفيسبوك تسأله عن الموضوع ده والفيسبوك مبيردش…اشمعنى رد عليك انت؟
انا حاليا بدير 5 حسابات لاشخاص وشركات على الفيسبوك ..الحسابات دى صرفت فى خلال سنة اكتر من 200 الف دولار

ودا السبب المنطقى “من وجهة نظرى” لرد الفيسبوك عليا

ازاى ابقى وكالة مسجلة مع الفيسبوك؟
معرفش الطريقة ..بس فى الاغلب انت لازم تبقى بتدير اكتر من حساب ويبقى الحسابات دى بتصرف اعلانات
شهرية “بشوية فلوس حلوة” …المفروض كل شهر 

 الخلاصة: يا اما الفيسبوك هايختارك
يا اما تدور على وكيل بيتعامل مع الفيسبوك وتطلب منه ده
المهم متسألش وتزن على حد “مش عامل لصفحته توثيق”
وعايزه يقولك ازاى تعمل لصفحتك توثيق 

Social Media Trainer/Social Business Strategist Helping you build your online identity through Social Media

التعليقات مغلقة.