الـ Facebook Video Ads ستدعم طريقة الـ CPV

 

موضوع الـ Autoplay Videos مع الفيس بوك حققت نجاح كبير جدا .. فكرة ان الاعلان يشتغل قدام الشخص بمجرد ما يتعرض قدامه فكرة مفيدة جدا للمعلنين ..بس بما ان مش كل الناس هاتتفرج علي اعلانك وهاتعمل Scroll down بسرعة ..دا هايخسرك فلوس كتيير جدا

الفيس بوك في ظل اهتمامه بالفيديو – خاصة بعد ما عمل Tab مخصوص لاحصائيات الفيديو داخل الـ Insights الخاصة بالصفحة – وابتدي يعرض كل حاجة بتفاصيل اكتر ..وبعد feedback من اكتر من Brand بخصوص موضوع الاعلانات اللي بتشتغل بشكل تلقائي .. خاصة بعد ما سبقه تويتر في الموضوع ده وقدم ضمان ان المعلنين مش هايتحاسبوا علي الفيديوهات اللي بتتعرض بشكل تلقائي وهايتحاسبوا علي الفيديو اللي تويتر ضامن ان المستخدم اتفرج عليه .. وكما فعل ايضا موقع Yahoo

اعلن الفيس بوك عن انه بدأ تجربة جديدة في موضوع اعلانات الفيديو
التجربة فيها نوعين من الاعلانات
النوع الاول: وهو النوع المتعارف عليه حاليا، وهو الدفع مقابل الـ 1000 مشاهدة CPM او
النوع التاني” وهو الدفع علي الفيديو اللي المستخدم شاف علي الاقل 10 ثواني منه CPV – Cost Per View … النوع التاني ده بشكل عام يشبه طريقة الـ YouTube واللي بيحاسب المعلن علي اعلانه في حالة ان المستخدم شاهد الاعلان كامل .. او ان المستخدم شاهد علي الاقل 30 ثانية من الاعلان وفي حالة ان المستخدم عمل Skip للاعلان قبل المدة دي المعلن مبيدفعش حاجة.

Carolyn Everson واللي بيشغل منصب VP of global marketing solutions في الفيس بوك قال:
الفيس بوك بيهتم بجميع المعلنين ..
فمثلا، النوع الاول CPM هايبقي مناسب لاصحاب المحلات اللي عايزين يعملوا Pushing للرسالة بتاعتهم ..
بينما النوع التاني  CPV هيناسب كمثال اصحاب دور العرض السينمائي والممثلين واللي يحبوا ان المستخدمين يتفرجوا علي الـ trailers كاملة لاحدث اعلاناتهم  الخاصة بالافلام .

بالشكل ده الفيس بوك بيحاول يجمع اهم المميزات بحيث يكون المكان الاساسي للمعلنين في اعلانات الفيديو.

المصادر: blogs.wsj.com/ – forbes.com

Social Media Trainer/Social Business Strategist Helping you build your online identity through Social Media

التعليقات مغلقة.