ما يجب معرفته عن مشاركة الـ Facebook لارباح الفيديو مع منتجي المحتوي

اتكلمنا قبل كده عن اول طرق الـ Monetization ومشاركة الارباح  بالنسبة للمستخدمين/الشركات عن طريق ان
الفيس بوك هيشارك الارباح مع الناشرين من خلال المقالات المكتوبة عن طريق الـ Instant Articles أو المقالات الفورية

الفيس بوك يعتبر من اكثر الاماكن جذبا للمعلنين بشكل عام .. ويحاول جاهدا ان يوفر جميع الامكانيات اللازمة لتحقيق التوسع في مجال الفيديو بعدد من التحديثات بخصوص الـ newsfeed algorithm الخاصة بالفيديو  او عن طريق طرق الدفع للمعلنين او من خلال الاحصائيات الخاصة بالفيديوهات.

ولكن كان الـ YouTube فارق عن الفيس بوك بعامل مهم جدا – ان لم يكن الاهم – وهو الدفع للناشرين لزيادة المحتوي

الفيس بوك حاليا بيختبر فكرة مشاركة الارباح عن طريق الفيديو .. وبنسبة 55% لصانع المحتوي مقابل 45% للفيسبوك … وهي نفس النسبة اللي موقع الـ YouTube بيتعامل بيها … ولكن الجديد في موضوع الفيس بوك ان مش هاتحتاج تدور علي الفيديوهات  في كل مكان ..بالعكس، الفيس بوك هايقدملك الموضوع ويساعدك في نشرها كمان  🙂 🙂 🙂

بس برضه الموضوع مش بالبساطة دي.. نظام مشاركة الارباح مش هايبقي علي كل الفيديوهات اللي بتتعرض في الـ newsfeed .. لكن الفيس بوك هايضيف حاجة جديدة اسمها Suggested Videos ودي مثلا لما تكون تضغط علشان تتفرج مثلا  علي هدف في مباراة ما  هايفتح معاك حاجة اسمها الـ Suggested Videos feed هاتتفرج علي الهدف اللي انت ضغط علشان تتفرج عليه ..وهايظهر تحت الفيديو ده بعض الفيديوهات الاخري والمشابهة لنفس الفيديو اللي اتفرجت عليه”اهداف اخري مثلا لنفس اللاعب او لنفس الفريق” حاجة تعتبر مشابهة جدا نفس الطريقة والمعادلة اللي بتتعرض دلوقتي لما تتفرج علي فيديو من صديق ليك او لـ Brand معين …

Facebook Suggested Video

لما هاتتفرج علي اي من الفيديوهات دي هايبدأ الفيس بوك يعرضلك وسطهم الاعلانات… الاعلان هايشتغل autoplay وبصوت …
الاعلانات دي هي اللي الفيس بوك هيتقاسم ربحها مع الشخص او الاشخاص اللي الفيديوهات الخاص بيهم اتعرض في التوقيت ده بناء علي عدة عوامل منها : عدد مرات مشاهدة الاعلان – عدد الاعلانات اللي الشخص هايشوفها في كل مرة يظهر له الـ  Suggested Videos feed .. والوقت اللي المستخدم هايقضيه في كل فيديو.

كمثال: بفرض اني ظهر عندي علي الـ newsfeed احد الفيديوهات من صفحة اعلانجي .. ضغط عليه ..واشتغل الفيديو وتحتيه ظهرلي الـ  Suggested Videos feed واتفرجت فيه علي فيديو كمان من صفحة روبابكيا ماركتنج، وبعدها اشتغل اعلان لاي شركة
كده الفيس بوك هياخد نسبته اللي هي 45% وباقي النسبة “الـ 55%” هايتقسموا بين (صفحة اعلانجي و صفحة روبابكيا ماركتنج) بناء علي انا اتفرجت وقت اد ايه علي فيديو  صفحة اعلانجي و اد ايه وقت اتفرجته علي فيديو صفحة روبابكيا ماركتنج،
اما في حالة ان الفيديوهات كلها “سواء اتنين او اكتر كانوا مثلا من عند صفحة اعلانجي.. فبكده الفيس بوك هياخد نسبته 45% وصفحة اعلانجي هتاخد الـ 55%.

بعض مديرين التسويق في كبري الشركات اتكملوا عن الموضوع وقالوا ان الفيس بوك مش محقق الاستفادة القصوي من نظام الاعلانات بالطريقة دي .. لكنها طريق جديد للربح و مكان جديد لعرض اعلانات اكثر  و مكسب جديد للفيس بوك … دا غير انه هايشجع الناس/الشركات انهم ينشروا فيديوهات اكثر علي موقع الفيس بوك كبديل لاي مكان تاني

حتي الان، مش معروف الفيس بوك هايحسب المكسب بناء علي اي طريقة من طرق الدفع للمعلنين ..
حاليا الفيس بوك هيختار بعض الشركات الكبيرة في تجربة الموضوع زي (NBA, Hearst, Funny or Die, and Fox Sports) …وهيبدأ في الاول علي اجهزة ابل iOS .. وهيبدأ من بعدها بضم المزيد والمزيد من ناشرين المحتوي.

المصادر: recode.net – wsj.com – businessinsider.com – bbc.com – hootsuite.com

Social Media Trainer/Social Business Strategist Helping you build your online identity through Social Media

التعليقات مغلقة.