لماذا لا يجب قياس الـ Insights على صفحتك على الفيس بوك من خلال الـ Overview Tab

فى ناس كتيير لما بتتكلم عن موضوع الـ Insights وبتقول ازاى ممكن تقيس اداء صفحتك بيقولك افتح الـ Insights وشوف اول حاجة ظهرتلك .. اول حاجة بتظهر دا بيبقى الـ Overview Tab وبيقولوا انك تشوف مستوى التفاعل من خلال الجزء ده .. الموضوع ده بيبقى مش صحيح ومينفعش تقيس مستوى صفحتك بناء عليه.. لان ببساطة دا بيحسب الـ Insights الخاصة بصفحتك مقارنة بنتائج صفحتك فى الاسبوع الماضى بالاضافة الى انه بيحسب النتائج “مجمعة” يعنى مثلا انت ممكن يبقى عندك بوست واحد حصل عليه تفاعل كبييير جدا … وتبقى انت عملت اكتر من حوالى 10 بوستات خلال الاسبوع … التفاعل الخاص بـ 9 بوستات ضعيف جدا .. فانت لو فتحت الصفحة دى هتلاقى الارقام “ممتازة” .. لكن فى الحقيقة ان فى بوست واحد كان اكتر من ممتاز .. ولكن باقى البوستات ضعيفة جدا !!!

المفروض انك لازم تفتح الـ Insights وتشوف كل الـ Tabs الموجودة … واهمها الـ Posts Tab علشان تعرف تحليل لكل بوست من البوستات اللى انت نشرتها عملت ايه لوحدها .. من غير ما تنخدع بنتائج الـ Overview.

الصور من صفحتى لانها كانت مقفولة فترة .. واول ما رجعت فى بوست حققة نتيجة عالية جدا … ولان الصفحة كانت غير نشطة .. فالارقام كانت خرافية ..

Insight Overview 2

بعكس صفحة تانية ..ارقامها اكبر من ارقام صفحتى .. ولكن لانها شغالة ولم تتوقف ..فالتعامل مع الارقام كان عادى لان الاسبوع اللى فات ليها كان محقق نتائج كويسة من ناحية التفاعل ..

Insight Overview 1

على الرغم من انك لو قارنت الصفحتين ببعض “فى نفس المدة” هتلاقى نتائج الصفحة الثانية اقوى من صفحتى.

Social Media Trainer/Social Business Strategist Helping you build your online identity through Social Media

التعليقات مغلقة.