حَطَبْ الـ Ready

من وجهة نظري موضوع Vodafone Ready
Vodafone Business Egypt
من احلي الحاجات اللي حصلت في السوق المصري في الفترة دي،
انا شايف الموضوع ده تتويج لكل الخرا اللي بيحصل من فتره وكان “مستخبي”… و وجود فودافون بالشكل ده وبالطريقة دي بالتحديد هاتظهر وتسرع كل الحاجات الغلط اللي بتحصل وهاتجيب اخر كل الحاجات دي بسرعة.. ليه؟
 
سوق فيه ناس/شركات عايشين حرفيا عيشة “الطفيليات”…اكل عيشها “التطفل” علي شغل الناس…يعني يبقي حد اشتغل كتير واجتهد كتير وفكر وصرف كتييير وغلط واتعلم من غلطه ورجع تاني يشتغل وييجتهد ويفكر و يصرف اكثر علشان يبني community مهتم بالموضوع اللي بيقدمه، ويجي واحد تاني يتفاخر انه “هايسرق” كل مجهود الشخص ده و مجهود وتعب كل الناس اللي زيه بـ “Click” واحدة، ولما تتناقش مع حد منهم يقولك انا مبسرقش…انا “دولي” و “بسحب” الداتا.
 
سوق فيه Agencies بتشتغل مع شركات بتوفرلهم حرفيا اكثر من 10 اضعاف الـ Budget المتاحة لاي شركة منافسة وتلاقيهم في الاخر بيتباهوا ب Vanity Metrics ومبيتكلموش غير عن الارقام” اللي “الفلوس اللي بيصرفوها” بتحققها لوحدها… والناس بتسقفلهم كمان
 
سوق فيه Agencies كبيرة بتوصل انها بتصور فيديوهات للشركات اللي بتشتغل معاهم “بالموظفين” اللي بيشتغلوا في الـ Agencies واحيانا بيصوروا في “المكان” اللي بيشتغلوا فيه كمان، ومع ذلك الشركات بتتبسط والموظفين بتتبسط والـ Agencies بتوفر وتكسب اكثر وتتبسط…وربنا يخليك لينا يا باشا.
 
سوق فيه Agencies بتعتمد فقط علي جهل العملاء، وبيستغلوا الموضوع اسوأ استغلال.
فمثلا بيضيفوا نفسهم كـ Business Owner بالـ Business Manager بتاعهم علي صفحة العميل علي اعتبار انهم هايعملوا اداراة للصفحة، ولما يختلفوا لاي سبب مع العميل بيكتشف العميل انه ميقدرش يشيلهم من الصفحة لانه وافق “عن جهله” انه يضيفهم كـ Business Owner وبالتالي ميقدرش يشيلهم وبتوصل بيهم البجاحة انهم ساعات بيشيلوا العميل نفسه من صفحته واحيانا بيعملوها un-publish علشان يسّاوموا العميل وياخدوا منه اللي هما عايزينه.
 
ومثال تاني اكتشفته وانا بعمل Interview لحد كان مقدم كـ SEO لما لقيت الـ Portfolio بتاعه كله عبارة عن شغل
علي Sub-domains من تحت اسم الـ Agency اللي بيشتغل فيها،
بقوله ايه ده؟؟؟
قالي ان الـ Agency اللي هو بيشتغل فيها لما بتتفق مع العميل علي شغل وبتقوله هاعملك موقع…بتعمل للعميل sub-dmoain من تحت اسم شركتها، فبيبقي (اسم شركة العميل dot اسم الايجنسي)
client-names.agency-name.com
وبتعمله شغل الـ SEO وبتحاسبه عليه ولما عقد العميل بيخلص بتساومه يا يجدد معاهم يا هاتروح تبيع الشغل اللي اتعمل – واللي العميل حاسب عليه – لاي شركة تانية… والعملاء – برضه عن جهل – بيفتكروا ان دا عادي وبيحصل مع كل الناس ويا بيضطر يجدد معاهم يا بيسيب كل النتائج اللي اتعملت بفلوسه تتباع لواحد تاني.
 
شركة تانية تعتبر “دليل” علي النصب باحتراف لما يبقي كل مندوبي المبيعات فيها بيتكلموا باسم شركة جوجل ويقولك معاك فلان الفلاني من شركة جوجل لمجرد ان شركتهم Certified من جوجل زي ما في شركات كتيييره برضه Certified بس هما تاني بيستغلوا جهل العملاء وبيبيعوا باسم جوجل وكأنهم شغالين في جوجل مع ان دا مش صحيح، ومع كل ده ياريتهم حتي بيكلموك في ROI، هتلاقيهم زي اي شركة بيعملوا شغل عادي جدا او اقل من العادي كمان ولما يفشلوا او العميل يزهق من العك اللي بيحصل يقولولك انت كعميل اللي عندك المشكلة او خدمتك/منتجك اللي فيه مشكلة علي طريقة العيب فيكوا يا فحبايبكوا، اما شغلنا يا عيني عليه.
 
كل الفئات دي واللي المفروض تبقي كويسة وشركات كبيرة، غير بقي موضوع هاعملك اعلان بـ 20 و 50 جنيه وشغل بير السلم اللي بيتعمل من فئة تانية، وغير ان في ناس بتعمل اعلانات للعميل من Ad account وتسيبه وتعمل حساب تاني بـ Ad account تاني وتسيبه…و حاجات اخري كثيرة
واما بالنسبة لفودافون هما جربوا يعملوا حاجة كويسة قريبة من خدماتهم لما قدموا في 2016 خدمة
Ready Business
وعملوا اعلانات بكام شركة من الشركات الناجحة عن خدمات تعتبر ليها علاقة بيهم

واعتقد انهم كانوا هايبنوا عليها بعد كده
لان دا اللي بيحصل في فودافون العالمية بكل فروعها في العالم.
فمثلا فودافون عندها خدمة
Your Ready Business
من 2012 في انجلترا وظيفتها تقدم
Insights & Advices
لمجالات البزنس بشكل عام
https://www.yourreadybusiness.co.uk/about/
واعتقد انها اشتغلت علي الخدمة دي ونقدر نقول انها تعاملت معاها
كـ Product Specialization
لانها قدمتها باشكال وامكانيات مختلفة في كل بلد وعملتلها Localization علي حسب ظروف واحتياجات كل بلد،
دي امثلة لخدمات Ready وامكانيتها، دا مثلا اعلان لشركة فودافون بشكل عام عن انها تقدر تقدم خدمات علي الـ Cloud لكل حاجة

ودا اعلان لفودافون بالمجر واللي بيوضح انها بتقدم كل حاجة، الحملة اسمها
360 Communication
بيقدموا خدمات زي
Digital – Print – Events – Outdoor – TV – Direct Marketing – Retail
 
Ready Business Hungary

ودي اعلانات بعض الدول الاخري
 
Vodafone Business Solutions – Ghana
 
Vodafone Ready Business – Spain
 
Vodafone Ready Business – Qatar
 
Pagani Ready Business Vodafone – Italy
 
Ready Business: Discover flexible working with Vodafone – New Zeland
 
Vodafone Ready Business – German
 
فـ فودافون تقدر تقدم حاجات كتيييرر، بس هي اختارت – بعيدا عن وجهة نظري في اللي هما عملوه – انها تمشي مع الموجة اللي موجودة وتقدم “كام Post” بشوية فلوس وشوية شوية هاتقولك

إعلانات ممولة – تكبير صفحات – تسويق بالمؤثرين – انتشار فيروسي – وصول عضوي .. كل هذا وأكثر من فودافون!!

 

فين بقي الـ Strategy والـ Objectives والـ KPIs والـ Conversion Rate ..مفيش!!!
ليه مفيش؟
لان محدش كده كده بيتكلم عنهم اصلا.
فالموضوع عبارة عن كم خرا غير طبيعي متجمع و موجود في هذه البقعة المباركة من الكوكب جت شركة كبيرة حطت حتة الكريز عليها من فوق علشان تشجع ناس كتير تعك معاها ومع غيرها ويدوقوا القرف بنفسهم…فخلينا كلنا Ready يمكن نوصل لحاجة كويسة …”ولو بعد حين”
 
واخيرا وكما قال هشام الجخ:
طول ما الناس جعانة ومطحونينْ
إحنا لسّه مسيطرينْ
الجوع جهَالة.. والجهل جوعْ
الغلابة في الـ “Market” مالهُمْش خُلق للحوارْ
دول ناس غلابَة..
يا إما جنّة.. يا إما نارْ
هيَّ النّاس هتاخد دينها عنهُم.. ولا عنَّا؟!
إحنا اللي بنقول الحرام
وإحنا اللي بنقول الحلالْ
إحنا اللي هنسوقهم يمينْ..
وإحنا اللي هنسوقهم شمالْ
الفنّانينْ..
إن كان ممثّل ولّا مطرب ولّا شاعِرْ
اللي يناصِرْنا هنمدحُه بالخير ونذكر اسمُه ع المنابرْ
واللي يعادينا ياكْش ما يكون شيخ بعِمَّة هنقول ده فاجر ولّا كافرْ
والنّاس بتمشي ورا الخُطَبْ
والجهل نارُه قايدَة قايدَة
إحنا بس يا دوووووووووووب هنرميله الحَطَبْ.

Social Media Trainer/Social Business Strategist Helping you build your online identity through Social Media

التعليقات مغلقة.