برشلونة وبايرن ميونخ ” متعة في الملعب وكمان على السوشيال ميديا “

 ٦/٥/٢٠١٥ الساعة ٠٨:٤٥ مساء كان واحد من اقوي اللقاءات في بطولة دوري ابطال اوربا لكرة القدم بين
FC Barcelona VS FC Bayern München

في يوم ٤/٥/٢٠١٥  حدث الموقف بالترتيب ده
١- الساعة ١١:٣٢ دقيقة نشر الحساب الرسمي لفريق بايرين ميونخ “تويته” علي موقع تويتر بتقول:
احنا منتظرين نلاعبكوا يا برشلونة “وعملوا منشن للحساب الرسمي لفريق برشلونة” .. انتوا مستعدين لبعض من المهارات؟ “ونشروا مع التويته فيديو” لمهارات لاعب من فريق بايرين ميونخ..
بس مش اي لاعب ، الفيديو عبارة عن مهارات للاعب اسمه
THIAGO ALCÁNTARA 

اللاعب اللي انتقل من برشلونة لبايرين ميونخ سنة ٢٠١٣ 🙂

11152350_419754808184769_1925369357682979828_n
٢- الساعة ١١:٤٤ دقيقة “بعدها ب١٢ دقيقة رد الحساب الرسمي لفريق برشلونة بتويتة بتقول “تعالوا” .. احنا اللاعيبة عندنا يقدروا يعملوا “مهارات برضه” .. ،معاها فيديو
بس برضه مش أي فيديو .. الفيديو لميسي و نيمار .. إتنين من أمهر اللعيبة في برشلونة ومشهورين بالمهارة الفردية علي مستوي العالم

10489729_419754821518101_3580671299379492912_n
٣- الساعة ١١:٥٢ دقيقة نزل الحساب الرسمي لفريق بايرين ميونخ صورة بتوضح إنجازات فريقها وأرقام البطولات اللي كسبوها مع تويتة بترد علي مهارات برشلونة وكتبوا مع الصورة :
“Fair Enough” لكن المهارات لوحدها مش بتكتسب البطولات “جابوا ورا “لأنهم خسروا معركة المهارات”

10422587_419754971518086_3547040733365573167_n
٤- الساعة ١٢:١٤ دقيقة رد عليهم الحساب الرسمي لفريق برشلونة:
بس برضه المهارات مش بتخليك تخسر .. مع صورة فيها أرقام البطولات اللي كسبتها برشلونة

11205959_419754911518092_8891948704880618361_n
٥- الساعة ١٢:٤٥ رد عليهم حساب بايرين ميونخ وقالهم إننا أكيد البطل بالنسبة لموضوع الاحتفالات .. مع فيديو بيوضح إحتفالات لاعيبة بايرين ميونخ لما كسبوا بطولة دوري ابطال اوربا سنة ٢٠١٣
ملحوظة #١: الفيديو إسمه “Title celebrations” مرفوع علي اليوتوب يوم ٤/٥/٢٠١٥ .. “ايون” عملوا فيديو مخصوص ليهم “في لحظتها” و بعتهوه ليهم .. “الفيديو “Unlisted” .. يعني محدش هيلاقيه لو بحث ..لازم يبقي معاك اللينك


ملحوظة #٢ : فريق الـ Social Media لبايرين ميونخ مميز جدا .. كنا اتكلمنا عنهم وعن تميزهم في لما كتبوا بوست عن “مصنع الكراسي”

٦- الساعة ١٢:48 حساب برشلونة رد علي الفيديو بتويته بتقول واحنا كمان بنحب نحتفل في ملعبنا .. مع صورة “عادية لمشجع لفريق برشلونة ” حساب برشلونة جاب ورا هو كمان لأن سنة ٢٠١٣ اللي فاز فيها بايرن بالبطولة -اللي بعتوا الفيديو بتاعها – فريق بايرين ميونخ كسب برشلونة رايح جاي ٣/٠ و ٤/٠ ” فمعرفوش يردوا بحاجة علي الفيديو ده 🙂

11181202_419754981518085_9064755048453097384_n
٧- حساب بايرن ميونخ الساعة ١٢:٥٩ “بروح رياضية” نهى الموضوع بتويتة وقال “خلينا نشوف..بالتوفيق يا برشلونة”

11215183_419754798184770_5020661724111723187_n
٨- الساعة ١:٠١ “بعدها بدقيقة” رد عليهم حساب برشلونة بتويتة بنفس الروح الرياضة وكتبلهم بالتوفيق”.

11012381_419754794851437_8308273228470944730_n

ايه رأيكم في الكلام ده ؟

Comments

Social Media Trainer/Social Business Strategist Helping you build your online identity through Social Media

التعليقات مغلقة.