لا تستمتع للـ Best Practice

بيقولوا ان افضل توقيت للنشر اي بوست هو الساعة كذا؟
بيقولوا ان علشان الفيديو يحقق نجاح المفروض يبقي مدته متزدش عن كذا؟
بيقولوا ان الفيديو علشان ينجح المفروض محتواه يبقي بيقول كذا؟
 
ممكن اضيفلك 500 سؤال ونصحية علي نفس الفكرة دي،
مش مقتنع بكلامي،
ممكن اثبتلك “بعض الحاجات” باحصائيات من مواقع كبيرة جدا!!
اقتنعنت؟ …نفذ بقي
جربت وفشلت…اني اسف 🙂
 
واحد من اهم واكبر الاخطاء المتكررة اللي بتحصل هي ان الناس بتمشي ورا “بيقولوا” من غير ما يفكروا هل دي بيتطابق مع الـ Case بتاعتهم ولا لا،
هل “الاحصائيات” كانت عامة وشاملة زي مثلا احصائيات نسبة متوسط تكلفة اعلانات الفيس بوك والي بتشمل كل الدول ولا الاحصائيات كانت علي شريحة محددة في مكان و توقيت معين.
 
اكبر دليل علي انك ممكن تخالف كل القواعد وتحقق ارقام غير طبيعية هي الـ CASE دي
مجموعة قنوات لناس مختلفة
( الحج الضوى – الحاج مسعود – الحاج مبروك – الحاج عقبي – الحاج فتوح )
القنوات دي – علي سبيل المثال لا الحصر – تعتبر مخالفة لكل الـ Best Practice الي ممكن تقراها في اي مكان، من حيث جودة المحتوي، مدة طول الفيديو، جودة التصوير …الخ الخ
ومع ذلك متوسط مشاهدة الفيدوهات في اغلبهم بتبقي فوق الـ 200 الف مشاهدة،
كل القنوات اللي ذكرتها تم انشائها في 2016 و 2017،
ومع ذلك مجموع المشاهدات للقنوات دي هو:
 
قناة الحاج الضوى 113,425,643 views
https://www.youtube.com/channel/UCnjgiIlFRviFKf3HZ9RM9tA/about
 
قناة الحاج مقطوش 55,132,728 views
https://www.youtube.com/channel/UCtF-2T3AhhzTElZyCdLGu5g/about
 
قناة الحاج فتوح 91,247,557 views
https://www.youtube.com/channel/UCpcvtJdVwr6SRMNMF18ZXNQ/about
 
قناة الحاج عقبي 69,822,360 views
https://www.youtube.com/channel/UCmsOQmeEj1AoHLsWd4Yxq9A/about
 
قناة الحاج مبروك 22,628,597 views
https://www.youtube.com/channel/UC0QUB6WfLZmv_1AqOGPryPA/about
 
قناة الحاج مسعود 40,362,670 views
https://www.youtube.com/channel/UC9ktSmyB02DlYD4y7T2XPhA/about
 
طبعا اللعب بشكل اساسي علي الـ Titles
اتحداك مش هاتضحك
لكن تصدق ما حدث بعد
مش هاتقدر تبطل ضحك
 
اغلب الفيديوهات بتقي مدتها فوق الـ 10 دقائق ومع ذلك في منها فيديوهات بتحقق مشاهدات “بالارقام” افضل من اي Influncers،
فمثلا الفيديو ده:
مصباح لقى ايه فى جموس بعد ماخذه من مقطوش كانت الصدمه انظر ماذا وجدت
https://www.youtube.com/watch?v=WdBph6uZbOE
الفيديو مدته 11 دقيقة، حقق 14,396,528 مليون مشاهدة،
والموضوع مش مجرد مشاهدات بس،
الفيديو عليه 46 الف Like علي اليوتوب، 20 الف Dislike، والاهم 1,063 كومنت – اغلبهم – ميتين من الضحك علي الفيديو 🙂
 
قبل ما تتصدم وتطلع بالكومنت الخرعبلي سواء:
– ايه ده!!
– مين الناس دي !!
– فين الناس دي !!
انصحك تقرا مقالة “يا مجتمع الـ15% نقدم لكم: مصر”
https://www.almasryalyoum.com/news/details/1016135
هاتقلل من مستوي صدماتك شوية 🙂
 
طبعا عوامل ومعاير النجاح مختلفة، دا مش طبعا لكل الناس، بس في ناس بتعترف بعوامل Unpopular،
انصحك تتفرج علي الفيديو ده علشان تفهم ازاي ممكن معايير النجاح تختلف
نموذج نجاح مُختلف: https://www.youtube.com/watch?v=Bri1zByz3Ys
ولو عايز رؤية اكبر ممكن تتفرج علي ده: https://www.youtube.com/watch?v=dGVjlxzx-zA
 
في الاخر، خليك فاكر اي معلومة هي (ايه + ازاي)،
نادرا لما اي حد بيفكر في هي ايه، كل الناس بتسأل علي ازاي،
ازاي اعمل كده، ازاي احقق كذا، ازاي انجح زي فلان،
ودا بيخليهم يمشوا ورا اي حد نجح بغض النظر هو “تعريف النجاح عنده ايه” وبغض النظر هو ضحي بايه،
وبدون ما يفكروا هم في اي خطوة من اللي قالهم يعملوها، افتكر ان احيانا “كتير” تشابه الخطوات لا تؤدي لنفس النتائج،
اقرا وفكر في اي حاجة بتقراها او بتسمعها قبل ما تنفذها.
 
 
 
 
 

Comments

Social Media Trainer/Social Business Strategist Helping you build your online identity through Social Media

التعليقات مغلقة.