ازاى تعمل Spam محترم

إزاي تعمل سبام محترم

1525170_235844249909160_532146_n

الموضوع ده موجهة للناس اللى عندها قيمة “ايفينت او معلومة” بس بتستخدم الفكر القديم وتقعد تنشرها فى كل الصفحات اللى تعرفها..الناس اللى معندهمش قيمة وبينشروا لينكات وخلاص “دول” كده كده هيموتوا موته مش طبيعية

لما تنشر اى حاجة على اى صفحة حاول تعمل الموضوع بشكل جذاب شوية, الطريقة دى مفيدة جدا للناس بدل ما يبقى عنده ايفينت مثلا وتفضل دخل تعمل شير للينك على كل الصفحات او تكتبه فى تعليق على اى بوست اى صفحة كتبته ..اللينك دا مش بيشد حد اصلا انه يفتحه ..فحتى مجهودك فى السبام راح على الفاضى ..لما تيجى تنشر حاجة استخدم اسلوب AIDA

A “stands for”: Attention or Attract
ودى اول حاجة العميل بيقراها و وبتاخد انتباهه بيها “بتوقفه قدام كلامك” وسط الكلام الكتير اللى موجود فى الصفحة

I “stands for”: Interest
وهنا بتوضح للعميل ازاى الموضوع ده مهم ليه “هو تحديدا” وتخليه فعلا عايز ياخده

D “stands for”: Desire
ودى بتقول للعميل فيها على المميزات والفوائد اللى هاتعود عليه

A “stands for”: Action
وهنا بتطلب من العميل انه يعمل فعل معين

هاديكوا المثال اللى معظم ال HR اللى فى مصر بيستخدموه ..بغض النظر انه مش صح ..وتقريبا كلهم بيعملوا كده ومع ذلك محدش بياخد باله منه

فرصة ذهبية – وظيفة شاغرة – we are hiring >>ده ال Attention
للمصممين -للمهتمين بمجال ال HR – لحديثى التخرج >> ده ال Interest
بفرص للتدريب – بحوافز وعمولات – بوعود فى التثبيت >> ده ال Desire
اتصل بنا الان – ابعت “السى فى” على – قدم هنا >> ده ال Action

فياريت ميبقاش فى ناس بتعمل سبام واللى هايعمل ياريت كمان يتعمل سبام بس بطريقة محترمة

Comments

Social Media Trainer/Social Business Strategist Helping you build your online identity through Social Media

التعليقات مغلقة.