1 – إزاي أعمل إعلان على الـFacebook

مع التغير المستمر في الـAlgorithm الخاصة بالـFacebook الـOrganic Reach بيقل بشكل ملحوظ ةبالتالى عدد الناس اللى هيقدروا يشوفوا محتواك بيقل والـBusiness بيتأثر، لكن تقدر تتغلب على المشكلة دي عن طريق الإعلانات، وطبعا المحتوى الجيد، لكن المحتوى الجيد يعتبر عامل من ضمن العوامل بالإضافة ليه في عامل مهم وهو الـFacebook ads اللى من خلالها هتوصل لعملائك بكل سهولة.

 

إعلانات الفيس بوك تعتبر واحدة من أهم الـTools الموجودة أونلاين وده لعدة أسباب.

 

1 – عدد المستخدمين اللى بيزيد كل دقيقة، بالإضافة إلى زيادة الوقت اللى بيقضوه علىFacebook.

2 – سهولة عمل الإعلان من خلال بعض الاختيارات البسيطة.

3 – وجود Options ومميزات كتيرة داخل الأدوات اللى بيوفرها Facebook.

4 – إنك تقدر تحدد شريحتك المستهدفة وتظهر الإعلان للشريحة دي فقط.

5- سعر الإعلان بيكون أرخص بالمقارنة بـPlatforms تانية زي Twitter مثلا.

6 – تقدر تعدل الإعلان في أي وقت.

7 – عن طريق الـInsights بتقدر تعرف هل إعلانك حقق نتائج كويسة ولالا.

 

إزاي أبدأ أعمل إعلان Facebook:

 

1 – هتدخل على اللينك ده : https://www.facebook.com/ads/manager

2 – هتظهرلك كل الحسابات اللى تقدر تعمل من خلالها إعلانات، غالبا في الأول إنت هيكون عندك حساب واحد بس وهتكون بالشكل ده

 

3 – هتختار واحد من الحسابات اللى ظهرت ولو حساب واحد هتختاره هيظهرلك الشكل ده :

 

4 – هتلاقي فوق على إيدك اليمين كلمة Create Ad، اضغط عليها.

 

دلوقتي هتلاقي عندك الشاشة اتقسمت لجزأين، الجزأ اللى على الشمال وده 3 أقسام :

 

1 – Campaign :

 

وده الجزأ اللى بتختار منه الهدف من الحملة، هل إنت عايز تزود عدد الLikes على الصفحة، أو عندك Post معين وهدفك إنك تزود التفاعل عليه، ولا هدفك زيادة الـViews على فيديو معين، كمان ممكن يكون هدفك Conversion بمعنى إنك بتبيع حاجة على الموقع الخاص بيك وعايز تنقل العميل من الـFacebook لصفحة المنتج أو الخدمة.

الأهداف كتيرة وهنتكلم عنها كلها بالتفصيل.

 

2 – Ad Set

 

ودي بتحدد فيها 3 حاجات :

أ – الشريحة المستهدفة : بتحدد المكان، السن، النوع، الاهتمامات، وكل مايخص الشريحة اللى هتستهدفها.

ب – مكان ظهور الإعلان : وبيكون في 3 أماكن تقدر تظهر الإعلان فيهم :

  •  الـNewsfeed الخاص بالموبايل.
  • الـNewsfeed للـDesktop
  • الـRight Column.

وفي اختيار رابع بيكون موجود ولكن مش في كل الإعلانات وهو الـInstagram، بتقدر تظهر إعلان على الإنستجرام لكن مع Objectives معينة.

 

3 – Ad

 

هنا بيكون الإعلان نفسه بتختار الـPage بتاعتك وبعد كده هتحدد الـPost اللى هتعمل عليه الإعلان.

 

في تاني جزأ وهو اللى في النص هتلاقي موجود فيه 3 حاجات وهما ( Awareness – considerations – Conversions )

وتحت كل اختيار منهم مجموعة اختيارات؛ التلات اختيارات دي هي الـObjictives الخاصة بالحملة بتاعتك أو الأهداف اللى انت بتحددها للحملة.

أول هدف وهو الـAwareness وده فيه 3 اختيارات.

 

1 – Boost your post : وده هتختاره لو عندك Post عايز تزود التفاعل عليه.

2 – Promote your Page : الاختيار ده لو انت عاوز تزود الناس معجبين بالصفحة.

3 – Increase brand awareness : هنا لو عايز الناس تعرف عن الـBrand الخاص بيك وعايز تنتشر بشكل أكبر بغض النظر عن التفاعل، يعني هنا هتقدر توصل إعلانك لعدد ناس أكبر وهو ده الهدف إن كتير يشوفوا الإعلان سواء هيتفاعلوا أو لا.

 

تاني هدف considerations وفية تحته 5 اختيارات :

1 – Send people to your website : لو عندك Website وعايز تبعت الناس من الـFacebook للـWebsite هتختار الاختيار ده.

 

2 – Get install of your app : هنا الـFacebook هيساعدك على الوصول لناس مهتمه إنها تعمل Install للـApp الخاص بيك

 

3 – Raise attendance at your event : من هنا بتقدر تزود عدد الناس اللى هيحضروا أي Event إنت عامله على الـFacebook.

 

4 – Get video views. الفيديوهات طبعا زاد الاهتمام بيها بشكل كبير الفترة الأخيرة ومن خلال الاختيار ده بتقدر تزود عدد المشاهدات للـVideos على الصفحة.

 

5 – Collect Leads for your business : من خلال الاختيار ده بتقدر توصل لناس هي فعلا مهتمة بالمنتج أو الخدمة اللى بتقدمها وعايزين يشتروا الخدمة دي، وبيكون عبارة عن Form بتحدد فيها بعض البيانات اللى عايز تجمعها من العملاء للإتصال بيهم مرة تانية زي الإسم، الإيميل ورقم التليفون. وطبعا مش مسموح ليك إنك تبيع البيانات دي، وقبل ماتقدر تستخدم الـOption دي بيكون في إتفاقية المفروض إنك بتوافق عليها بتنص على عدم استخدام البيانات وعدم بيها وهكذا، وهنتكلم فيها لما نيجي ننفذ الإعلان ده.

 

تالت هدف وهو Conversion وفي 4 اختيارات :

 

1 – Increase conversions on your website : إحنا قولنا إن في أحد الأهداف إنك تنقل المستخدمين من الـFacebook للـWebsite أما الاختيار ده هو إنك تنقل المستخدم إلى ” صفحة معينة داخل الـWebsite” وده بتستخدمه لو مثلا بتبيع منتجات زي سوق أو جوميا، بتقدر تعمل الإعلان والـFacebook يحاسبك لما العميل يوصل لصفحة المنتج وياخد Action الشراء. بيعرفوا إزاي إنه اشترى فعلا؟ بيكون في صفحة إسمها Thank you page ودي الصفحة اللى بيوصل ليها العميل بعد ما يشتري بالفعل، الصفحة دي بيكون فيها الكود الخاص بالـFacebook اللى من خلاله بيقدر يعرف عدد اللى وصلوا للصفحة دي وبالتالى هيكونوا اشتروا.

 

2 – Increase engagement in your app : كنا اتكلمنا في جزأ الconsiderations إنك ممكن تعمل إعلان للناس علشان يعملوا Install للـApp الخاص بيك؛ أما هنا في الاختيار ده فا إنت بتعمل إعلان للناس اللى بالفعل عندهم الـApp علشان تخليهم يتفاعلوا مع الـApp عن طريق إنهم ياخدوا Action معين.

 

3 – Get people to claim your offer : أوقات وانت بتتصفح الـFacebook هتلاقي Ads بتظهر فيها Button مكتوب عليه Get Offer وده لو إنت بتقدم Offer معين وعايز تعمله إعلان، تقدر تعمله إعلان من خلال الاختيار ده.

 

4 – Promote a product catalog : آخر Objective هو إنك تقدر تظهر مجموعة من المنتجات لمستخدمي الـFacebook بيكون كل منتج في صورة منفصلة وبيتم التغيير ما بين الصور Automatic.

 

كده في المقالة دي نكون خلصنا أول جزأ من سلسلة إزاي أعمل إعلانات على الـFacebook في الأجزاي الجاية هنكمل شرح باقي الـDashpoard اللى ظهرت قدامنا وهنبدأ تشتغل على كل Objective ونعرف إيه الإختيارت المتاحة جواه، وكمان هنتكلم عن الـBudgget وإزاي نحددها وأعرف إزاي إن الإعلان مش جايب نتائج كويسة وهحتاج أعدله وكمان هنتكلم عن الـInsights اللى من خلالها هعرف إذا كنت ماشي صح ولالا.

 

Comments

التعليقات مغلقة.