2 – إزاي أعمل إعلان على الـFacebook

 

اتكلمنا في أول مقالة عن إزاي أعمل إعلان على الـFacebook   إن في 7 مميزات رئيسية لعمل إعلان على الـFacebook وهي :

 

1 – عدد المستخدمين اللى بيزيد كل دقيقة، بالإضافة إلى زيادة الوقت اللى بيقضوه علىFacebook.

2 – سهولة عمل الإعلان من خلال بعض الاختيارات البسيطة.

3 – وجود Options ومميزات كتيرة داخل الأدوات اللى بيوفرها Facebook.

4 – إنك تقدر تحدد شريحتك المستهدفة وتظهر الإعلان للشريحة دي فقط.

5- سعر الإعلان بيكون أرخص بالمقارنة بـPlatforms تانية زي Twitter مثلا.

6 – تقدر تعدل الإعلان في أي وقت.

7 – عن طريق الـInsights بتقدر تعرف هل إعلانك حقق نتائج كويسة ولالا.

 

ودي هتكون المقالة التاني من السلسلة. بعد ما شرحنا الـDashboard الخاصة بالإعلانات واتكلمنا عن كل نقطة فيها وقولنا إيه الهدف منها في مقالة النهاردة هنبدأ نختار واحد من الأهداف ونبدأ نشتغل عليه ونشوف هنعمل الإعلان إزاي.

هنختار أول هدف من أهداف الـCampaigns وهو Boost your post : وده هتختاره لو عندك Post عايز تزود التفاعل عليه.

بعد ماهختار الـObjective تحت هيطلي مني إسم للـCampaign بتاعتي، هكتب إسم مناسب واتحرك على الخطوة اللى بعدها.

1

بعد ماانتهيت من كتابة الإسم هتدخل على تاني مرحلة وهي الـAd Set وده بتحديد فيه مجموعة كبيرة من الإعدادت واللى هنشرحها بالتفصيل. زي ما هو ظاهر في الصور قصادك في 4 نقاط تحت عنوان الـAudience ودي الشريحة المستهدف، يعني الناس اللى انت عايز تستهدفها بإعلانك عايز مواصفاتهم تكون إيه؟

1 – Create New : وده لو انت أول مرة بتعمل Ad فا طبيعي هيكون ده الـDefault بتاعك اللى هتشتغل عليه.

2 – Use Saved Audience : هنا في حالة إنك عملت إعلانات قبل كده واستهدفت مجموعة من الناس والإعلان حقق نجاح وانت عايز تستهدف نفس الشريحة دي، من اختيار Saved Audience بتقدر تختارها.

3 – Prefill with option from last ad set : لو علمت على الاختيار ده تلقائي Facebook هيختار الAudience اللى انت استهدفتهم في آخر

Ad Set.

4 – Custom Audience : دي أداة مجانية فيها مجموعة Options من خلالها بيساعدك الـFacebook في الوصول لأكتر Audience هيتفاعلوا معاك، أو أكتر شريحة مهتمة بالمنتج أو الخدمة اللى إنت بتقدمها.

5 – Exclude : هنشرحها في الخطوة الجاية.

6 – Create New : ده لو انا عايز أعمل New Audience واستهدفهم بإعلاني

2

Exclude معناها إننا هاعمل إستثناء لشئ معين، هستثني شريحة معينة هتخلي إعلانك مايظهرش للشريحة دي. لو ضغط عليها هيظهرلك مربعين المربع الأول Include وده معناه إنك عايز إعلانك يظهر للشريحة اللى انت هاتضيفها في المربع، وعكسها Exclude ودي إنت بتقول للـFacebook استثني الناس دي أنا مش عايز إعلاني يظهر ليهم، الموضوع ده علشان تفهمة أكتر اقرأ مقالة

Facebook Audience Insight 

طبعا لو دي أول مرة تعمل إعلان سيب الـCustom Audience زي ماهي ماتخترش ولا تضغط على أي حاجة وكمل إعلانك.

4

الخطوة اللى بعد كده بتحدد فيها الـLocation، الناس اللى انت عايز تستهدفها موجودة فين، لكن قبل ماتحدد المناطق اللى انت هتستهدافها محتاج تختار واحد من الاختيارات التلاتة اللى في الصورة أوي هيكون الـDefault إن هيتم استهدافهم التلاته.

أول اختيار وهو People Who live In this location وده معناه إننا عايز بس الناس اللى عايشة في المكان ده.

الاختيار التاني People recently in this location يعني الناس اللى موجودة حاليا في المكان، مش شرط يكونوا عايشين فيه.

آخراختيار وهو People traveling in this location وهنا هتستهدف الناس اللى بتسافر للمكان ده.

5

الخطوة اللى بعد كده هي تحديد هختار المكان وبيكون بطريقتين إما، هكتب إسم المكان في المربع رقم 1، أو Drop Pin ودي هتمكنك من اختيار المكان على الخريطة.

6

 

بعد كده هتحدد سن الشريحة اللى هتستهدفها، والنوع، وأخيرا اللغة اللى بيتكلموها.

8

هننتقل للخطوة الجاية واللى مازلنا في الـAudience وهنا هنحدد تفاصيل أكثر عن الـAudience.

1 – Demographic : بتستهدف الناس بناءا على التعليم الوظائف اللى بيشتغلوها أو الـLife style

2 – Interest : وهنا بتقدر تحدد الاهتمام، والكتب اللى بيقرأوها، والصفحات اللى مهتمين بيها.

3 – Behaviors : سلوكم الشرائي على الإنترنت.

4 – More Categories : ودي بتختار منها تقاصيل أكتر عن شريحتك المستهدفة ولكن مش كلها بتكون بتاحها في بعضها متاح للولايات المتحدة بس.

 

إنت مش لازم تحدد الأربعة إنت ممكن تختار بس أي واحدة منهم وممكن اتنين ولو سيبت الأربع إعلانك هيتعمل مفيش مشكلة ولكنه هيروح لكل الناس اللى في المنطقة وليهم نفس السن اللى انت حددته.

 

9

الاختيار الجاي هو الـConnection، من هنا ممكن تحدد الناس الى عاملين Like لصفحات معينه، طبعا إنت أدمن في الصفحات دي. أو تختار الناس اللى بتستخدم الـApp الخاص بيك، أو تفاعلت مع Event إنت كنت عملته.

11

بعد ما حددت كل حاجة تقدر تعمل Save للـAudience اللى انت اختارتهم ولما تعمل إعلان جديد تختار مباشرة الـAudience اللى عملتلها Save بدل ما كل مرة تعيد نفس الخطوات.

12

بعد كده بنحدد الـPlacement.

أنا عايز إعلاني يظهر فين للمستخدمين، هل عايزة يظهر في الـDesktop News feed ولا يظهر لمستخدمي الموبايل بس، أو يظهر في الـRight Column..وهل يظهر لمستخدمي Instagram ولالا.

13

هنا كمان ممكن أحدد إن إعلاني مايظهرش غير للناس اللى داخلة على الإنترنت من الـWi-Fi وده لو أنا مثلا عامل إعلان لفيديو وهيحتاج يحمل وأغلب الناس مش هيفتح الفيديو إلا لو شغال من الـWI-FI فا أنا بناءا على ده هظهر الإعلان للفئة دي بس.

14

كمان ممكن أحدد مستخدمي Mobile معين زي Iphone 7 مثلا، أو نظام تشغيل زي Android أو iOS.

15

 

الخطوة اللى بعد كده داخل الـAd-Set هي تحديد الـBudget أو الميزانية اللى أنا هصرفها على الإعلان وإزاي أقدر أوزعها على مدار الأيام وده اللى هنتكلم عنه في المقالة الجاية من سلسلة مقالات إزاي تعمل إعلان على الـFacebook؛ تابعونا.

 

Comments

التعليقات مغلقة.