اهمية و كيفية ازاى تعمل بروفيل لينكدان باكثر من لغة

 من الحاجات الاساسية على لينكدان انك تبقى محدد هدفك الرئيسى ايه؟
مثلا ممكن يكون هدفك “خاصة لطلبة كلية الألسن
” انك تشتغل فى دولة اجنبية مثلا “المانيا او اسبانيا “

 تعرف ان فى طريقة فى لينكدان انك تكتب البروفيل بتاعك ويتعرض باكتر من لغة..
الطريقة دى قوية جدا ..لانها كمان بتتغير على حسب الشخص اللى بيشوف البروفيل ..

خلينا الاول نوصف المشكلة اللى بتحصل دلوقتى..
بعض الناس بتكتب المحتويات الخاصة بصفحتها “البروفيل” بالانجليزى وهوا بيدور على وظيفة فى مثلا”اسبانيا “..و الشخص المتقدم عن الشخص الاول بيعمل البروفيل بتاعه نصه انجليزى ونصه اسبانى ..ودا بيخليك بعيد شوية عن هدفك او بيخلى البروفيل بتاعك شكله ضعيف..”ملناش علاقة بالشخص اللى بيألف ويعمل حسابين على لينكدان لان الفكرة دى غلط تماما” 🙂

لينكدان بيقدم خاصية بتخليك تعرض 2 بروفيل “او اكثر” على حسب اللغات اللى انت عارفها فى شكل بروفيل واحد..
والبروفيل دا بيظبط نفسه على حسب الشخص اللى بيبحث عن الكلمة اللى انت كاتبها فى صفحتك… يعنى لو الشخص اسبانى وبحث عليك بالاسبانى هايشوف البروفيل بالاسبانى ..ولو شخص تانى او حتى نفس الشخص بحث عليك بالانجليزى هايشوف البروفيل بتاعك بالانجليزى

الجميل فى الموضوع كمان ان كل بروفيل “بروفيلك الخاص بكل لغة” بيبقى ليه لينك خاص بيه زى المثال اللى فى الصورة..والشخص اللى بيشوف بروفيلك يقدر يغير اللغة بتاعة بروفايلك
او لو هتتواصل مع اكتر من مكان ..ممكن تبعت لمكان لينك البروفيل الاسبانى مثلا ..وتبعت لحد تانى لينك البروفيل بالانجليزى

اهم حاجة تبقى عارف ان اللغة اللى انت بتنشىء بيها حسابك هاتبقى هى دى اللغة الاساسية..يعنى لو كملنا فى المثال بتاعنا ..لو انت عايز يبقى البروفيل بتاعك اسبانى
وانت بتسجل فى لينكدان ..انزل تحت خالص “اخر الموقع” -جزء اللغات -وغير اللغة للغة اللى انت عايزها..وانشىء حسابك..كده بقى البروفيل الاساسى بتاعك باللغة دى ..وتقدر بعد كده تدخل على صفحة البروفيل بتاعك وتدوس على السهم اللى جنب كلمة تعديل وتختار اضافة بروفيل بلغة جديدة

Social Media Trainer/Social Business Strategist Helping you build your online identity through Social Media

التعليقات مغلقة.