تبدأ منين..لو عايز تشتغل فى التسويق على مواقع التواصل الاجتماعى

اكتر سؤال بيتسأل لاى حد بيشتغل فى المجال:
انا عايز اشتغل فى التسويق  على مواقع التواصل الاجتماعى..ابدأ منين؟
اذاكر ايه..واعمل ايه؟
بعض الناس بيبتدى يقولك على طول ويحكيلك ..والجزء التانى بيسألك سؤال مهم ..ليه؟ ليه عايز تشتغل الشغلانة دى؟

الاجابات بتبقى كالتالى:
انا بحب المجال ده – انا قاعد ليل ونهار على الفيسبوك – انا اصلا بحب التسويق – انا كنت ماسك صفحة قبل كده – فى شغل كتيير و “ناس كتيير” بتطلب ناس تشتغل فيه – اللى بيشتغل فى المجال ده بيتشهر – شغلانة سهلة قاعد بنشر بوست وارد على الناس وخلاص – مش لاقى شغل – شغل هايجيبلى فلوس كتييير – هو المستقبل -ملايين الناس على الانترنت دلوقتى والموضوع هايبقى سهل –  فى ناس شغالة فى المجال ومش فاهمة حاجة..الخ الخ الخ

ومع كامل احترامى لكل الاجابات دى ..ولا اجابة منهم لوحدها “سبب مقنع علشان تشتغل كـ
Social Media Specialist

البوست والمكان هنا مش هايسع انى ارد على كل الاجابات دى كل اجابة لوحدها
بس هاحاول اقولك مثال يقرب الصورة..ناخد المثال على فكرة كورة القدم
انا ممكن تبقى بتحب تلعب كورة – بتلعبها ليل نهار – بتشجع الكورة وبتتفرج كتير – لعبت فى مركز شباب قبل كده – ناس كتير بتعلب كورة دلوقتى – ميسى ورونالدو العالم كله عارفهم و بياخدوا  ملايييين – اجرى بالكورة وارقص الـ 10 لاعيبة والجون ..دى اسهل حاجة عندى ..الخ الخ الخ

بس بسبب كل الكلام الجميل ده ..احنا مصعدناش كاس عالم من 1990..ومجدى عبد الغنى بقاله 23 بيزل فينا بجون يتيم جابه من ضربة جزاء  “لما” لعبها فى اليمين 🙂
وزى ما محمد ابوتريكة وشيكابالا لعبوا للاهلى والزمالك
السيد حمدى واحمد جعفر “مع كامل احتارمى لشخصهم” برضه لعبوا فى الاهلى والزمالك ..وكان بيتقال عليهم هداف النادى

انت لو قررت تتعلم فى المجال ممكن تعمل حاجات كتير “من اكتر المجالات اللى ليها محتوى على الانترنت لو اتأكدت فعلا ان دا مجالك ..لو مستعد تتعب وتضحى بوقت ومجهود وفلوس علشان تبقى حاجة فيه ..
لو فعلا عايز تتميز
فعلا الموضوع مش سهل
مش سهل انك تتميز فيه ..الموضوع هايبقى فيه تعب
اقرا الخلطة السرية للنجاح ..او ..او ..او
ولو اتاكدت فعلا ان دا مجالك ..وعندك استعداد تبذل وقت ومجهود وفلوس فيه ..ساعتها اسال ابدا فيه ازاى؟
لانك ساعتها لما تذاكر وتتعب هاتبقى مميز ..وهايتحول التحدى بعد فترة من انك بتحاول تنجح فى مجال
لتحدى ازاى تحافظ على تخصصك علشان تقدر تحافظ على تميزك فى ظل الفرص اللى هاتلمع قدامك

Social Media Trainer/Social Business Strategist Helping you build your online identity through Social Media

يجب أن تسجل دخولك لكتابة تعليق.