سؤال وجواب: اظهار الجانب الشخصى فى البراند

السؤال
لو انا دلوقتى براند مشهور وحبيت اضيف صور عيد ميلاد لابن زميل لنا فى الشركة على الصفحة الخاصة بالبراند ده، فده صح ولا غلط، وده هيبقى تطبيق لمبدأ السوشيالتى ولا لا؟

الجواب
الفكرة دى استراتيجية جامدة جدا
بعض الناس بتقول عليها لما تتنفذ على مواقع التواصل الاجتماعى استراتيجية 
Behind The Scene 
 فكرتها انك تظهر الجانب الشخصى مش مجرد انك لوجو وروبوتات بتتحرك من وراه
 الفكرة انك كشركة “بغض النظر” صغيرة او كبيرة …بتصور الناس وهى بتشتغل فى الشركة بتاعتك ..اد ايه هما مبسوطين والجو بينهم جميل ..بعض الشركات بتعمل 
يوم للموظفين يقضوه مع بعض بعيد عن الشغل وممكن تصوره ..بتورى الناس انهم ناس طبيعية وبيخرجوا عادى ..ممكن يروحوا السنما ويتصوروا مع بعض
لو سألت اى حد نفسك تشتغل فين “هايقولك جوجل او ابل او فيسبوك ” بغض النظر هو ميعرفش هو ممكن ياخد كام
بس فكرة الصور اللى بينزلوها عن الاماكن دى اللى فى الشركة بتاعتهم والناس وهى مثلا واخدة الكلاب بتاعتها معاها فى الشغل وان الناس يتصورا وهما بيلعبوا “بيسموها منطقة المرح” – لو شفت البرنامج بتاع احمد الشقيرى “خواطر 9” لما اتكلم عن جوجل وقالك الموظفين ممكن يعزموا ناس من اصحابهم وقت الراحة جوه جوجل ياكلوا مع بعض اى نوع من الاكل ..الحاجات دى بتخلى اى حد يحلم يشتغل في الشركة دى بغض النظر هو هياخد كام..لان اكيد اللى فى خياله ان الشركة اللى بتعمل كده اكيد بتقدر الناس كويس جدا …ود بقى بيسموه
Employer Branding

وهى الصورة اللى بتتاخد ان المكان ده هو من اعظم الامكان للعمل به
شركة هينكل كانت عاملة حملة للموضوع ده – على عكس كل الشركات اللى الناس بتبقى بتكره يوم الاثنين لانه اول يوم فى الشغل – شوف الموضوع فى هينكل ازاى

وهتلاحظ كمان ان مثلا الفيسبوك كل لما يجى يقدم خدمة جديدة بيجبلك حد من الموظفين ان يشرح الخدمة دى  ونفس الكلام مع جوجل وغيرهم
ودا بيفرق جدا حتى على موظفين الشركة اللى بتبقى معنوياتهم فى السما من الحاجات دى ودى بيأثر على “مصطلح” ثقافة الشركة – اسألوا بقى حد من الموارد البشرية يشرحلكوا يعنى ايه ده –

 🙂 فكر كده شوية وقولى ايه الشركة اللى انت نفسك تشتغل فيها ..والاهم ليه الشركة دى بالتحديد

Social Media Trainer/Social Business Strategist Helping you build your online identity through Social Media

التعليقات مغلقة.