يعني إيه Inbound Marketing ؟

بسبب إن الأساليب المتبعة في Traditional Marketing & Sales بتسبب بعض الإزعاج للناس زي
“Interruption Advertising – Cold Calling – Cold Emails “Spam , إن يظهر للعميل إعلان لحاجة هو مش مهتم بيه أو يستلم إيميل أو مكالمة تليفون لمنتج أو خدمة هو مش مهتم بيها الطريقة دي أصبحت بتمثل إزعاج للعميل وعلشان كده ظهر توجه جديد وهو ال Inbound Marketing .

وزي ما موقع Hubspot عرف ال Inbound Marketing على إنه بإختصار نشر المحتوى المناسب في المكان المناسب في الوقت المناسب وده هيأدي إن محتوايا هيكون مفيد ومناسب للعملاء ومش هيكون مصدر إزعاج ليهم .

وعلشان نشتغل Inbound في أربع مراحل والأربع مراحل دول بيمثلوا المنهجيه الخاصة بال Inbound Marketing والأربع مراحل هما :

1 – Attract
2 – Convert
3 – Close
4 – Delight

1 – Attract : ودي المرحلة اللى هتجذب الناس إنها تدخل ال Website الخاص بيك , والسؤال هنا مين الناس اللى انت عاوزهم يدخلوا على ال Website ؟

عن طريق حاجة إسمها ال Buyer persona هاتقدر تحدد مين هما الناس اللى إنت عاوزهم وإزاي هتقدر تجذبهم .

يعني إيه Buyer persona ؟

يعني إنت بتقسم السوق اللى إنت هتستهدفه على حسب الأشخاص وكل مجموعة أشخاص ليهم صفات معينه مشتركة يكونوا في Buyer persona خاصة بيهم وإنت كمسوق تقدر تشتغل على أكتر من Buyer persona .

داخل ال Buyer persona بيكون في ال Profiles الخاصه بالأشخاص اللى انت هتشتغل عليهم وال Profile بيكون فيه إسم الشخص , السن , الوظيفة , متوسط الدخل , أهدافه والتحديات اللى بتواجهه , المهم إنت بتجمع كل المعلومات اللى تقدر تحصل عليها واللى هتفيدك إنك تشتغل صح على الشخص ده . ولو عملتوا Search على كلمة Buyer persona هتلاقوا ليها أكتر من شكل .

إنك تعرف ال Persona ده هيساعدك في إنك تقدم المحتوى المناسب لزوار الموقع واللى هيتحولوا بعد كده ل Leads ثم Customers وسواء الشخص ده Visitor أو Lead أو Customer فكل واحد فيهم ليه المحتوى الخاص بيه .

طيب أنا هعرف إزاي الشخص اللى داخل على الموقع Visitor ولا Lead ولا Customer ؟

ده بيبقى عن طريق Tool زي Hubspot اللى من خلالها هتعرفك ال Score الخاص بكل شخص وبناءا على ال Score ده يبدأ الشخص ينتقل من مرحلة للتانية . ال Score ده بيتحدد على أساس التعامل بيني وبين الأشخاص بمعنى إني عملت مقالة و X قرأء المقاله بياخود Score معين طيب بعد كده عملت PDF و X عمله Download ال Score الخاص بيه بيزيد ويبدأ بقى على حسب ال Score ده ينتقل من مرحلة للتانية لحد مايوصل للمرحلة الأخيره وهو إني أبيع له .

بعد ماعرفت ال Buyer persona هعوز أعرف بعد كده حاجة إسمها ال buyer’s journey واللى بتتقسم لثلاث مراحل وهي :

1 – Awareness Stage : وفي المرحلة دي ال Buyer بيقوم فيها بعمل Research علشان يقدر يحدد بالظبط إيه المشكلة اللى بتواجهه .

2 – Consideration Stage : بعد ماعرف إيه المشكلة هيبدأ يدور على الطرق المختلفة والحلول المتاحة لمشكلته .

3 – Decision stage : بعد ماعرف المشكلة وبقى عنده الحلول المتاحة هيبدأ ياخود القرار اللى هو ال Purchasing decision .

بعد كده نيجي لإنشاء المحتوى : أنا عملت Buyer persona و عرفت buyer’s journey لأن كل Persona هيكون ليها المحتوى الخاص بيها وكل buyer’s journey كمان ليها المحتوى الخاص بيها .

وعندنا هنا نقطتين ( Content & Context )

ال Content هو الأنواع المختلفة للمحتوى زي ال Article – Video – Infographics – photo

أما ال Context فا ده اللى من خلاله أنا هعمل المحتوى لمين وهو مهتم بإيه .

وآخر حاجة وهي Leverage your Content : ودي المرحلة اللى ببدأ أشتغل فيها على إن المحتوى بتاعي يكون متاح خلال القنوات المختلفة زي ال Website , Blogs , Social media وغيرها من القنوات اللى هقدر من خلالها إني أنشر المحتوى بتاعي اللى المفروض في الآخر إنه بيحقق ال Business Goals الخاصة بيا .

المصدر : موقع Hubspot

Comments

Social Media Trainer/Social Business Strategist Helping you build your online identity through Social Media

التعليقات مغلقة.