خصوصيات الانترنت .. احنا مش متراقبين

واحد من افضل البرامج اللي بحبها جدا هي برنامج خواطر للاستاذ احمد الشقيري … في الموسم الاخير للبرنامج كانت احد الحلقات بعنوان “انت مراقب”


في اخر الحلقة ذكر الاستاذ احمد ان الـ Social Media سلاح ذو حدين …وانه يجب الانتباه الي ما تستخدمه.. بمعني؟

١- هل انت مراقب؟
اتكلمت قبل كده عن الموضوع ده لانه انتشر في مصر من فترة وطلعت اشاعة ان الحكومة المصرية هتراقب حسابات الفيس بوك و وضحنا موضوع الشفافية اللي بتحصل وان الحكومات بشكل عام بتطلب من الفيس بوك او غيره انهم يكشفوا ليهم حسابات معينة .. في حاجات بيتوافق عليها وفي حاجات لا.. ممكن تشوف الموضوع كامل من هنا:

 

#احنا_مش_متراقبين
بما ان ناس كتير “أفتت” فى موضوع #احنا_متراقبين بخصوص ان الحكومة هتراقب كل حاجة… بتحصل حابب اوضح بعض …

Posted by Social Business Kits on Wednesday, June 4, 2014

2- لو احنا مش متراقبين .. هو ايه اللي بيحصل؟
خلينا نتفق ان حتي من قبل الاشاعة دي.. الناس في الاغلب بتنقسم لنوعين:
النوع الاول: دا بينشر كل حاجة .. كل حاجة بمعني كل حاجة.. و بعض الناس منهم بتنشر كل الحاجات بخصوصية واحدة .. يا اما كل بوستاته Public او كل حاجة للـ Friends بس

النوع التاني: مش بينشر حاجة اصلا .. لو دخلت بروفايله هتلاقي اسم غريب .. واحيانا مش بيبقي اسم اصلا .. ممكن تلاقيه كاتب حكمة او مثال او وصف لحالة مكان اسمه .. والبروفايل بتاعه مفهوش حاجة ممكن تتشاف اصلا غير انه بيغير الـ Profile Pic وبيغير الـ Cover Pic.
في الاغلب الشخص التاني بيعتبر ان دا حماية ليه وهو عامل حويط وكده 🙂

الفكرة انه بيفتكر الموضوع في الفيس بوك بس .. لكن الحقيقة اننا حياتنا الاونلاين كلها عبارة عن Filter Bubble او فقاعات مترتبة بشكل ما بحيث تظهر لكل واحد المعلومات اللي هو محتاجها ..بناء علي اهتماماته علي تاريخ استخدامه .. ممكن تشوف الفيديو ده هايوضح الموضوع

ففكرة انك محدد استخدامك دا ملوش تأثير قوي علي المعلومات ..لاننا بنتكلم علي الانترنت بشكل عام .. وفي نفس التوقيت انت لو لعبت الموضوع صح ممكن تتستفاد منه في حاجات كتيييييييير … اهمها انك تعمل لنفسك

Personal Brand

بس الموضوع بيعتمد علي انك تفهم الحاجات اللي انت بتستخدمها ..تفهم خواص الموضوع .. تفهم اسلوب واستخدام كل موقع .. دا هيساعدك كتيير علي استغلال الموضوع بشكل كويس لانك صعب تتخلي حاليا عن التكنولوجيا بكل الامكانيات المتوفرة وفي نفس الوقت تقدر تقلل من المخاطر اللي ممكن تقابلك.

طيب .. هي ايه الغلطات اللي بتحصل حاليا ؟
احنا لو قعدنا نحسب الغلطات دي مش هانخلص.. بس خلينا نتكلم عن اهم الامثلة اللي بتحصل:

١- فكرة التعامل مع الاشاعات اللي اغلبها بيتعمد علي تطبيقات وبرامج بتنزلها او بتستخدمها اونلاين .. زي مثلا الخرافات بتاعة اعرف مين اللي زار بروفايلك .. مع ان الفيس بوك مأكد ان دي خرافة في الـ Help Center

بما ان الموضوع كل شوية بيتكرر …تعالوا ننهى الموضوع بشكل نهائى
الفيسبوك عامل صفحة اسمها “اشهر الخرافات حول الفيسبوك”…

Posted by Social Business Kits on Sunday, June 15, 2014

٢- اغلب استخدام الفيس بوك وجوجل بيبقي معروف سياسة استخدامه .. لكن لو هاتستخدم تطبيق/موقع جديد ..حاول تقرا الاول عنه .. لو تقيلة عليك انك تقرا سياسة الاستخدام .. ابحث علي اسمه
هتلاقي ناس كتيير كاتبة Review هاتفيدك .. او استخدم موقع زي Quora اللي هايعطيك افضل الاجابات لاي سؤال.. بلاش تمشي ورا حاجات متخلفة زي الموضوع ده مثلا:

بعض الناس بتنشر بوست على صفحتها تطالب بحقها فى عدم استخدام محتواها او صورها على الفيس بوك فى الاعلانات ..استنادا الى الق…

Posted by Social Business Kits on Friday, December 5, 2014

اتأكد الاول من الموضوع قبل ما تنشر حاجة.

طيب ايه اللي المفروض نعمله؟

لو بنتكلم من حيث الاستخدام ..في حاجات صغيرة بتفرق معاك في الاستخدام زي انك تقفل موضوع الدعوات اللي بتجيلك علي الفيس بوك

1-افتح الفيس بوك
2- ادخل على الـ settings
3-اضغط على blocking
4- هتلاقى خاصية “عبقرية” اسمها
Block event invites: اكتب …

Posted by Kareem Samara on Wednesday, March 18, 2015

او في حاجات لو اتعلمتها هاتعرف ازاي تفرق بين الوظيفة الحقيقية وبين الوظيفة الوهمية علي Linkedin
فبتتعلم انك متشاركش في اي حاجة وخلاص

٣- اتعلم عن اي حاجة وحاول تستفاد منها .. ممكن تستخدم فكرة الـ Social Media Monitoring
دي Hangout كنا عملناها قبل كده بتتكلم عن النقطة دي ..
راقب اسمك او اسم الشركة او المكان اللي انت فيه او اللي بتفكر تشتغل فيه و اسمع عنه وخليك علي علم باغلب ما يقال.

٤- محتاج تفهم الموضوع علي اغلب الحاجات اللي بتستخدمها .. زي مثلا الموضوع ده في الايميل

#نصيحة_الشيخ_أندرو المره دى حنتكلم عن تطبيق اسمه الـ yesware .. التطبيق دا بيستخدم للجيميل بيتيح لك انّ تقدر تعمل تراكين…

Posted by Social Business Kits on Wednesday, October 23, 2013

ادي لنفسك فرصة تقرا عن اي حاجة انت بتستخدمها كتيير .. الخصوصية مش موجدة بمفهومها المطلق اونلاين .. بس مد تعلمك او جهلك بالحاجات اللي بتستخدمها هو اللي بيحدد مدي قدرتك علي حماية بياناتك… الموضوع مش عليك انت بس .. في 2012 Randi Zuckerberg اخت Mark Zuckerberg مؤسس الفيس بوك واللي كانت ماسكة قسم التسويق في الفيس بوك نشرت صورة وعملت تاج لاختها .. فظهرت الصورة لاحد المتابعين لاختها واللي نشرتها Public علي تويتر والي ضايق Randi .. وكان تعليقها في النهاية .. الموضوع ملوش علاقة بالـ Privacy Setting الموضوع له علاقة باخلاق واداب التعامل اونلاين.

ودي مقالة بخصوص بعض النصائح للمستخدم علي الفيس بوك.

ودي مقالة تانية تجميعة لاغلب الحاجات اللي ممكن تحتاجها

جمعتلكم في البوست دة شوية روابط مهمة جدا لحماية حساباتكم على الإنترنت وخصوصيتكم (فيسبوك وتويتر وجوجل) وبصفة عامة، ياريت …

Posted by Mohamed M Sayed on Sunday, March 22, 2015

ولو حصل وخبطة في مشكلة ان جهازك اتصاب بفيروس من اللي بينشر بوستات في كل مكان
ادخل من المتصفح الخاص بيك علي Setting واختار الـ Extention وامسح اي اضافة انت متعرفهاش.

اللي حابب يتعمق اكتر في الموضوع .. ممكن تقرا عن تعريف المصطلحات الخاصة بالموضوع الخصوصية والحماية

تسريب بيانات اكثر من 80 الف حساب فيسبوك وتعريف ببعض المصطلحات المهمه “الاسكام” – الاسكامر” – “الاسبام” – “الاسبامر” – “ا…

Posted by Mohamed A. Baset on Monday, March 23, 2015

 

ولو حابب تعرف تفاصيل اكتر عن موضوع الامان الرقمي

عُدَّة الأمان: أدوات و ممارسات للأمان الرقمي | أدوات برمجية حرّة أو مجانية وممارسات يساعد استخدامها في زيادة أمانك الرقمي. | http://goo.gl/33xo9r

Posted by Mahmoud Ahmed on Monday, June 16, 2014

او عن اخطر الانواع وهو الـ Social Engineering

#ثغرة_وحكاية : #الهندسة_الاجتماعية – #Social_Engineering – #Security #حماية #امان – بالاضافة لثغرة فيسبوك الاخيرة لسرقة …

Posted by Mohamed A. Baset on Monday, July 7, 2014

بعتذر علي الاطالة في الموضوع بس حبيت اوضح الموضوع من اغلب الجوانب.

Social Media Trainer/Social Business Strategist Helping you build your online identity through Social Media

التعليقات مغلقة.