إضافة Audience Insights إلى موقع Linkedin

من أكتر وأهم العوامل اللى تهم الناس اللى بتشتغل سواء في ال Marketing أو ال Social Media هي الأرقام. الأرقام اللى بتخليك تتحرك. عن طريق الأرقام بتعرف هل إنت ماشي صح ولالا، هل الناس مهتمة باللى انت بتقدمه ولا محتاج تعمل تعديلات علشان تحسن من نفسك.

 

وعلشان الإحصائيات مهمة جدا لينا ك Marketers موقع LinkedIn بيقدملنا Update جديد مهم جدا.
عمرك مرة تخيلت مين اللي بيقرأ المقالات والPosts اللي بتكتبها على LinkedIn؟
دلوقتي LinkedIn أضاف ال  Audience Insights … واللى هتمكنك من معرفة إحصائيات عن محتواك على موقع LinkedIn.

wersm-linkedin-audience-insights

طبعا لو انت بتشتغل في ال Social Media التحديث ده هيهمك لأنه هيوفرلك إحصائيات أكتر عن الناس اللى بتتفاعل معاك ومهتمه بالمحتوى اللى بتقدمه.

حاليا الموضوع متوافر على تطبيق LinkedIn على الموبايل بس وهينزل قريب للـ Desktop، لو ضغطت على Me هتقدر تشوف احصائيات وأرقام حقيقية عن مين اللي قرأ البوستات بتاعتك؟ بيشتغلوا فين؟ وبيشتغلوا ايه؟ والاهم هما وصلوا للمحتوى بتاعك ازاي؟

 

وزي ما شرح الـ product manager في لينكدان Charu Jangid في منشور على المدونة ان الإضافة دي بتهدف انها تساعدك على أنك تقدر تعرف إذا كنت بتوصل المحتوى بتاعك للجمهور الصح ولا لأ وده هيوفر على ملايين المستخدمين اللي بينشروا مقالات طويلة على الموقع الكتير من المجهود والوقت وكمان إنك بتقدر تعرف مين بالظبط اللي بيتابع منشوراتك ده بيديلك فرصة كبيرة جدا إنك تقدر تتواصل مع ناس ليها علاقة وعندها خبرة في المجال بتاعك.

طبعا فكرة ال Audience Insight موجوده بالفعل في Facebook وكنا اتكلمنا عنها بالتفصيل في مقالة
إزاي استخدم الـFacebook Audience Insight؟

 

 

 

Comments

التعليقات مغلقة.