عن Lynda.com

للناس اللي بتدور على مكان تتعلم أونلاين ومش لاقيه، أو ناس بتحاول تبدأ شغل freelance وبتدور على مصدر كويس تتعلم منه الحاجة اللي بتحبه، او حتى عاوزه مكان يوفرلها الحاجات وهي تختار.

موقع Lynda.com من فترة عمل شراكة مع المكتبات العامة في كذا بلد زي امريكا واستراليا انه هيدي اكاونتات ببلاش لو انت عندك عضوية في المكتبة Library Card، بتقدر تسجل على الموقع من خلال الكارت ده.

موقع ليندا من مميزاته ان فيه حاجة اسمها Learning Path يعني انت بتختار الشغلانة او الحاجة اللي عايز تعملها، وهو بيديك مجموعة كورسات مترتبة ورا بعض تخلصهم بالترتيب لو انت بتبدأ من الصفر، الموقع عليه حوالي 4000 كورس تقريبا كلهم متاحين لك.

ليندا تقريبا بياخد في الشهر حوالي 30 دولار، لكن الاكاونت اللي بتقدمه المكتبات مجاني تماما ومش لمدة أسبوع خلال Week Of Learning بس، لكن متاحين طول ما الشراكة ممتدة، كل المطلوب منك انك تروح مكتبة وتجيب Library Card.

لو انت مش عايش في أمريكا أو أي بلد من اللي في الشراكة، تقدر تجيب الLibrary Card ده من بعض المكتبات بتقدمه اونلاين، زي مكتبة نيويورك كده،

1) تقدر تدخل على موقع المكتبة من هنا: nypl.org

2) وبعدين تدوس على Get A Library Card
وانزل لحد Applicants Outside of New York State
ودوس Apply

3) سجل بياناتك، اسمك وسنك وعنوانك.. وبعدين دوس Submit
هيظهرلك صفحة فيها رقم: الرقم ده Library Card Number بتاعك
احتفظ بيه
4) دوس على Login اللي موجودة تحت الرقم
واكتب في الUser الرقم اللي انت لسه واخده ده ومتكتبش حاجة في الباسورد واعمل لوجين

5) هيطلب منك تدخل PIN او باسورد
اكتب أي رقم بشرط يكون أزيد من 4 خانات ومفيهوش تكرارات وكده.
وكمل

6) افتح موقع ليندا Lynda.Com واعمل Login
واختار Sign in with organization portal
في المربع اكتب الموقع بتاع المكتبة
nypl.org
وكمل

7) دخل الLibrary Card Number
و PIN
هيفتح يطلب منك الميل ويطلب منك تكتب اسمك مظبوط.
كمل

8) كده بقى معاك الاكاونت بتاعك خاص بيك انت، مبروك 😀

دوس شير علشان تساعد غيرك يتعلم حاجة بيحبها أو يقوي نفسه في حاجة محتاج يتعلمها كويس

https://www.facebook.com/photo.php?fbid=773260399483448&set=a.150726335070194.37704.100003984848691&type=3&theater

Comments

Social Media Trainer/Social Business Strategist Helping you build your online identity through Social Media

التعليقات مغلقة.