Molto Google

من خواص الشركات الكبيرة “خاصة” جوجل و فيس بوك انهم دايما بيجربوا حاجات كتيييرة جديدة
في حاجات بتنجح جدا وبتنتشر والناس كلها بتبقي ممتنة لوجدها، وفي حاجات تانية بتختفي والناس بتنساها وفي حاجات الناس مبتسمعش عنها اصلا
فلو اخدنا مثال الفيس بوك، 
ممكن اقولك ان الفيس بوك جرب وفشل في حاجات كتييييرة جدا منها:
– Facebook Notify
– Facebook Home
– Facebook Deals
– Facebook Credits
– Facebook Inbox
– Facebook Slingshot
– Facebook Beacon
– Facebook Paper
اغلب الخدمات/التطبيقات دي ناس كتيير جدا محدش منهم سمع عنها،
بس الفكرة الاساسية ان الشركات “او اي حد ينجح” دايما بيجرب، ممكن اه في بعض الخدمات متحققش نجاح كبير…او ممكن متنجحش اصلا و يضطروا يقفلوها…بس علي الاقل بيستفادوا منها …سواء بالتجربة نفسها – بدل ما يفضلوا يتحسروا ويقولوا يا ريتنا عملنا – او بدمج الجزء اللي عجب الناس من التجربة في الخدمة الاساسية…ودا من وجهة نظري سر نجاحهم

ممكن في بعض الحاجات تبقي فعلا فيها مشكلة، بس في جزء كبير جدا بيرجع لخوف الناس من التجربة…بغض النظر عن التجربة دي هاتؤدي لايه …او ممكن تفيدهم ازاي…مش مهم، خلينا في “اللي نعرفه احسن من اللي منعرفوش”، وتبقي حكمة “الانسان عدو ما يجهل” او كما يقال
People afraid anything they don’t understand
دايما بتوقف شركات/اشخاص كتيييرة جدا عن نجاحات عظيمة

والمثال الاخير دلوقتي هو جوجل.
من وجهة نظري الـ Gmail هو احسن Email ممكن تشتغل عليه، وعلي الرغم من كده جوجل عملت Inbox by Gmail بخواص ومميزات مميزة و كتيييرة جدا…بس واضح ان فكرة عدم التجربة من الناس اثرت علي الخدمة دي برضه، لان جوجل اعلنت عن خاصية Try the new Gmail واللي دمجت فيه اغلب خواص Inbox by Gmail داخل الـ Gmail
العادي، واعتقد ان الموضوع ده هاينجح جدا لان فعلا المميزات حلوة جدا والناس هاتستفاد او هاتكتشفها بجد في شكل الجيميل اللي هما متعودين عليه،
لانهم….مبيحبوش التغير 

ملحوظة مهمة فشخ:
اهم حاجة اكتشفتها في الموضوع ده ويمكن الميزة الوحيدة بالنسبالي هي ان الـ Gmail عمل integration واضاف Trello من ضمن
الـ Add-ons اللي ينفع تضفيها لما تستخدم The new Gmail
وبمجرد ما تفتح اي رسالة تقدر تضيفها كـ card علي Trello في ثواني، ودي حاجة اعتقد البشرية هاتشكر جوجل والناس اللي مبيجربوش كتييير جدا لانهم هما اللي خلونا نكتشف الميزة دي 😍😍😍

Comments

Social Media Trainer/Social Business Strategist Helping you build your online identity through Social Media

التعليقات مغلقة.