4 أمثلة على كيفية تسويق الدول لنفسها.

التسويق مش مقتصر على منتج، خدمة أو شركة بتسوق لنفسها، كمان الأشخاص يقدروا يسوقوا لنفسهم والدول تقدر تسوق لنفسها.

إيه الحاجة اللى ممكن الدولة تسوق ليها؟

الدولة عندها عناصر كتير جدا تقدر تسوق ليها، زي مثلا في دول عندها المناخ كويس بالإضافة للمناظهر الطبيعية، يعني تقدر تسوق للسياحة في البلد، زي مصر مثلا، كمان في دول ممكن تسوق لمنتج هي بتنتجه ومتفوقه في إنتاجه زي ” البن ” في البرازيل، وكمان ممكن تكون الدولة عندها تقدم تكنولوجي زي الهند أو دول مصر زي ألمانيا واللى مشهورة بالماكينات.

كل ما الدول قدرت تسوق للميزات اللى بتمتلكها كل ما قدرت تنشط الاستثمارات في البلد، وتجذب استثمارات خارجية وكمان تنشط حركة السياحة وبالتالى اقتصاد الدولة هينمو.

وفي مصطلح إسمه الـNation Branding وده مهتم بالصورة الكلية للدول سواء من الجانب السياسي، الاقتصادي الثقافي، وإزاي تبني سمعة البلد وتبني صورة ذهنية عنها.

ودي أمثلة على بعض الدول اللى قدرت تسوق لنفسها بشكل إحترافي :

من الأمثلة الجميلة على الموضوع ده هو موضوع الـGiga Selfiواللى قدرت استراليا عن طريق الحملة إنها تسوق للأماكن السياحية الموجوده في البلد بشكل رائع.

الفكرة انهما ابتكروا الـGIGA selfie Machine واللى عن طريقها هتقدر تاخود Selfi من مسافة 100 متر!
أيوه 100 متر، لأن الموبايل هيكون في Connection بينه وبين الـMachine واول ما هتستخدم الموبايل الـMachine بتلقط الصورة وبتتبعت ليك في نفس الوقت في رسالة على الموبايل.

والفكرة هنا إن الصورة هتكون من مسافة 100 متر وهيظهر فيها المكان اللى انت اتصورت فيه، ودي هتكون دعاية كويسة للمكان، لتشجيع السياحة. كمان الصورة هتقدر تعدل عليها وتعملها Share مع أصحابك على الـSocial Media .

ومن أروع الأمثلة اللى حصلت أيضا في استراليا وهو حملة The best job in the world واللى تم اطلاقها في وقت كانت السياحة بتعاني لأن وقتها كانت الأزمة المالية العالمية واللى كانت في آواخر 2008 و الفكرة هي تشجيع الناس لزيارة الحاجز المرجاني الأعظم ” Great Barrier Reef ” واللى يعتبر واحد من المعالم الطبيعية لولاية Queensland الأسترالية.

وعلشان يحققوا هدفهم من الحملة كان لازم يكون في سبب يخلي الناس يتفاعلوا مع الحملة التسويقة وده اللى حصل عن طريق الفكرة الموضوعة وهي ” The Best Job in the World ” . الشركة عملت إعلان لوظيفة لشخص واحد في الجزيرة المذكورة ” Queensland ” الوظيفة عبارة عن إن شخص واحد هيتم تعيينة لمدة 6 شهور براتب 133000 دولار وهتكون المهام المطلوبة منه هي :الاستمتاع بالجزيرة والاهتمام بها واطعام الأسماك الموجوده فيها واستكشاف الجزيرة وكتابة تقارير وصور وفديوهات يومية عن جزيرة Queensland .

المطلوب من الشخص علشان يقبلوه في الوظيفة هو تصوير فيديو لنفسه مدته 60 ثانية بيوضح ليه المفروض الشركة تختارة للمهمة دي أو للوظيفة دي , وهو ده السبب اللى دفع الناس إنها تتفاعل مع الحملة .

وخلال 6 أسابيع من إطلاق الحملة إستقبل ال Website الخاص بالحملة 3.4 مليون زائر و 34000 فيديو لأشخاص متقدمين للوظيفة من 201 دولة مختلفة مش بس كده ولكن وسائل الإعلام المحلية والعالمية قامت بتغطية الحملة الغير عادية عن طريق الصحف والقنوات التليفزيونة وكانت قيمة التغطية الإعلامية للحملة 80 مليون دولار والشركة مادفعتش منهم مليم واحد، لأن الصحف والقنوات كانت بتعمل ده من نفسها لأن الحملة كانت مختلفة وجديدة!

الحملة التالتة  حملة كانت في اليابان وهي Visit Japan – Post from Japan وكانت الحملة بعد الكارثة اللى اتعرضت ليها اليابان في 2011 واللى بسببها خسروا 36% من حجم السياحة في اليابان، وعلشان يسوقوا للأماكن السياحية في اليابان ويشجعوا الناس على إنها تثق في السياحة ويعرفوا إن اليابان مكان آمن ويقدروا يجيوا يزوروه، عملوا حملة شجعوا فيها السياح الموجودين بالفعل إنهم يتصوروا في الأماكن السياحية ويتم مشاركة الصور دي مع باقي دول العالم،

ولكن إزاي هيشجعوا الناس على إنهم يشاركوا الصور مع باقي العالم؟

السياح لما بيسافروا لبلد تانية غالبا مش بيستخدموا الإنترنت نظرا لأن سعره بيكون غالى وعلشان كده اليابان عملوا Application إسمه Post From japan وده مرتبط بشبكة إنترنت حكومية واللى بيتيح للناس إنهم يشاركوا صورهم من خلاله على الـFacebook وكل Like للصورة، الشخص بياخود دقيقة Online Access Free !

Visit Japan – Post from Japan from Michal Sitkiewicz on Vimeo.

حملة “The TATTOO FLYER ” قامت بيها تايلاند وتعتبر من أروع الحملات اللى ممكن تشوفها، الحملة كانت في أحد المعارض العالمية الخاصة بالسياحة واللى كانت المنافسه شديدة جدا وقتها في المعرض ومن الصعب إنك تميز نفسك بين الموجودين ولكن مع الحملة العبقرية اللى قامت بيها تايلاند نجحوا في إنهم يسوقوا لنفسهم وللسياحة في تايلاند عن طريق tattoo بيتم طباعته على إيد الشخص وبعد كده تقدر تعمل Scan للـTattoo بالـSmart Phone فبيتم عرض فيديوهات على الموبايل عن تايلاند!

ودي Presentation كانت عملاها صفحة social media بالعربي عن الـNation Branding 

Social Media Trainer/Social Business Strategist Helping you build your online identity through Social Media

التعليقات مغلقة.