مع حملة نايكي المشاعر السلبية للسيدات ستتحول إلى شئ إيجابي

ادركت الشركات أهمية مواقع التواصل الاجتماعي جيدا ومدى وقوتها وتأثيرها على الناس و بدأت تكثف جهودها للوصول للشريحة المستهدفة الخاصة بيها عن طريق مواقع التواصل الاجتماعي وظهر ذلك من خلال العديد من الحملات اللى شوفناها في الفترة الأخيرة , من خلال مواقع التواصل الاجتماعي بتقدر فعلا توصل للشريحة المستهدفة بالظبط وتقدر تقيس مدى نجاح حملتك من فشلة وتقدر كمان تتفاعل مع الناس على عكس الطرق التقليدية في التسويق ولو ذكرنا أمثلة على شركات بتنفذ ده بالفعل هنلاقي كتير وأخرهم شركة Nike وحملتها الرائعة #BetterForIt

واللى بدأتها يوم 12 أبريل من خلال فيديو على موقع اليوتيوب والحملة بتستهدف السيدات وبتشجعهم على ممارسة الرياضة عن طريق إلقاء نظرة على شعور النساء الداخلى أثناء تحقيق أهدافهم من ممارسة الرياضة .

شركة Nike باستمرار بتدعم الرياضيين عن طريق بعض البرامج والأدوات اللى بتساعد الرياضيين وبتحفزهم ومن الأدوات دي بعض التطبيقات على الموبايل مثل

Nike+ Running App ,   Nike+ Training Club (N+TC) App واللى من خلال الإحصائيات اللى حصلوا عليها من التطبيقات دي إن في إزدياد في معدل مشاركة السيدات في الأنشطة الرياضية اللى مثل الجري

Nike_Run_Club_bridge_hd_1600_native_1600

الإحصائيات اللى أخدوها من التطبيقات هي إن السيدات عملوا دخول على التطبيق الخاص بالجري 50 مليون مرة والمسافة اللى قطعوها 170 مليون ميل وإن المستخدمين السيدات بيمثلوا 54 % من العدد الإجمالي  للمستخدمين .

تعدت مشاهدات الفيديو المليون و 200000 مشاهدة حتى الآن وبالإضافة إلى المشاهدات أيضا التعليقات الإيجابية على الحملة

1

3

4

better-for-it-abs-nike.0

من خلال استخدامنا لمواقع التواصل الإجتامعي نقدر نوصل للشريحة المستهدفة بالظبط مثل Nike فا هي قدرت بالفعل تستهدف السيدات , كمان قدروا يعرفوا إحصائيات معينه عن طريق البرامج الخاصة بيهم واللى قدروا من خلالها يحددوا إن فعلا السيدات هم الأكثر مشاركة على البرامج الخاصة بيهم واللى بالتبيعة قرروا يبدوأ الحملة واللى بتدعم السيدات وبتحفزهم على ممارسة الرياضة عن طريق تقديم منتجات وتطبيقات تساعدهم على ده , وهنا Nike بتعلن عن منتجاتها ولكن بشكل ذكي جدا , كمان من خلال السوشيال ميديا يقدروا يعرفوا الإحصائيات الخاصة بالحملة الخاصة بيهم هل فعلا الناس اتفاعلت مع الحملة أم تجاهلتها , عدد اللى شاهدوا الفيديو كام , مين الفئة العمرية الأكثر مشاهدة , اللي شاهد الفيديو هل كمل الفيديو للآخر ولا قفل قبل انتهاء الفيديو , من خلال التعليقات وبعض الكلمات يقدروا يعرفوا هل الناس مرحبة بالفكرة ولا رافضاها .

وهنا بتيجي قوة السوشيال ميديا في إنك بتقدر تقيس كل حاجة , وبتوصل بالظبط للشريحة اللى انت محددها , وبتقدر تتفاعل مع الناس اللى بتابعك واللى بيساعدك على بناء مجتمع مع متابعيك واللى بيعطيك مصداقية عندهم , وكمان بتقلل النفقات اللى كنت بتصرفها على طرق التسويق التقليدية واللى كنت بتوصل بإعلانك لكل الناس سواء هما مهتمين ولا لا واللى بالتبعية كان بيأدي إلى إهدار موارد كتيرة وكمان كان من الصعب أو من المستحيل قياس مدى نجاح حملتك من عدمه .

Comments

Social Media Trainer/Social Business Strategist Helping you build your online identity through Social Media

التعليقات مغلقة.