عن كريستوفر نولان و عوامل تقيم الاعلانات

بشكل شخصي، بعتبر كريستوفر نولان واحد من افضل المخرجين في العالم بالنسبالي،
وبصفتي شخص بيتفرج علي السينما/الافلام علشان – يستمتع – فقط،
فبداية معرفتي باسم Christopher Nolan كانت بعد مشاهدة فيلم Interstellar,
بعدها اكتشفت انه كان المخرج لاهم الافلام اللي بحبها، زي فيلم The Prestige وثلاثية افلام باتمان وخاصة The Dark Knight Rises بالاضافة الي رائعة فيلم Inception واخيرا Interstellar…ومن بعد مشاهدة Interstellar كنت في انتظار فيلمه الجديد Dunkirk علي احر من الجمر، ولكن بمجرد مشاهدتي لفيلم Dunkirk حسيت ان الفيلم الاخير ده عادي جدا، مفهوش اي حاجة.
لكن في المقابل، لو دخلت علي موقع IMDB هتلاقي فيلم Dunkirk من اكثر الافلام اللي اترشحت للجوائز !!!
دا غير ان في نقاد و مواقع كتير رتبت ترتيب افلامه من الاسوء للاحسن وتقريبا كل واحد منهم كان ترتيبه مختلف

نفس الكلام بالنسبالي ينطبق علي Leonardo DiCaprio اللي مكسبش الاوسكار لما مثل في
Titanic، The Man in the Iron Mask، Inception، Catch Me If You Can، The Departed، The Wolf of Wall Street، Shutter Island
وفي الاخر كان “وات ابوت يور فيرست اوسكار فور يو” كسبها علي تمثيله The Revenant،
هو اه الفيلم حلو، س كان في Inception يا جماعة.

وكانت النقطة جوهرية في الموضوع بالنسبالي،
انت بتقول ده حلو او وحش بناء علي ايه؟ ايه العوامل اللي هانتكلم بناء عليها؟
الموضوع طلع فيه تفاصيل كتيرة واكبر من ان حد مش متخصص زي يفهم فيها ويحددها،
ولكن في بعض العوامل الاخري اللي ممكن اي حد “بعيدا عن تخصصه” يتكلم بناء عليها
فمثلا هتلاقي ان عوامل زي الاخراج والتصوير وحاجات تانية صعب حد مش متخصص يتكلم عليها،
لكن عوامل زي ايرادات الافلام، و ارقام المشاهدات علي اليوتوب ممكن نتكلم بناء عليها ونقول رأينا.
وفي رأي اخر بيقيم الموضوع و بيتكلم عن حاجات ليها علاقة بالعادات والثقافات والتقاليد، ونقدر نقول علي ده الـ Common Sense
فبغض النظر عن العوامل اللي منقدرش نتكلم عنها زي التصوير والاخراج، والعوامل اللي ممكن نتكلم عنها زي ايرادات الافلام، وارقام المشاهدات…في عامل مهم اسمه “تقيمات المشاهدين”.

دا بالنسبة للافلام، والموضوع تقريبا ينطبق بنفس الفكرة علي الاعلانات اللي بنشوفها حاليا – خاصة علي الـ Social Media

في جزء من نتائج الاعلانات مفيش اي شخص هايقدر يحددها او يتكلم عليها زي الـ ROI والعوائد اللي اتحققت للشركة من الاعلانات دي، وهنا انا بتكلم عن عوائد مش ايرادات، فممكن الشركة مثلا اسمها يتنشر والناس تتكلم عليها وتستفاد حتي لو العائد المادي مش بيتحقق بشكل قوي دلوقتي، فممكن شركة تعتبر الاعلان حقق اهداف حتي لو مكنش الهدف الرئيسي للاعلان، وممكن الشركة تعتبر دا اعلان فاشل جدا بغض النظر عن تحقيقه لاي اهداف تانية…دا بيرجع لكل شركة.

لكن لما نتكلم عن “مثلا” المشاهدات اللي حققها اعلان معين، فاحنا هنا بنتكلم عن حاجة واضحة لاغلب الناس،
لما نتكلم عن الـ Sentiment Analysis وردة فعل الناس علي اعلان سواء بالايجاب او بالسلب، في دي حاجة واضحة لاغلب الناس.
انا في الحالتين قاصد اقول “اغلب” الناس لاننا بنشوف جزء من العاملين.

فـ فالمشاهدات انت بتشوف ارقام المشاهدات اللي بيعرضهالك الفيس بوك او اليوتوب,
لكن خلينا نوضح ان الفيس بوك بيحسب المشاهدة بعد 3 ثواني، وان اليوتوب بيحسب المشاهدة بعد 30 ثانية،
فالاعلان اللي بالنسبالك مكسر الدنيا ومحقق ملايين المشاهدات ممكن ميكونش ناجح بنفس الدرجة اللي انت متخيلها،
وبسبب كده الفيس بوك واليوتوب بيقدمولك احصائيات اخري… زي مثلا الفيس بوك بيقولك
Minutes Watch – Video Average Watch Time – Audience Retention – Unique Viewers
Minutes Watch: واللي بتعرفك المدة اللي الناس اتفرجوا فيها علي الاعلان،
فممكن مثلا الاعلان يبقي مدته 3 دقائق و يبقي عليه مليون مشاهدة ولكن الـ Minutes Watch كلها تبقي 10 مليون، ودا ممكن يبقي معناه ان اغلب الناس بتخرج بعد 10 ثواني من مشاهدة الاعلان ودا يبقي متوسط مشاهدات الفيديو Video Average Watch Time
الـ Unique Viewer: فممكن مثلا تشوف ان فيديو عليه 5000 مشاهدة وفي الحقيقة الفيديو وصل لمثلا 1500 شخص بس كل واحد منهم شافه اكثر من مرة.
Audience Retention: ودي بتقولك الناس خرجت من اي جزء من الاعلان، فممكن مثلا الاعلانات – خاصة المملة منها – اللي بتبقي بتتكلم عن حاجة بعيدة جدا عن الاعلان وفي اخر الاعلان تقولك اسم المنتج/الخدمة تكون الناس بتخرج وتقفل الفيديو قبل ما يعرفوا دا اعلان مين اصلا ولا كان ايه الـ Call To Action اللي المفروض الاعلان كان قاصد يوصله و الناس تعمله.

وبالنسبة للـ  Sentiment Analysis انك ممكن تشوف ان الاعلان تحفة جدا، وتشوف كل الاراء انها بتقول كده، بس ممكن تبقي انت بتشوف كل الاراء اللي – في الاغلب – متفقة مع رأيك، ممكن تبحث عن “filter bubble” وتقرا تفاصيل اكثر عن الموضوع،
بس الشاهد ان الشركات اللي بتشتغل صح بتستخدم tools علشان تقدر تحدد الموضوع ده وتعرف هل فعلا الناس كلها بتحب الاعلان ولا كلهم بيكرهوه ولا جزء بيحبه وجزء بيكره – ودا في الاغلب اللي بيحصل – و الاهم
نسبة الناس اللي بتحب الاعلان مقارنة باللي الناس كرهت الاعلان كانت كام لكام.

ولكن لا يزال هايفضل في حاجة – بشكل عام – نقدر نتكلم عليها بالـ Common Sense
لما اتكلمنا عن موضوع ريهام سعيد البرنامج ناجح”بالارقام” والمشاهدات والاعلانات اللي بتتذاع عليه، ومع ذلك الناس عملت حملتين عليه، مرة اتوقف ورجع بعدها تاني و المرة التانية ريهام سعيد اترفع عليها قضية واتحبست واتحولت للتحقيق بسبب نوعية المحتوي و طريقة عرضه…دي طريقة و نوعية محتوي مش محتاجة منك دراسة وتخصص علشان تتكلم عليها.

مينفعش حد “ايا كان مين” يجي وقتها يقولك “اصل انت مش من الـ Target Audience ” اللي البرنامج ده مستهدفه والموضوع ناجح وانتوا حقودين عليه…حقودين ايه يا بعيد ياللي مبتفهمش…احنا بنتكلم عن Logic مفيش فيه – او المفروض ميبقاش فيه – اختلاف.

التسويق المفروض يسعي الي حل مشاكل الناس و ليس استغلال ظروفهم/جهلهم/عدم وعيهم علشان ينجح او “يتقال عليه” ناجح،
ستيف جوبز اول ما رجع لادارة شركة ابل قال ان اهم استراتيجية ليه واللي قرر ينفذها واللي صنعت امبراطورية ابل الحالية هي:
Marketing is about Values
التسويق هو القيمة اللي بتقدمها، فمينفعش يبقي لا بتقدم قيمة ولا عامل فكرة كويسة ولما حد يناقشك تقوله اصل انت مش من الـ Target Audience ” اللي المنتج/الخدمة/الاعلان ده مستهدفه.

واخيرا خلينا نفرق بين 3 حاجات، المقارنة والانتقاد والهجوم

المقارنة اني مثلا اقول علي X وحش، بس لو سألتني ليه؟ هاقولك لان مثلا Y بيعمل نفس الحاجة/الفكرة بطريقة احسن,
هنا انا ممكن اكون غلطان لان مثلا Y مش نفس مجال X
هنا احنا ممكن نتفق او نختلف علي مجال او حجم X و Y واهداف كل منهم و ممكن ونروح ونيجي في النقاشات ونستفاد من بعض.

الانتقاد: اني بقول X ومش كويس او مش مناسب، ودا لاسباب 1 و 2 و 3 والمفروض انت ترد عليا في 1 و 2 و 3 لو عندك رد

لكن فكرةاني اتكلم عن اي حاجة بدون اسباب
او اني اتكلم عن الشخص او الكيان اللي عامل “مثلا” الاعلان بشخصه
او اني اناقشك في افكار وتقولي عليا مبفهمش وحقود من غير ما ترد علي الافكار
كله ده اسمه هجوم

فياريت نركز علي القيمة والافكار ونبطل اي حاجة تاني.

Comments

Social Media Trainer/Social Business Strategist Helping you build your online identity through Social Media

التعليقات مغلقة.