مش مجرد اعلان مبدع

ناس كتير بتشتغل في المجال وبيُطلب منها انها تـ Be Creative و تـ Think Out Side the Box ..

وبيفضلوا يدورا ويسألوا ازاي اعمل فكرة حلوة؟
واحدة من الوسائل علشان تطلع بافكار هي انك تتابع وتتفرج علي حاجات كتييير وتحاول تطبق حاجات مشابهة
او انك تشوف ايه المشاكل او المواقف اللي العميل بيمر بيها وتحاول تغير او تحسن من تجربته ..ودا اللي عملته AUDI

في Brussels عاصمة بلجيكا الناس بيبقوا اكثر عرضة للخطر والحوادث .. خاصة في الشوارع المظلمة
فكرة AUDI قائمة علي انها تستغل “ميزة” عندها وهي الـ adaptive headlights وتوصل فكرتها بطريقة مختلفة وهي انها عملت Billboard مرسوم عليه شكل العربية والكشافات “الموجودة في الـ Billboard” بتنور و بتتوجه علي الناس علشان يتشافوا ومحدش يخبطهم 😀

الجميل في الموضوع مش ان الفكرة مبدعة بس .. لا دا في اكثر من عامل Audi اثبتوا بيهم انه فعلا
Out Side The Box:
– اهم ما في الموضوع ان المميز هي “خاصية موجودة في عربيتهم فعلا” ..يعني الفكرة مش ان الاعلان حلو وهو ملوش علاقة بالمنتج او بخدمتهم .. هما عندهم خاصية مميزة و قدروا يوصلوها باعلان مبدع

– الاعلان بيوضح تكنولوجي جديدة “اغلب الناس متعرفهاش” .. علي الرغم من احتياجهم الشديد ليها
تخيل مثلا ان التكنولوجيا دي مش بس هتساعدك في انك تشوف الطريق .. دي كمان هتبين العربيات اللي قدامك حتي لو العربية اللي قدامك مش مشغلة النور .. لو انت طافي نور العربية وماشي في الطريق وفي شخص ظهر قدامك او حتي لو انت مسافر وفي حيوان ظهر فجأة قدمك النور هايتوجه عليه … التكنولوجيا هاتقدر انها تتعرف علي الاشارات والعلامات الموجودة علي الطريق “حتي ولو العلامة مش واضحة قوي للرؤية بالعين المجردة http://electronics360.globalspec.com/article/5836/lasers-and-adaptive-leds-the-bright-spots-of-automotive-lighting

– الاعلان بيوضح فكرة ان الميزة “الضوء اللي بيتحرك بيحمي الشخص اللي بيعدي وبيوضح الطريق للشخص اللي بيسوق” موجود في عربيتهم .. وهما عملوه في مكان تاني لان “المنافسين” معندهمش المميزات دي .. ودا يعتبر استخدام لفكرة الـ Compartive Advertising اعرف اكثر عن النوع ده من هنا:
https://www.facebook.com/SBKits/posts/409900025836914
https://www.facebook.com/SBKits/posts/436504789843104:0

– فكرة الـ Lighting technology دي تعتبر من الحاجات اللي بتميز شركة Audi مقارنة باي شركة تانية .. والشركة بتتكلم عن دا كتير وبتقدم فيها ميزة جديدة كل فترة زي ما عملت في
LED daytime running lights in the Audi A8 W12 (2004)
First all-LED headlights in the Audi R8 (2008)
Networking of headlights with navigation data in the Audi A8 (2010)
Dynamic display of turn signal lights in the Audi R8 (2012
Matrix LED headlights in the Audi A8 (2013
High-beam implementation with a laser spot in the Audi R8 LMX (2014)
Matrix LED headlights (2015)
فالاعلان بيكمل الـ positioning للشركة ..مش مجرد اعلان وخلاص

الاعلان تم بعد ما الشركة اتكملت عن الميزة و وضحتها كويس في مؤتمر كبير تم قبل ظهور الاعلان باسبوعين .. المؤتمر حضره Shuji Nakamura الحائز علي جائزة نوبل في الفيزيا 2014 والمتحدث من شركة Audi كان ترتيبه بعد الشخص دا مباشرة ..فالشركة قدرت تستغل الـ PR وتشارك في حدث كبير وتشرح التكنولوجيا بالتفصيل قبل من تعلن عن الموضوع بحيث انها تـ Educate العميل و تجهز للـ Buzz قبل صدور الاعلان.
http://www.audiusa.com/newsroom/news/press-releases/2015/09/audi-shines-at-worlds-largest-lighting-congress

Comments

Social Media Trainer/Social Business Strategist Helping you build your online identity through Social Media

التعليقات مغلقة.