عن اهمية الـ Online Portfolio

نصيحة بشكل خاص لاي حد بيشتغل في مجال الـ Digital Marketing او بشكل عام لاي حد بيقدم علي شغل بيتطلب وجود Portfolio،

انا مش هاتكلم عن عدم اهمية الـ CV حاليا في مقابل الـ Portfolio لان مدعي الكورسات/الخبرات بقوا كثير وبقي صعب التفريق غير بالشغل الحقيقي اللي بيظهر “بس” من خلال سابقة اعمالك،
لكن الاهم هو لما يتم الرجوع لرسالتك في اي وقت تاني غير الوقت اللي انت قدمت فيه – بيحصل كثير حاليا – نقدر نشوف ايه احدث/اهم الحاجات اللي انت عملتها من وقت ما قدمت علي الوظيفة/التدريب،

– لو انت Content/Copy Writer ممكن ترفع كل شغلك علي Contently
تقدر تعرف تفاصيل اكثر هنا
http://www.kareemsamara.com/contently/
– لو انت Designer لازم طبعا تبعت حساب Behance
– لو انت Video Editor يبقي لينك قناة علي الـ YouTube او حتي لينكات الفيديوهات اللي عملتها حتي لو يتم نشرها، ارفع الفيديوهات علي قناتك الشخصية وممكن كمان تخلي الفيديو unlisted وتبعت اللينك.
– لو انت في اي تخصص ومش لاقي موقع مخصص ليك، ممكن تبعت حسابك علي Wuzzuf/Linkedin
مع/او لينك علي جوجل دريف او اي خدمة مشابهة تجمع فيها كل اعمالك و تقدر تحدث عليها معلوماتك/اعمالك باستمرار

في ناس كتيير جدا حاليا بتدور علي ناس تشتغل معاها ومش لاقية ناس “يعتمد” عليها.
يعتمد عليها – ممكن هو يكون هايعلمك – لكن بتتوقف علي اي حاجة تكون عملتها تقول انه “يجي منك”، مش لازم تبقي جامد وتنين، بس ابعت اي حاجة تقول انك “عملت” حاجة قبل كده حتي ولو بشكل تطوعي/خيري/هواية..بس تكون حاجة اتعملت مش لسه “هاتعمل”.

انا شخصيا مش بحب موضوع الترشيحات لان في ناس كتيير بتتخم في ناس كتير، بس لو في ناس يجي منها في الـ Digital Marketing ممكن تبعت لينك الـ Portfolio
“في اي وقت تجهزه او تكون بتدور علي شغل” علي
HR@KareemSamara.com
وهاحاول علي قد ما اقدر اوصل الناس اللي يجي منها بالناس اللي بتدور عليها.

Comments

Social Media Trainer/Social Business Strategist Helping you build your online identity through Social Media

التعليقات مغلقة.