ليه تستخدم ال Power Editor ?

10575441_314183542075230_8443163964379905726_o

ليه تستخدم ال Power Editor ؟ 12 ميزة من مميزاته
ال Power Editor هو أداة في ال Facebook لإدارة الإعلانات وهو مصمم خصيصا لإدارة الحملات الإعلاناية الضخمة , وهو يعتبر أفضل أداه للمعلنين الذين يرغبون في التحكم الدقيق في حملاتهم الإعلانية .

هذه الأداه لها العديد من المميزات التي توفر على المعلنين الوقت والمال عند إدارة حملاتهم الإعلانية , ومن هذه المميزات :

1. إمكانية إستهداف شريحة معينه من العملاء تكون لها نفس خصائص عملائي الحاليين وده بيكون عن طريق حاجة إسمها ال looklike audience واللى من خلالها بقدر أرفع لل Facebook قاعده بيانات عملائي ويقوم هو بترشيح عملاء جدد لهم نفس خصائص هؤلاء العملاء الموجودين داخل قاعده البيانات .

2. إمكانية عمل Save لأي شريحة أنا إستهدفتها علشان لو عاوز أستخدم الشريحة دي مرة تانية .

3. خاصية ال dark post واللى من خلالها بقدر أعمل إعلان يظهر للمستخدمين ولكن مش بيظهر عندي على الصفحة .

4. خاصية ال Bulk ads واللى من خلالها بنزل Sheet Excel من ال Facebook وأقدر أكمل البيانات اللى في الملف ده واللى بتبقى خاصة بالإعلانات اللى عاوز أنزلها بقدر أحدد فيها صيغة الإعلان والشريحة المستهدفه وطرق الدفع والميزة هنا إننا أقدر أدخل في الملف ده عدد هائل من الإعلانات ممكن يوصل لأكثر من 5000 إعلان وأقدر أرفع ال Sheet تاني لل Facebook وأشغل كل الإعلانات دي بضغطة واحدة وده طبعا بيعتبر توفير في الوقت .

5. أقدر أعمل إعلان خاص بال Mobile app يظهر فقط على الموبايل

6. يتم إضافة أي خصائص أو إمكانيات جديدة إلى الPower Editor أولا لتجربتها وليس شرطا أن يتم نقل أو إضافة هذه المميزات إلى طرق الإعلان العادية أو يتم إضافتها ولكن مؤخرا , لذلك ليس عليك الانتظار حتى تضاف إلى الطرق العادية ولكن عليك كسب الوقت واستغلال هذه المميزات عن طريق إستخدامك لل Power Editor .

7. إمكانية التعديل في أكثر من Campaign أو Ad-set أو Ad مرة واحدة دون الإظطرار إلى الدخول على كل واحدة منها على حدا وتغيير البيانات الخاصة بها مما يكلفنا المزيد من الوقت .

8. عن طريق خاصية بتسمى ال Conversion tracking أقدر أقيس مدى نجاح حملتى الإعلانية , فمثلا لو أنا عامل حملة الهدف منها الناس تدخل على ال Website بتاعي , عن طريق الخاصية دي باخود كود معين أضيفه عندي في ال Website واللى من خلال الكود ده أقدر أقيس مين اللى دخل من ال Facebook لل Website بتاعي تحديدا من الاعلان ده “الخاصية دى اتضافت مؤخرا فى الـ Ads Manager العاادى”ز

9. أقدر أعمل حاجة إسمها duplicate ودي معناها نسخ , أقدر أنسخ أي Campaign أوِAd دون الحاجة لعمل ال Ad أو ال Campaign أكثر من مرة مما يكلفنا المزيد من الوقت … وممكن انسخ اكتر من اعلان مرة واحدة

10. إمكانية رفع أكثر من صورة داخل ال Power Editor واللى بتساعدك في عمل Test لإعلاناتك عن طريق إستخدام صورة مختلفه لكل إعلان .

11. أقدر أسهدف مستخدمي نوع معين من ال Mobile … “مثلا اندرويد بس او ايفون بس”.. دا غير انى كمان اقدر اقول انه لو عامل مثلا اعلان لفيديو ميظهرش على الموبايل غير لو العميل داخل من Wi-Fi  .

12. أخيرا وليس أخرا أقدر من خلال الخاصية الجديدة اللى أعلن عنها ال Facebook مؤخرا واللى هي ال Ad Scheduling واللى من خلالها أقدر أحدد للإعلان ساعات معينه في اليوم وأيام معينه يشتغل فيها .

هل بتستخدم ال Power Editor في الإعلانات؟

By: Ahmed Fadel

Comments

Social Media Trainer/Social Business Strategist Helping you build your online identity through Social Media

التعليقات مغلقة.