إيه الفرق بين الـReal Time Marketing و الـNewsJaking

 

أوقات كتير بتحصل أحداث على الـSocial Media زي إن تحصل مشكلة في الـFacebook وتبدأ الشركات تتريق على الموضوع وتنزل صور للمنتجات بتاعتها بتتريق فيها على اللي حصل، وأوقات تاني بيكون في حدث هيحصل زي الأوسكار بتكون الشركات مرتبة نفسها إنها هتتفاعل مع الحدث وكمان تسوق لنفسها عن طريق الحدث ده، المثالين اللى اتكلمت عنهم متفقين في جزأ ومختلفين في جزأ ، نقطة الإتفاق إن الشركات بتستغل حدث معين في التسويق لنفسها، ونقطة الخلاف إن في مثال الـFacebook الموضوع مش مترتب يعني الشركات مش عامله حسابها إن هتحصل مشكلة في الـFacebook وبناءا عليه هما هيتفاعلوا معاه، لكن في حالة الأوسكار الشركات بالفعل عارفه إن في حدث هيحصل في الوقت ده وبيكونوا جاهزين علشان يتفاعلوا معاه، وهنا بيجي الفرق بين الـReal Time Marketing و الـNewsJaking واللي هنوضحه في المقالة بأكتر من مثال.

هنتكلم دلوقتي عن ثلاث مصطلحات من خلالهم هتقدر تفهم كل حدث بيحصل على الـSocial Media ده إيه وإزاي تقدر تتعامل معاه أو تخطط ليه.

المصطلحات هي : 

Real Time Marketing

NewsJacking

BrandJacking

أول مصطلح وهو الـReal Time Marketing. 

ده عبارة عن استراتيجية الشركة بتنظمها للتعامل مع حدث معين، وإدارة حوار بخصوص الحدث ده وبيكون في مرونه للتفاعل مع أي حاجة ليها علاقة بالحدث.

أمثلة علشان نفهم الموضوع أكتر : 

طبعا لو هنتكلم على أمثلة في الموضوع ده مش هيكون في أفضل من المثال الأشهر في 2013 واللي قام بيه فريق الـSocial Media لشركة أوريرو لما النور قطع أثناء حفل مباراة كرة القدم الأمريكية، ونزلوا التويتة دي وبيقولك إنك تقدر تاكل أوريرو حتى والنور مقطوع!

 وشركة تايد كمان شاركت أثناء نفس الحدث الخاص بانقطاع الكهرباء ونزلوا تويتة بيتكلموا فيها عن انقطاع الكهرباء وإن كل اللي يقدروا إنهم يزيلوا البقع!  

Screen-Shot-2013-02-14-at-3.58.02-PM

ولسه مع نفس الحدث الخاص بانقطاع الكهرباء واللى شركة Jim Beam نزلوا التويتة دي وكتبوا فيها إن انقطاع الكهرباء اللي حصل كان برعاية Jim Beam Black.  

Screen-Shot-2013-02-14-at-3.41.48-PM

       

  وكمان أحد الأمثلة الرائعة حصلت أثناء حفل الـGrammy Award ودي أحد الجوائز الخاصة بالموسيقين وبتكون كل سنة في الولايات المتحدة الأمريكية، وأثناء الإحتفال ظهر المطرب Pharell Williams وهو لابس قبعة ” طاقية” فيها تشابه مع اللوجو الخاص بشركة Arby’s ، والشركة بناءا على ده نزلوا التويتة دي كنوع من الدعابة، بيطلبوا منه إنهم يستعيدوا القبعة بتاعتهم 😀  

 

المثال اللي بعد كده حصل أثناء كأس العالم في البرازيل لما الاعب Luis Suarez عض أحد اللاعيبة نزلت سنيكرز التويتة دي، بتقول فيها لـLuis لو جعان كل سنيكرز!

IMG_0444

وشركة Philips استغلت نفس الحدث الخاص باللاعب  Luis Suarez وعملوا إعلان لأحد منتجاتهم الخاصة بالعناية بالأسنان. photo

مع إصدار شركة Apple لمنتجها Iphone6 Plus المستخدمين وجدوا مشكلة ” الثني” أو الإنحناء واستغلت Kitkat الموضوع وتزلت التويتة دي ومعاها صورة شيكولاته Kitkat وكتبوا إنها بتتكسر مش بتنحني إشارة منهم للعيب الموجود في Iphone6Plus

rtm-2

 

وأثناء الاحتفال بالأوسكار شركة Lego نزلوا تويتة فيها جائزة الأوسكار معمولة بالمكعبات اللى هما بيبيعوها.

 

وهنا الفكرة إن معروف إن في الوقت ده هيكون في حدث معين ” مباراة ، احتفال زي الأوسكار أو أيا كان الحدث ”  والشركات بتكون جاهزة للتعامل مع أي حاجة تحصل، للتفاعل مع الحدث وده بيكون مترتب ليه مش بيكون صدفة، وأثناء الحدث اللي مترتب ليه بتحصل حاجات مش مترتب ليها، والشركات بيكون عندها المرونة الكافية للتعامل مع الحاجات دي.

تاني مصطلح وهو الـNewsJacking

الـNewsJacking بيكون نفس فكرة الـReal time Marketing ولكن الفرق إن هنا الموضوع مش بيكون مترتب، بمعنى إن بيحصل حدث معين فالشركات بتحاول تستفيد من الحدث ده بإنها تبدأ تتفاعل معاه.

life-of-a-news-story

 

ومن الأمثلة الرائعة على الـNewsJaking اللي عملته Kitkat مع رائد الفضاء Felix Baumgartner  واللي بسبب أكتر من مناسة تم تأجيل أحد رحلاته للفضاء، وده كان ردهم على الموضوع.

image010

طبعا كلنا فاكرين موضوع الفستان وهو أزرق ولا بني، في كتير من الشركات استخدموا الـNewsjaking للتسويق لمنتجاتها مستغلين الإنتشار اللي حصل عليها الحدث.

دي كانت صورة الفستان اللي نزلت والسؤال كان هل الفستان أزرق ولا بني، وطبعا الموضوع انتشر انتشار غريب وقتها.

16468_394926777334239_847040245206234049_n


ودي بعض الشركات اللي استغلت الحدث

11024773_394927714000812_5732874545244445790_n (1)

11042990_394927840667466_636949682005909681_n

وكمان صفحة برشلونة : 

11042942_394927897334127_8356132220955557711_n

 

وهنا نقدر نقول إن كل NewsJaking يعتبر Real Time Marketing ولكن مش كل Real Time Marketing يعتبر NewsJaking

 

 المصطلح التالت هو BrandJacking 

سمعنا كتير كلمة Brand Attack واللي بيقول الكلمة دي يقصد بيها الهجوم على الشركات من خلال الـSocial Media، وفي حالات كتير شوفناها في الفترة الأخيرة بيتم فيها الهجوم على شركات، أو أشخاص زي ما حصل مثلا مع شادي سرور، ونانيس سليم وغيرها من الحالات الكتيرة اللي كلنا تابعناها.

لكن السؤال هنا، هل الموضوع ده بيبقى منظم ولا بيكون صدفة؟ ولو منظم إزاي أقدر أعمل Brand Attack على شركة، أو لو أنا مسؤل عن حسابات شركة إزاي أقدر أتجنب الموضوع ده؟

مبدأيا، مصطلح الـBrand Attack نفسه مش مستخدم غير عندنا هنا في مصر لكن المقصود من المصطلح وهو الهجوم على الـBrands سواء شركات أو أشخاص ده ليه مصطلح تاني وهو الـBrandJacking

اللي حابب يدور اكثر في الموضوع ممكن يعمل بحث عن
الـ Crisis management والـ Reputation management

Brandjaking

أصل المصطلح هو عبارة عن دمج كلمتين هما ( Branding – Hijacking ) الـBranding وهو المقصود بيها الشخص أو المؤسسة، وكلمة Hijacking  هي نوع من أنواع الهجوم على شبكات الحاسب.

وأوقات في ناس بتستخدم Hijacking نفس إستخدام الـBrandjacking في إن هما الاتنين بيعبروا عن الهجوم اللى بيحصل على الـBrands على الـSocial Media وده اللي الناس بتقول عليه Brand Attack.

وكنا سئلنا موقع Hubspot قبل كده عن الشركات اللي بتعمل هاشتاج معين ويتم استخدامه من أشخاص للتشهير بسمعة الشركة أو ان شركات تانية تستخدمه للتسويق للمنتجات أو الخدمات الخاصة بيهم، وكان رد احدهم إن الموضوع ده إسمه Hashjacking 

11938780_10153151944003106_277915149_n

 

فالاصل في الموضوع هو فكرة دمج كلمتين ( Branding – Hijacking )

و لو رجعنا نتكلم عن الـBrandjacking هنلاقي ليه أكتر من شكل :

وأحد أشكاله هو إن الهجوم على الـBrand بيكون للمتعة :D، بمعنى حد بيتصيد حاجة معينة للـBrand ويبدأ يهاجم زي ما حصل مع متجر Target لما أعلنوا عن بعض التعديلات في المخازن بتاعتهم والتعديلات دي ضايقت العملاء وأحد المستخدمين العاديين توقع إن ده هيحصل وعمل حساب إسمه Ask Forhelp وصورة الـProfile عبارة عن Logo الشركة، وبدأ يرد على العملاء المستاءة من القرار بردود مضحكة على أساس إنه بيتكلم بإسم خدمة العمالاء .

T-target-2-1

شكل تاني وهو الهجوم بسبب إن الشركة أو الشخص تصرف بشكل أزعج الناس وضايقهم فالبتالي الناس بتبدأ تهاجمه.

والموضوع هنا في جزأين :

الجزأ الأول إن الهجوم غير منظم :

يعني الناس مش يكون في إتفاق بينهم على حاجة معينة ولكن الموضوع بيكون صدفة، زي ما حصل مثلا في حالة الـMakeup artist  نانيس سليم، اللي حصل إنها نزلت Post فيه صورة لبنت على أساس إن البنت نصبت عليها، ولكن الموضوع اتقلب ضد الصفحة وبدأت الناس تهاجم الصفحة، واتعمل هاشتاج إسمه ” مقاطعة نايس سليم ” وبالرغم من كل الهجوم اللي حصل على الصفحة وقتها، لكن الموضوع كان غير مرتب.

وكانت بداية الموضوع الـPost ده واللي بيتكلم عن البنت اللي في الصورة وإزاي من وجهة نظر نانيس إنها ضحكت عليها. 

11214377_619948358143804_8991940660717037316_n
وبدأ الهجوم على الصفحة بعد نشر الصورة.

98746Capture


الجزأ التاني وهو لما يكون الهجوم ليه ترتيبات قبليها :

زي اللي حصل مع شادي سرور لما قال إنه هيعمل فيديو عن البنات اللي بتسمع أو بتحب الـOne Direction.

11954692_458834414276808_3556665513846455809_n

على الرغم من إن الناس حذرته وفعلا الناس كانت ناوية تهاجمه لكنه نزل الفيديو.

11953049_458834580943458_3161723360334493416_n

 

اللي حصل بعد نزول الفيديو إنه اتعمل هجوم على شادي بشكل كبير واتعمل هاشتاج على تويتر إسمه OhNoShady والهاشتاج كان Trend في مصر وقتها.

11954772_458805427613040_9054758660923944890_n

11872082_458834664276783_7783048905617803928_o

الخلاصة :

إتكلمنا في المقال عن 3 مصطلحات (Real Time Marketing – NewsJacking – BrandJacking  )

  1. الـReal Time Marketing
    وده إنت تقدر ترتب ليه قبلها بناءا على الأحداث اللي بتحصل وتقدر تعمل الـCalendar الخاصة بيك بحيث إنك تكون عارف المناسبات المختلفة وبالتالى يكون عندك الاستراتيجية المناسبة للتفاعل مع الحدث ده.
  2. الـNewsJaking
    وده بيكون مفيش ترتيب ليه، لكنك تقدر تتوقع حدوثة عن طريق إنك تشوف الـSearch Volume الخاص بالكلمات علشان تعرف الناس بتدور على إيه علشان تعرف توجههم في الوقت ده.
  3. الـBrandJacking وده بيكون هجوم على الشركة وممكن تتعامل معاه بالآتي :
    *  أولا تحاول تتجنب حدوثه، زي ما اتكلمنا عن شادي سرور وإن الناس كانت حذرته قبليها لكنه ماقدرش يتجنب الموضوع
    * محتاج إنك تكون دائما عامل Monitor لإسم الـBrand بتاعك بحيث تكون عارف الناس بتقول إيه عنك بإستمرار ولو فيحاجة سلبية تلحق ترد عليها قبل ما المشكلة تكبر، وفي Tools كتير ممكن تستخدمها في الموضوع ده زي Hootsuite
    * مهم إن يكون في خطة موجودة في الشركة للتعامل مع الأزمات اللي بالشكل ده، ويكون معروف إزاي هيتم الرد وإزاي هيتم التعامل مع الناس ووقت الرد وكل حاجة متعلقة بالـCase.
    * لو حصل خطأ منك واعتذرت عن الخطأ الناس مش هتشاور عليك في الشارع ويقولوا اللي اعتذر عن الخطأ أهو، إذا أخطأت بكل بساطة اعتذر للناس عن خطأك.

المصادر :

  1. مصدر 1
  2. مصدر 2
  3. مصدر 3

Social Media Trainer/Social Business Strategist Helping you build your online identity through Social Media

التعليقات مغلقة.