اعادة الاستهداف: افضل طريقة اعلانات واكثرهم تأثيرا

سؤال:
انا ساعات ببقى فاتح بعض المواقع “زى موقع امازون” او مواقع تانية بتقرج على حاجات ..وبعد كده لما بفتح الفيسبوك بلاقى اعلانات الموقع بتظهرلى واحيانا بيبقى نفس المنتج اللى انا كنت بتفرج عليه معروض قدامى على شكل اعلان..الكلام ده بيحصل ازاى؟

الجواب:
فى حاجة اسمها
ReTargeting Ads

ودى فكرتها ان الموقع  لما تفتحه بيسيب ملف صغير على جهازك هدفه انه يقدر يخلى الفيسبوك يعمله اعلان عند اى شخص على الفيسبوك عنده الملف ده
مثال: شخص مثلا زار موقع شركة طيران ..الشركة بتسيب الملف على حهاز الشخص ..ولما الشخص يفتح الفيسبوك ..الشركة بتعمل اعلان بيبقى موجه للناس اللى عندها الملف ده..لان دول مهتمين اكتر بالموضوع بتاعهم..
والشركات المحترفة اكثر هى اللى مش بتنزل الملف ده غير لما الشخص يوصل لصفحة معينة
مثال 2: هانفرض مثلا ان راديوشاك هايعمل الموضوع ده..االمفروض انه ميعملش الموضوع على الموقع كله..ويخلى الملف بينزل لما الشخص يفنح صفحة الايباد مثلا ..او لو هما عارفين الموضوع صح ..يعملوا الملف ده لما الشخص يوصل لصفحة الشراء اللى بيدخل بيانات الفيزا بتاعته ..لان فى اشخاص ممكن يدخلوا على صفحة الايباد علشان يعرفوا مواصفاته بس ..لكن لما الشخص يدوس على كلمة شراء  وتفتحله صفحة الشراء ..ساعتها الملف ينزل ..لو اشترى يبقى انا ممكن اعمل اعلان للشخص ده بحيث يشترى اكسسورارت الايباد زى السماعة مثلا ..او لو الشخص مسجلش بياناته واشترى فعلا ..ممكن عدم شراءه  يبقى ليه اكتر من سبب ..مثلا النور قطع وهو بيكتب بيانات الفيزا ..او جاله تليفون مهم ..او ..او ..او ..ساعتها اعلانك هايفكره انه يشترى المنتج ..لانه اظهر اهتمام بالفعل فى المنتج
ملحوظة 1: الملف اللى بينزل غير مضر ليك
ملحوظة 2: الشركة مبتعرفش انت مين؟ هى بس بتقول للفيسبوك يعمل اعلان للناس اللى عندها الملف ده.. والفيسبوك بيعمل الاعلان من غير ما يبلغ الشركة تفاصيل عنك
ملحوظة 3: الطريقة دى موجودة وجوجل بتعملها فى اعلاناتها
ملحوظة 4: الطريقة دى مش بتم من خلال الفيسبوك نفسه ..لازم موقع خارجى بيتعاون مع الفيسبوك هو اللى يعملها
ملحوظة 5: تقدر تعمل اعلانات بالاستهداف “فى حالة انك عندك قاعدة بيانات” لعملائك من خلال
Facebook Power Editor
ملحوظة 6: كل المواقع اللى استخدمت الخدمة دى بتقول ان اعلانات الاستهداف بتحقق نتائج اضعاف كل انواع الاعلانات التانية 

Social Media Trainer/Social Business Strategist Helping you build your online identity through Social Media

التعليقات مغلقة.