مشكلة ضياع الوقت اونلاين

مشكلة ضياع الوقت اونلاين

في ناس كتييير بتشتكي من موضوع انها مش قادرة تنظم وقتها علي الانترنت .. وانها عندها وقت كتييييييد بيضيع وهي – سبحان الله – متعرفش الوقت ده بيضيع في اييه !!!!

في طرق كتير ممكن تساعدك في الموضوع ده .. انا هاتكلم عن ٤ اضافات ممكن تستخدمهم كحل للموضوع ده

١- مشكلة الفيس بوك الاعظم ..
مشكلة ان الرسائل بتبقي Seen فبتضطر ترد عليها 🙂
لو استخدمت Extention Facebook Unseen مش هاتضطر ترد ..لان الرسالة مش هتبان انه اتشافت وتبقي ترد او متدرش اصلا براحتك 🙂

Facebook-Unseen
٢- تاني مشكلة بتسبب ضياع الوقت هي الـ newsfeed
اضافة Kill News Feed كل ما هاتفتح الـ Facebook Home هتلاقي رسالة تقولك
Don’t get distracted by Facebook!
وعلشان ميبقاش الموضوع خنقة قوي ..ينفع لما تجيلك Notifications تفتحتها وترد عليها عادي 🙂
المشكلة اللي بتبقي موجودة في اغلب الاضافات انك بسهولة قوي تقدر توقفها .. يعني تقول – كالعادة مثلا- انك هاتقفل الفيس بوك وتقوم تذاكر .. ولان المذاكرة بتخلص في ساعتها فانت بعدها بدقيقتين بتكون قفلت الاضافة ورجعت تكمل مذاكرة علي الفيس بوك عادي جدا ودا حله رقم ٣ 🙂

Kill_News_Feed-1024x728

٣- تطبيق SelfControlApp برنامج بتحدد مدة معينة – لا قدر الله تذاكر فيها – والبرنامج بيقطع عنك الانترنت في الوقت ده .. حتي ولو عملت Restart للجهاز برضه مش هايفتح الانترنت غير لما الوقت اللي حددته يخلص ..
وياريت تبقي تحدد فيه وقت طويل علشان لما تقعد علي الموبايل الباقة تخلص وترجع تذاكر شوية

Capture

البرنامج بيشتغل علي الـ Mac
وبديله علي الويندوز SelfRestraint
او Cold Turkey
وبديله علي الـ Linux برنامج SelfControl
اخر حاجة
٤- برنامج Rescue Time
ودا برنامج بيشتغل في الـ background والميزة انه بيحسب كل الحاجات اللي انت بتعملها علي الجهاز وبيقدملك تقرير عن انت قضيت وقتك طوال الاسبوع علي مواقع ايه .. بحيث تقدر مع الوقت تطور من ادائك وتقلل عملية التسويف لانه بيقدملك تقرير مفصل عن كل الوقت اللي بتقضيقه عي اي موقع 🙂

RescueTime-1024x507

Comments

Social Media Trainer/Social Business Strategist Helping you build your online identity through Social Media

التعليقات مغلقة.