يعنى ايه تغطية مباشرة على مواقع التواصل الاجتماعى؟

بعض الناس بتسمع عن فكرة التغطية مباشرة على مواقع التواصل الاجتماعى؟-..او ال 
Live Coverage
بس متعرفش هو ايه اصلا…او انا هاستفاد منه فى ايه…او هاتفاعل عليه ازاى؟

فكرة التغطية المباشرة هى فكرة نقل الحدث “نفرض انه مؤتمر” اللى بيحصل فى مكان معين ..للناس اللى مش قادرة تحضر الموضوع فى المكان “مثلا” المؤتمر فى بلد اونت فى بلد   

التغطية المباشرة ممكن تبقى من خلال الفيديو
Live Streaming
ودى ان حد بيسجل الفيديو وبيتذاع فى نفس اللحظة “وممكن يتسجل كمان :)” والناس تشوفه فى اى وقت تانى
..ودا ممكن تعمل كده من خلال اللابتوب بتاعك ..او حتى الموبايل او التابلت ..طبعا فى برامج كتير ممكن تساعدك فى الموضوع ده زى
Google Hangout – Ustream – Bambuser 

او ممكن يتنقل الحدث عن طريق تفاعل الناس على هاشتاج محدد”الاستخدام الحقيقى للهاشتاج” والناس اللى مش قادرة تشوف الفيديو ممكن تقرأ الكلام اللى الناس بتكتبه على الهاشتاج وتعرف كل حاجة بتحصل فى المؤتمر ده “لانها بتقرا الموضوع من خلال ان اكتر من حد بيكتب الكلام اللى بيحصل على الهاشتاج
طبعا اشهر موقع فى الجزء ده هو “تويتر” حتى الان ..الفيسبوك مش قوى فى الجزء ده لانه
اولا مش بيعرض كل البوستات اللى بتتكتب من كل الناس”نظرا لانه بيعتمد على معادلة فى ترتيب البوستات” بعكس تويتر اللى بيعرض كل حاجة بالترتيب الزمنى بتاعها
ثانيا طريقة العرض نفسها على تويتر افضل بكتير من الفيسبوك اللى بتحتاج تعيد تحميل الصفحة كل شوية علشان تقرا الجديد 

الموضوع بيستخدم “فى اوربا والدول المتقدمة” بشكل احترافى جدا وبتقدر تتابع كل حاجة بجد زى ما تكون موجود
باختصار” ناس بتضيف قيمة” ..
لدرجة ان الاماكن المحترمة بتخصص ناس من عندهم يغطوا الحدث ده علشان يغطوه بشكل يضيف قيمة ويتفاعلوا مع الناس ..وللاسف لما بيحصل الكلام ده عندنا “حضرته مرتين او تلاته مع اماكن مختلفة” تحس ان الناس اللى بتكتب “لو الشركة مخصصة ناس ..بيكتبوا حاجات “ينقطوا بيها الناس اللى مش بتحضر ويغظيوهم ” والناس العادية مبتتفاعلش بجد وتكتب حاجات كتير 

الموضوع ممكن نتكلم فيه عن امثلة كتير بعضها لذيذ..فى بعض الشركات بتجيب شاشة كبيرة وتحطها فى المكان وبيتعرض عليها الكلام اللى بيتكتب فى الهاشتاج الخاص بالمحاضرة..كنوع من التشجيع على المشاركة وان الناس تبقى عارفة ايه اللى بيتقال سواء من الناس اللى موجودة معاهم فى نفس المكان او الناس اللى بيتفاعلوا من بره ..”مرة واحد كان فى محاضرة كتب على هاشتاج المحاضرة الدنيا هنا برد جدا والناس تفاعلت معاه وعملت ريتويت والمنظمين وطوا التكيف وكتبوا خلاص وطينا التكيف اوعى تقول للمحاضر 🙂 …
يعنى ممكن تحل مشاكل كمان

اشهر استخدام للموضوع ده بيبقى من خلال
Twitter Chat

Social Media Trainer/Social Business Strategist Helping you build your online identity through Social Media

التعليقات مغلقة.